¹ Umon futu fi Anthipooli me Apolloniya mon rasul Sasolonika ab kan gi gen na kawm te nas Yudaaya: ² in ya Paulo je namna ab te adab to odakal fugu umon fi yom saba ojuru moumon labil fi kitaba ab ja katibu, ³ Ligo ogi fata wu uwi gi kelem gal Kristo kan gi faa nowo kede oligo Azab me gum min meitini: ya Yesu ab ana gi wonus fogo de ya Kristo. ⁴ Anas taanin rudu umon lim badum me Paulo me siira me nas Yonan ab gi amsuku bises me nuswana ab kubarin ab ma siya. ⁵ Lakin nas Yudaaya wakti umon ligo tyel mon sulu anas ab te (bakopi) mon lim anas mon jib fujo fi medina, Mon lifu juwa te Yason mon aju jibu umon gidam anas. ⁶ Anas ab ma ja ayinu umon mon juru Yason fi tura me akwana taanin sulu umon gidam te kubarina ab te medina ligo umon gi wonus foo gali dolde ya gi karabu duniya mon ja ladi in; ⁷ Me Yason jibu umon geeri gal dolde kulu ja assi shariya te kayi saari mon gi kelem gal fi sultan taani ab asma tow Yesu. ⁸ Mon jib ferteku fi kawm me kubarina te medina wakti umon asma jede. ⁹ Wakti umon kala agif Yason me anas mon katul umon. ¹⁰ Gwam mara wayi akwaana rasul siira me Paulo fileli ruwa fi Beroya: wakti umon rasul na mon dakal fi kawm te nas Yudaaya. ¹¹ Mon kul kan kuwesin mon gi sinda anas te Sesalonika kalam mon ja rudu kalama me Roho ab rayisi, killa yom mon gi gusu gusu fi kalama ab ja katifu kan ya taasilfi jede. ¹² Anas ab milan ja amin, me nuswana, meanas te Yonan kan umon ma fi siya . ¹³ Lakin nas Yudaaya te Sesalonika wakti umon faham je kalam te Rabbana kelem uwo me Paulo fi Beroya, mon amurugu na mon komesha kawm ab jibu fugo. ¹⁴ In ya fi gwam akwana rasulu Paulo kede uwo uwa fi bahari: Siira me Timothewo mon fadul na. ¹⁵ Lakin anas ab gedim Paulo jibu uwo fi Asene, amrisha umon kede kelem ne Siira me Timothewo kede umon ja nowo fi gwam fi namna ab umon bi aderi umon ruwa fi gawm. ¹⁶ Lakin Paulo bakan fi fi Asene ligo uwo gi sten umon, Roho to waja nowo wakti uwo ayinu medina kulu amla picha. ¹⁷ In ya uwo abidu juru labil fi kawm te nas Yudaaya me anas ab kan gi kafu Rabbana me fi suu killa yom me anas ab kan gi ligo fi sika. ¹⁸ In ya anas taanin nas Filosofo anas te Epikuliyo me anas te Stoyika mon ligo badum mowo. anas taanin ladi kelem nowo gali ita aju wonus sunu ajol ab gi tam tam wede ogi been je ajol ab gi kelem fi Yesu me wakti te gum min turuba. ¹⁹ Dukur sulu uwo wedi uwo fi Aleyopaago seyi ina agder faham taalim wedede? ²⁰ Kalam ita gi jibu kalama ab jedidi fi adan tena: ya ina aju fham ma ana te kalama dolde. ²¹ (Anas te Assene kulu me anas ab assy kul umon fadul fi wonus badum min asma kalama ab umon gi asma je jedidi fi adan towmon) ²² Paulo dukur wegif fowte Aleyopaago okelem gali rujala ab te Asene ana ayin itakum kulu je itakum gi kafu nas Lubaale. ²³ Kalam wakti ana kan gi futu ana ayinu sokolina ab itakum gi abudu ana ayin ludaaya ab katif fogo gelba de te Rabbana ab ma gi faham . okelem gali je namna ab itakum gi abudu sokol ab itakum magi faham ya, ana gi kelem neitakum. ²⁴ Rabbana ab kalagu duniya me sokolina ab fogo kulu wede ya sidi te samyi me arthi omagi gen fi ( sabo) ab gi adul me ida, ²⁵ Ya fi jede oma gi ligo shariya min ida te anas je jol ab aju sokol kalam uwo ya gi wedi ne itakum kulu ladi juru loobu me killa sokol; ²⁶ Okalagu min fi wayi killa kabila te anas gen fi duniya safa kulu wakti uwo amrisha filel me mpaka ab te gen takum. ²⁷ Kede umon gusu gusu Rabbana illa kede umon kunme taman te aayinu uwo sala kan ata omafi boyi te killa wayi min ina. ²⁸ Kalam min Rabbana ina gi kun hayyi ina gi masi, ina gi fi: ja anas taanin ab takum ab gi jalib gata agil ligo umon gi kelem gali kalam taasil ina Yala tow. ²⁹ Je namna ab ina fi yala te Rabbana ma gi faa nena feker feker gal Rabbana gi beenu je zaabu wala feather aw laager ab gi lim me agil te anas. ³⁰ Yala Rabbana filel dolde ab te awiri uwo ma kan gi ayinu; lakin saade ogi amridha anas kulu ab fi bakan yoyote kede taya. ³¹ Kalam aja kutu yom ab uwo gura gata fogo kesi ab te kalam duniya tamam fi ajol ab uwo ja tafaw tisha uwo wakti okala wedi noumon kulu ab gi kutu kede ita amin wakti otooru uwo min meitin. ³² Lakin wakti umon asma gum te meitin anas tanin abba mo; anas taanin kelem gali ina bija asma ita mara taanikalam wede. ³³ Ya jede Paulo dakal fi ustu toumon. ³⁴ Lakin rujala taani lim badum mowo umon amin: min dolde Deyonisiyo ajol Aleyopaago me mariya asma to amanali me anas taanin momon.