¹ Fi wakti wede malima bakan umon ja fi malin jakun nna, juru laabil eli mini anas kerenisiti minanas te Babylon, kalam muswana aburujala tomon mutu ja katulu umon fi kadama te killa yom. ² Anas12 ya kan kom te malima al ginadi kom te anas al gi alim ne kelem nowmon gali makwesi seebu kalam te Rabbana min kidima fi ras meza. ³ Yala akwana nigitu kum anas 7 ab kwesin anas ab amla agili meroho ab ne dif ab ina legetu fi kidima wede. ⁴ Lakin ina bija kun fi asadu na Rabbana me kidima kalam. ⁵ Kalam wede bija rudu badum mo gidam kom kulu dukur ja legetu stephen ajol al amula me roho ab ne dif me philip me procol me nika nooli nedifu niknooni me pamena me nikolawo o te chuufu te ante yo keya. ⁶ Kutu umon gidam murusalin mon womba kutu fugu umon idda. ⁷ Kalam te Rabbana dukurr fere fere anas me number te anas ab gi alim kun gi zidu killa yom kom te nas kabona dukur taya me rudu. ⁸ Steven bakan amla me huruma me gudra kalama ab te ajab me sokolina ab hairu gidam anas. ⁹ Lakin mon gum anas te bakan te lim badu ab gi nadi tena lt betina me nas kurani menas alevandria me tanas kirukiya me nas Asiya ligo mon gi juru laabil me Stephen. ¹⁰ Yala umon kan ma agder agil me roho fi kalama ab uwo jaso in. ¹¹ Mon abidu lipa ne anas ab kan kelem gali, ina asma ajol wede ligo ogi wonus kalam te sitimu Musa me Rabbana. ¹² Mon abidu kutu anas me wazzey me anas te kataba mon ja nowo mon amsuku uwo mon sulu uwo fi kom. ¹³ Mon yegifu shaidini ab te kabas ab kelem gali ajol wedde magi seebu wonus kalam fi bakan wede ab nedif me shariya. ¹⁴ Kalam ina asma uwo ligo ogi kelem gaali, Yesu te Nazzareth wede obija keregi bakan wede obija geeru ladi adab ab Musa ja wedi neina. ¹⁵ Bakan mon kulu kutu fuguwo ena anas kulu al kan gen kom tagat agil badumon ayin uwo je ena to giben jata malaika.