¹ Fi wakti ab kan umon gi wonus me komu dukur nas kubarina te dini Ja, me kebir te kanisa, me nas sadu kayo. ² Ligo mon endis huruma zaidi kalam monJa asma ligo gi wonus fi yesu gumi to min meitin. ³ Dukur kutu umon fi Jela fi jera mini lasiya ladi saba . ⁴ Lakin fi wadin ab asma kalam mon ameen Rakam toomon zidu uwo mon tim Rujala (5000). ⁵ Wakti abu lata saba kubarina, me wazzeya me anas te kataba, mon lim fi yerusalem. ⁶ Me ana kebir ab gi sinda min kubarin me kayafa me yokana me alexander, me kulla te kawni te kebir al mekebir. ⁷ Kutu uwmon fi ustu asadu umon gali gudra yatu aw asma yatu ab gi kutu kede itakum so Jede. ⁸ Ina ya petero Ja amla roho ab ne difu, okelem nowmon gali, kubaarina ta anas, me wazze ya: ⁹ Kan itakum bi asadu ina naare so kwesi ne ajol ab ayan dukur to kum asadu ina sunu ya ponyesha uwo. ¹⁰ Faham kum ita kum kulu me kum kulu ab te yala Israel gal ti asma te yesu kristo abte nazarreth, al ita kum Jakutu fi musalaba te Rabbana ab ja gum uwo min meitin, fi sabab tewede abyegi fu ligo uwo hayyi gi dam itakum. ¹¹ Wede ya laager ab itakum anas ta abin Ja alisi, asede oja kabir abtensonda. ¹² Ate mafi fi ajol taani ludaya wu kanan mafi asma taani tete samanyi abwedi na nas ab agder Jib neena hidaaya. ¹³ In ya mon ayin gudra te petero me yokana, mon faham umon Ja anas ab ma arufu agara aw abma ligo taa lim umon mon Ja faham je umon fi bakan wayi me yesu. ¹⁴ Bakan umon ayin ajol al ponyesha ligo uwon ma kan endis sokol te kelem nowmon. ¹⁵ Dkur amrisha umon kede tala min mini kom ta gata agil ligo umon gi kelem gali. ¹⁶ Ina biso kefin anas dolde? Kalam umonweeri alama al te gudra wu anas kulu ab gi gen fi Yerusalem, kalam de umon asma ata ina ma agder abba. ¹⁷ Lakin kede oruwa gidam kede gi ferere, kede ina kala umon, kede umon ma arja wonus fi asma wede wala ajol yoyote. ¹⁸ Nadumon, amrisha umon kede umon ma arja wonus sala siya wala alim fi asma te Yesu. ¹⁹ Lakin Petero me Yokana mon arja fogo noumon umon kelem gali kan kun kuwesi fi ena takum asma itakum seebu Rabbana wonusu tokum. ²⁰ Kalam ina ma agder askutu fi sokolina abina ayinu me ab ina asma. ²¹ Lakin baada kla kala umon wenesu seebu umon ligo umon ma gi ayinu mon kede kutu fugu umon sunu kalam kom de kulu kan gi abudu Rabbana fi kalam wede abja so. ²² Ajol al ja so alama te ponyesha uwo okan kan kala futu fi umri te sana 40 tesana to. ²³ Fi wakti ab fiku umon mon arja fi kawm toomon, dukur kelem noumon kulu kalama te nas ja kubarina me wazzeya kalam ab kelem noumon. ²⁴ Bakan umon asma mon arfa sauti toomon me nniya wayi ne Rabbana mon kelem Rabbana ab adul samayi me ardi, me bahari, me killa sokol al fi fogo. ²⁵ Rabbana ab wonus badul te roho ab nedif fi kasma te jidi teena daudi, yowe te taki gali anas te beelana sunu yatala fogo kede umon gata laabil,me kabila abidu jib fikra ab kan mafi. ²⁶ Sultana te duniya mon adul line me anas ab kubarina, mon lim badum bakan wayi fi Rabbana, me Kristo to. ²⁷ Mon lim fi medina ini fi yowele to Yesu ab te ja kub fuguwo din tazeti zaituni Kerode, me pontiyo, pirato me anas te beelana me kabila te yala Israel. ²⁸ Mon kede so kulu idda taki me wafaka taki ab amrisha zaman bija fi. ²⁹ Yala asede, Rabbna ayinu kala kala toumon wedi ne labiya takigudra, kede wonus kalama taki. ³⁰ kan ita ponesha arfa idda taki kede ita alama me kalama te ma jab kede so fi asma te nyereku taki ab nedif. ³¹ Bakan umon kla so duwa bakan ab mon kan lim fogo abidu hizu hizu mon kulu amla roho ag nedif mon wonus kalam te Rabbana me gelba gow. ³² Me kom de kulu mon endisi gelba wayi maji ajol wayi ab wonus je sokol ab uwo endisi de gal to, lakin umon kulu kan kun toumon kulu. ³³ Nas nebija de wonus me gudra milan ligo umon gi fahamisha anas gum te Yesu me neema milan kun fugu umongen fugu umon. ³⁴ Kalam min umon kan mon mendis ajol al kan muhtaaj kalam anas ab endis samba te matooke, me juwa monja tunda umon jib sente ab tala fogo. ³⁵ Mon kutu fi kura te mursalin mon gesim ne anas kulu ligo gi fatiya muhtaji to. ³⁶ Me yusuf mursalin ab kan gi naadi uwo Baeunaba(maana to gali nyereku te furai) kabila te mureevi, ab weledu fi kuplo. ³⁷ Okan endis shamba dukur otunda feather fi kura te mursalin.