¹ Wakti ab dusman kala kalas, Paulo nadi swahaba to uwo alim umon, uwo dukur so no'umon, kwaheeri, otala oruwa fi Makadom. ² Wakti ofutu oruwa ne jamaa, naade okelem no'umon kalamamilan orasul fi Jordan. ³ Bakan okalas na shari(3) nas Yudaaya gata nowo agil wakti wo aju arja fi Makadon. ⁴ Mon ruwa nowo ladi uwo wosul fi Asiya Sopatel ajol te mube rayo, nyereku te Puulo me anas te Sosolokika Alisutaluuko me Sekundo, me Gaayo te Derube me Timesewo, me anas te siya Tutiiko me Tulothimo. ⁵ Mon kulu lim badum mon ste ina fi toliwa. ⁶ Dukur ina talamin Filipi ne tooru fuluka tena baada te yom al mukati ma gi furu, ina rasul no'umon fi tuulo baada te yom (5) ina kalas na yom saba(7). ⁷ Yom tawlan te sabbit bakan ina lim kede ina kasur mukati Paulo wonus no'umon ligo waaju ruwa saba lakin otooli ruwa ligo mon lisa gi wonus laadi nus te filel. ⁸ Dukur kutu taa milan fi kujura bakan ab ina lim ina fogo. ⁹ Yowele ab asma to Yutko ogen fi dirisa nuum milani dukur sulu uwo Paulo wakti tooli ligo uwo gi wonus yowele de dukur tata min juwa nas owaga dukur amrugu uwo ligo omutu. ¹⁰ Paulo dukur onengil wamsuku uwo okelem no'umon matakum koore, lisa hayyi to fi min juwa. ¹¹ Opanda ogata mukati wakul fogo otool na logo lisa ogi wons laadi min subu dukur otala. ¹² Jibu yowele de ligo uwo hayyi mon furai zaidi. ¹³ Lakin ina kun min gidam te ana al kan gi ruwa fi fuluka ina ruwa ladi fi Aso ligo ina aju kede in juru Paulo kalam kan uwo amrisha futu fi tura. ¹⁴ Wakti oligo ina fi Aso ina juru uwo ina dukur ja fi Mituleene. ¹⁵ Ina arja fi fuluka yom te (2) ina dukur rasul gidam te Kiyo, fi yom te (3) ina rasul fi samo fi yom teiyi ina rasul fi mileto. ¹⁶ Kalam Paulo kan aju kede ina rasul me fuluka fi Efeso.Kalam kede uwo ma chelewa fi Asia kalam kan uwo aju kede Yerusalem fi yom te Pentecoti. ¹⁷ Wakti okan fi Mileto orasul kede naadi wagge te kanisa ab gi gen fi Efeso. ¹⁸ Wakti mon rasul fi bakan ab uwo fi okelem no'umon itakum arfu min fi yom(1) ligo ana fi Asia me kalama ab ana kelem ne itakum te zaman kulu. ¹⁹ Ligo ana giso kidima te sidi tena me taaya kulu, me koore, me imtihan ab ana ayinu fi husda te anas te Yudaaya. ²⁰ Ana ma seebu kelem ne itakum kalam yoyote al fa kede ana kelem ne itakum me alim itkum gidam anas me kila beey. (juwa) ²¹ Ligo ana gi alim nas Yudaaya me anas te Jordan kede umon arja ne Rabbana me amin sidi tena Yesu Kristo. ²² Abur ayinu wakti ab robutu ana fi Roho ana gi ruwa te Yerusalem ligo ma arfu sunu ya ana bija ayinu naa. ²³ Lakin Roho ab nedif ogi kelem naana kila medina ogi kelem naana, robutu ana, me wedi naana shida gi steenu ana. ²⁴ Hayi tayi ana magi ayinu je sokol ana magi ayinu je ta thaman naa kalam kede ana timiga safari tayi me rasul kidima ab Yesu wedi naana kelem na anas injil te huruma te Rabbana ne anas. ²⁵ Abur ayinu ana arufu je itakum kala magi ayinu ana itakum ma agder ayinu ena tayi itakum kulu ab ana kan gi kelem neitakum injil te mamlaka. ²⁶ Ya ana kede kelem ne itakum naana ana fi nedif laajal tedom te anas kulu. ²⁷ Kalam ana ma gder seebu kelem ne itakum wafaka te Rabbana yoyote. ²⁸ Chunga itakum sidu me shida kulu ab Roho ab nedif wedi ne itakum kede itakum kun anas abi ayinu wara kalam to, me saara kanisa te Rabbana ab uwo bijo me doomu to. ²⁹ Ana arufu kan ana kala wassa laam gaba ab hari bija dakal fugu itakum wu atta ma bija ayin huruma takum. ³⁰ Ladi min itakum bija tala anas al gi wonus kalam ab awaja ligo umon gi tesa swahaba kede umon fatiliya umon. ³¹ Ayinu tokum, kumbuka kumana maja seebu kwafisha itakum me agili fi sana tarata ab ana kalas me etakum filel mena hari. ³² Ladi fi wakti wede ana gi kelem ne itakum kalam te Rabbana ab te huruma, ab agder raba itakum me gesim sokolin te anas ab mutu ne anas ab ja nedifu. ³³ Ana ma gi taman feza te ajol yoyote sala kan zaabu sala kan sokol lebis. ³⁴ Tokum arufu jeidda tayi dolde yaso killa sokol ab kan ana aju me anas al kan ana fi ma umon. ³⁵ Ana weeri ne itakum kulu namna teso kidima je awunanas al ma endisi gudura the kumbuka kalama te siddi tena Yesu ab uwo wonus uwo sidu gal gesim te baraka min amurugu. ³⁶ Wakti uwo wanus jede odugu rukuba owomba bakan wayi no'umon. ³⁷ Mon koore umon kulu mon waga firagabtu to ligo umon gi wedi nowo (hug) dukur mon kiss uwo. ³⁸ Ligo umon ligo sunga laajal te kalam ab uwo wonus gali mon mar gura arja ayinu uwo. mon gedim uwo ladi fi fuluka.