¹ Wakti tim muda ligo Apolp fi ti Kolinso Paulo wakti futu fi belana ab te foo orasul fi Efeso oligo nas swahaba taanini. ² Okelem noumon seyi wedi neeta kum Roho ab nedif, wakti tokum amin? mon kelem nowo gal mafi ladi asuma fogo ina ma lisa asma. ³ Okelem gali ja batiza itakum dakal fi sunu? mon kelem fi batiza Yokaana. ⁴ Paulo wonus gali Yokaana obatiza batiza te taya ligo ogi kelem ne anas kede amin ajol ab gura ja wara uwo. Ya Yesu. ⁵ Wakti umon asma dukur batiza umon dakal fi asma te siddi tena Yesu. ⁶ Paulo wakti kutu idda fugu umon Roho ab nedif ja noumon mon wonuus hugha dukur umon ja wonus kalama ab me dusu. ⁷ Akwaana kulu kan fi (12) ⁸ Odaakal fi halfa owonus me gudra kalas shari tarata lgo ogi juru laabil me juru juru geeri anas fi arufu mamlaka te Rabbana. ⁹ Wadin wakti abba asma, mon gi sitim sika kidam class otala bakan ab umon fi ogessim ar nas swahaba ligo umon gi juru laabil fi sukul te tulaano. ¹⁰ Wede ja kalas sana tinini me anas kulu ab kan gi gen fi Asiya mon gen mon asma kalam te sidi tena nas Yudaaya me Yonan. ¹¹ Rabbana dukur abidu so kalama te maajabu killa yom fi ida te Paulo. ¹² Me ayanin jibu noumon hema, me gumas te gildu to dukur ayani wassa min umon jini wassa min umon ¹³ Lakin anas te Yudaya abkan ma endis bey toumon anas abgituruju (jini) dukur umon wedi nafusi toumon fi wonus asma te sidi tena Yesu fi anas ab endisi jini ligo umon gi kelem gal ana gi alif neitakum Yesu Paulo ab uwo gi wonus fogo de. ¹⁴ Wakti de kan fi yala 7 aba Sukewa kebir te kanisa ab te Yudaya ab so jede. ¹⁵ Jini dukur alja kelem noumon gali Yesu ana gi faham uwo me Paulo ana arfu uwo lakin itakum ya nus munu? ¹⁶ Ajol al kan endis jini nutu fugu umon osinda umon me gudra me jere mon jere min juwa ligo umon pilili umon amla dabara. ¹⁷ Wede kabar abja faham uwo me nas Yudaya me nas Yonani abkan gi geni fi Efeso; mastasabu dukur amsuku umon kulu asma te sidi tena dukur sul te foo ¹⁸ Milan toumon ab amin mon ja, mon kulu nakit mon weeri kidima toumon. ¹⁹ Milan min umon alkan giso kalama te sara, mon lim kitaba toumon mon haragu gidam umon kulu mon isaab beyi toumon ligo nusu te feza 5000. ²⁰ Ya jede asma te sidi tena zidu fogo gudra ab shinda me anas taanin. ²¹ Wakti dolde kalasu Paulo feker fi gelba to futu fi Makedon me Yaliya me ruwa fi Yerusalem ligo ogi kelem kan ana kalas bija geni na gi faa naana ayinu Roma. ²² Orasul fi Makedoniya anas 2 abkan gi awun uwo fi kidima, Timosewo me Elasto, uwo sidu osulu muda fi Asiya ²³ Fi wakti wede de ja kun korokoro siyakalam te sika. ²⁴ Kalam ajol ab asma to Demetiriyo, ajol ab gi hunga feza ab adul bakan te kujuru me feza ab te Atemidukur okani gi ligo ne nas abgi chunda sente ab ma siya; ²⁵ Olim anas me taanin abkan giso kidima dolde, okelem gali, rujala takum arfu gali kidima dilde ya utajiri teena gitala na; ²⁶ Itakum gi ayinu wu itakum gi asma, magal fi Efeso bara lakin fi Asia kulu Paulo wede ojuru juru ladi anas kun milan, ligo ogi kelem gali dolde ab gi adul me idda de ma Rabbana. ²⁷ Ragi de kelem gal magal ina bara ya ayinu shida te kazi tena sulu al te faida ma, wu kaman sabo te Atemi Rabbana toumon ab mariya feker gal de ma sokol wede sulu uwo fi hishma to ab gi abudu Asiya kulu me duniya kulu. ²⁸ Wakti umon asma gelba harri amsuku umon mon wonus foo ligo umon gi kelem gali Atemi te nas Efeso ab kebiri. ²⁹ Medina kulu ligo kelele kalam wedede, mon tala me gelba wayi rasul fi Teyatelo wakti umon kala amsuku ayo e Eristaluuko anas te Makedone ab kan gi gen me Paulo. ³⁰ Paulo wakti aju dakal fugu anas naas swahaba dukur rudu uwo ma. ³¹ Kubarina te Asiya ab kan swahaba tomon rasul nowo ligo umon gi waga waga nowo kede uwo ma wwedi uwo fi Teyatelo. ³² Anas taanin dukur wonus namna taani ma kaman taanin jede, kalam madrasul kan ligo ferteku me kaman milan toumonma faha sabab ab umon kan lim fogo. ³³ Mon amrugu Alexander min Class nas Yudaaya ligo gi liju liju uwo Alexander aburum ida toumon waaju wonus fugu uwo fi ena te anas. ³⁴ Lakin wakti faham gal uwo Yudaaya mon kul wonus me sauti wayi muda te saa tinini gal Atemi te nas Efeso ab kebir. ³⁵ Ajol te kataba wakti kelem ne class kede askutu okelem gal rujala te Efeso ajol yatu ya magi faham je medina te anas te Efeso ya gi chunga sabo te Atemo ab kebir me picha ab tala ne zewo. ³⁶ Yala kalam dolde ma sawa sawa gi faa neita kum arja tey aw taya me ma so sokol fi haraka. ³⁷ Kalam itakum jibu anas dolde ab ma nyakamu sokolina te sabo wu kaman mon ma alisi Rabbana tena ab mariya. ³⁸ Yala Demetirio me anas te chunga ab fi mowo mon endis kalam me ajol comitlee fi me kaman kunarina te bele fi! kede umon asiki badum. ³⁹ Lakin kan itakum gi gusu kalama taanin,bija gata fi bakan ab anas gilim fogo kila yom. ⁴⁰ Kalam ina agder ligo musiba kalam fere fere te naare kalam ana ma gi ayin sunu ya ina agder wedi fi mahkama kalam te kilel wede. ⁴¹ Wakti owunus jede dukur osibula anas.