¹ Lakin ajol al asma to ananiya me safira mariya to otunda sokolina to. ² Lifu ahafiz ne nafisi to sokolina siya, mariya to kaman arufu ojib fogo nusu okutu fi kura te mursalin. ³ Lakin Petero kelem nowo gal, ananiya nija sitani okaelemneita sun kabas roho ab nedif, dukur te hafiz neita fi kiyas te shamba? ⁴ Obakan fi ana okan nama? bakano tunda kala? okan ma tete amrito?Sunu ya kutu kede ita kutu kalam de fi gelba so jede? Ita ma kabas anas, lakin Rabbana. ⁵ Ananiya bakan asma kalama dolde, owaga ladi okemir, kwaf milan amsuku umon kulu ab asma kalama dolde. ⁶ Ya wele gum mon lifu uwo sulu uwo dofun uwo. ⁷ Bakan wakti tim ligo kalsi sa tala futu mariya to kaman dakal ligo uwo ma arufu sunu ya kun tala fogomutu de. ⁸ Petero warja fogo gali ogi asadu gal taasil ya jede kijas te tura ab to kum tunda? okelem nowo gal yaa jede. ⁹ Petero kelem nowo gali sunu ya kutu kede itakum kede abur gelba te Rabbana? Okelem nowo gal ajin kura taanas ab dofun ragi taki fi fu baabu gura sulu ita kaman. ¹⁰ Gwam zaidi owaga fi kura to omutu yal wele de bakan dakalu mon dofuluwo bakan wayi me ragi to. ¹¹ Kwaf abte gudra dukur amsuku kanisa kulu me anas kulu ab asma kalam de. ¹² Alama me kalama te ma jabu milan, al kan giso me idda te mursalim fi anas m'on kulu kan fi kom te sulaiman me gelba wayi . ¹³ Me anas taanin mafi ajol ladi wayi abu kan aju lim badum mo mon, lakin anas sulu umon sokol te foo. ¹⁴ Anas te iman mon zidu lim badum me sidi teena rujala me nus wana. ¹⁵ Me jibu kan gi jib Ayamin fi sika kutu umon fi birisi me sida, Petero kan bija dulu to kede rasul fi anas taanin. ¹⁶ Kawm lim ligo mon gi tala min medinna alfi fi Yerusalem ligo mon gijib ayanin me anas al kan jini gi taban umon dukur bi ponsha umon. ¹⁷ Lakin kabir te din gum tome ku barina taamin(ya minusu te sadu kaayo).Dukur mon amla teli. ¹⁸ Mon amsuku nas mursalini sulu umon fi jella tanas kulu. ¹⁹ Lakin malaika te Rabbana fi lel ofata babu te Jee la, ofata umon okelem gali. ²⁰ Okelem nowmon kede umon ruwo, yegi fu, kelem ne asima te kanisa kalam te hayyi wede. ²¹ Bakan umon anas mon dokal fi kanisa fi ustu filel mon alim lakin kebir te din me akwana taanin al kan fi mo, onadi badum me wazze ya te yala te Israel orasul fi jela kede Jib umon. ²² Lakin rujala ab ruwa fi jela mon ma ligo umon fi jela, mon arja mon wonusu. ²³ Jela ina ligo go ful kuwesi me askariya yegif fi baabu lakin bakanina fata ina ma ligo ajol yoyote. ²⁴ Bakan mon asma kalam dolde kebir te kanisa me nas kubaarina te diin ab kubarin. mon hairu me wassi wassi toumon kalam de bija tala. ²⁵ Ajol ja oja kalam noumon gal ayin anas dolde mon fi fi kanisa mon gi alim anas. ²⁶ Ina ya kebir, me kubaarin te jela mon ruwa jib umon ma me gudra kalam mon kafu anas kede ma ja dugu umon ma laageri. ²⁷ Jebu umon kutu umon gidam te anas kebir al gi sinda me kebir wasadu umon. ²⁸ Ogi kelem gali amrisha, ina amrisha ita kum kede ma gi alim fi asuma wede ayini itakum amula Yerusalem me alim takum, tokum aju jibu fogoina dom ta ajol wede. ²⁹ Lakin Petero me mursalin ligo ogi kelem gali gi faa neina asma Rabbanamin anas? ³⁰ Rabbana te nas jidi teena ya tooru Yesu min kabri ab itakum ja katul, to kum kutu uwo fi msalaba. ³¹ Deya Rabbana ab arfu uwo fi idda to te yemin kun kebir aw haadi, wedi ne Israel kede mon taya me amurugu min umon batal. ³² Ina ya shahidin te kalama dolde wu kaman roho ab nedif Rabbana ab wedi now anas ab gi taya nowo. ³³ Bakan umon asma waja noumon zaidi ladi kan mon aju katul umon. ³⁴ Lakin agol yegifu fikom tagata agil te falisayo asima to amursha ajol te alim rujala de barasiya, l te faalisayo asma to Gamaliel ajol te alim sharisha wendisi heshima fi anas kulu amrisha kede arja ruja al de bara siya. ³⁵ Okelem noumon rujala te Israeli chunga itakum min anas dolde sokol al kan ita kum gura so noumon. ³⁶ Kalam zaman zaidi fi wakti ab gedim syda gum min num ogikelem gal uwo ya ajol kebir anas geri 400 mon lim baadum mowo katul uwo mon kulu ab asma uwoferte ku dukur amani ja. ³⁷ Bada to ogum yuda ab te gali laaya fi yom te katif, osulu kom kede fatiliya uwo, wede kaman woduru anas kulu ab asma uwomon fereteku. ³⁸ Ladi fi wakti wede ana gi kelem neitakum gal anas dolde kede sibu umon, kalam wafaka wede me kidima wede kan bitala min anas mon bija keregi. ³⁹ Kan de te Rabbana to kum ma agderi kati fogo tura, matakum beenu je anas ab gi dusman me Rabbana. ⁴⁰ Asma uwo dukur nadi mursalin dukur duguumon kelem noumon kede umon ma arja wonus fi asma te Yesu dukur seebu umon. ⁴¹ In umon tala min ena te hafla te lim badu ligo umon furai mon sulu kalam de je heshima noumon fi ligo tabu fi asma te Jesus Chirst. ⁴² Killa yom fi kanisa me fi juwa fi be mon ma kosa hatta yom wayi je Yesu ya Chirsto.