¹ Baada killa kalam dukur owasa min Asene oruwa fi Kolinso. ² Uwo ayinu ajol te Yudaaya asma to Akula, ab weledu fi Ponto ya kan lisa otala min Italiya me marayi to Puriskila kalam Kulawdiy okan kala amrisha nas Yudaaya kulu talamin Rome: oja fi bakan ab kan umon fogo; ³ Kalam kan umon endis kagi wayi dukur ogen moumon kalamkidima tomon kan te adul weema. ⁴ Okan gi dugu mpaka fi bakan ab, anas gi lim fogo killa yom sebi, ojuru juru anas te Yudaaya me Yunan. ⁵ Lakin Siira me Timothe owakti mon tala fi Makdoni, Paulo dukur kutu uwo me mpaka, ligo ogi kelem nanas Yudaaya je Yesu Kristo. ⁶ Wakti abusu uwo dukur sitim uwo, dukur odugu dugu gumas to okelem noumon gal doom takum kede kun fi rasu takum: ana tayi fi nedifu: fata asade ana biruwa ne anas te belana. ⁷ Otala na odakal fi juwa te ajol Titoyusto, ab gi kafu Rabbana juwa to fi geeri me bakan te lim badu. ⁸ Kaman Krispo kebir te bakan hafla oamin sidi tena me anas te juwa to kulu: me nas Kolinso umon asma oso fugu umon kidima te batiza umon. ⁹ Sidi tena kelem ne Paulo fi telim okelem gali mata kafu lakin wons, gali, mata gi askutu, ¹⁰ Kalam ana fi bakan wayi meeta ajol taani ma ab agder so ita batali kalam ana endis anas milan fi medina. ¹¹ Okalas na sana wayi me shaari (6) ogi alim kalam te Rabbana min umon. ¹² Wakti Galiyo ya kebir te bakan naade ab te Akaya, nas Yudaayaruwa ne Paulo me gelba wayi, mon jibu uwo fi mahkama. ¹³ Ligo gi kelem gali wede ab gi juru juru anas fi abudu Rabbana je shariya ma gi rudu. ¹⁴ Paulo wakti kan ura fata kasma to, Gliyo dukur kelem ne nas Yudaaya gali kan kan fi karaba, aw batal ab aadi itakum nas Yudaaya ana kan biso subra me itakum. ¹⁵ Lakin kan fi fugu itakum okelem gali wedede takum: ana aju ma gata makosa je dolde. ¹⁶ Otu ruju umon bakan te gata kesi. ¹⁷ Mon kulu amsuku Sosene kebir te hafla dugu uwo bakan ab gi gata fogo kesi ya Galiyo oma feker fi kalama dolde. ¹⁸ Paulo dukur kalas muda towil mar taani oso kwaheeri owasa na oarufa safari ruwa fi Syria, Bakan wayi mowo Prescila me Accra wakti okalasu jeenu suu rasu fi ken keleya. Kalam oja alifu naa. ¹⁹ Mon rasul fi efeso, anas de oja seebu umon naa; osidu odakal fi juru laabil me nas Yudaaya. ²⁰ Wakti aju uwo kede gen oabba. ²¹ Okaman so noumon kwaheeri okelem noumon gali ana bi arja ne itakum Rabbana kan bi aju, waabidu safari otala min Efeso. ²² Oruwa fi Kaisaariya opanda oselem anas te kanisa oserengeta oruwa fi Antiyokiya. ²³ Wati oma kalas yom milan otala na ofutu fi duniya te Galatiya me Fulugiya, ligo ogi talamin killa mahal de ligo ogi gowo gelba nas swahaba. ²⁴ Ajol wayi te Yudaaya asma to Apollo ab weledu fi Alexandriya ajol al ahiro oruwa fi Efeso, ab kan ab negi fi kalama ab ja katifu. ²⁵ Okan kelem nowo sika te sidi tena ligo ogi wala mi juwa gelba owonus walim zaidi kalama te Yesu. Ligo uwo arufu batiza ta Yokana barra. ²⁶ Dukur waabidu wonus me gudra bakan ab anas gilim fogo. Lakin Prisikila me Accra wakti umon asma dukur wedi umon sika ab uwo fogo mon zidu kidima te weri sika ta Rabbana. ²⁷ Waktif ab kala uwo aju ruwa fi Akaya akana dukur gow gelba to mon katifu ne swahaba kede juru uwo geeri wakti orasul wamun anas ab amin zaidi. ²⁸ Kalam okan gi sinda nas Yudaaya me gudra milan fi ena te anas, ligo ogi weeri gali fi kalam ab ja katifu je Yesu ya Kristo.