¹ Ya Yesu atia: Otchatchili mimuhele, puvhamu omba mupuenu kuna omba hamavhakalola okutchua nkhe havheyamuna oumbala wa Huku mauya noyonkhono. ² Tchipalala omala epandu, Yesu akuata Petulu, Tiaku na Ndjoau, evhetuala poluavho komphunda yalonda. Pae avhiluke momiho avho. ³ Ovhikutu vhiae mondjanayotcho avhilaima, nawanawa okuila ovhipembai, okuila vhali unene ovhipembai okupomñukifhapo komunthu engo nge malolo kupaka otchilimbo otchipembai. ⁴ Pae Elia na Mochechi avhamunika kuvho, nkhu mavhahepula na Yesu. ⁵ Petuku atavhele mu Yesu atia: Mulongefhi, otchivha okuka puenu; okuninga oyotenda nthatu: Imu Oyoe, imu oya Moichechi, imu oya Elia. ⁶ (É nkhu ketchi tchi nge apopia, mokonda nkhu vhahanunuka unene). ⁷ Ekaka limu aliya alimukukile. Pae ondaka imu aiya mekaka: Ingu Onde yange engu ndjihanda. Kue mbatea. ⁸ Poyatcho, tchi vhaleukea kovhikolo, puvho ahapaningi vhali ingu mavhamunu, akumunika pé Yesu. ⁹ Pokupunda momphunda, É vhehele okutia hamukopopia kovhanthu tchi muamba muamuna, té Onde yomuzhiu matutile pokati kaomba vhatchua. ¹⁰ Ya vho pae avhaholeke hamavhapopi, otcho mavhelipopile poluavho okutia okututila kuomba vhatchua tchapopia tchi. ¹¹ Ovho avhapula: Palatchi ovhakilipa mavhatia Elia é atenge okuya poupe? ¹² Yesu evhetavhele: Elia tchatchili é matenge okuya poupe avhiulule ovhipuka vhiatcho avhihe. Mokonda tchahonikua okutia Onde yomuzhiu uno olho kumuna ohali kovhipuka ovhingi nokutoyua? ¹³ Ya Ami mimuhele Elia vheya, amumuninga tchi nkhu muahanda kue, otchatchili ngatchi ovhihonikua vhipopia kotchei tchae kue. ¹⁴ Tchi vhatchuna ku nkhu kuno ovhalongua vhakuavho, avhamunu otchimbiula tchimu otchinene matchili chetacheta, mavhatangunifhua novhakilipa. ¹⁵ Ya otchimbiula tchovhemumuna, avhaka vhahakuka, avhayeluka té Kue vhemupopifhe. ¹⁶ É apula ovhalongua vhae: Okutia otchipuka patchi matchimutangufha nawo? ¹⁷ Motchimbiula apakulu umu emutavhela okutia: Mulongefhi, ami Mbekuetea ondeyange; é uno ohandi maimu tchaele okupopia. ¹⁸ Indjo imupa okuninga eñphi heliyio, imutungulula otcho apitifhe onthutu motchinhu, nokuliketa omayo ae, atene. Ami mbakumba kovhalongua vhoe vheifhemu, vho ahamavhetchizhili. ¹⁹ É evhetavhele okutia: Mohoko ovhokohaninga ekolelo, té tchaómñi Ami nge mikaka naónue? Té tchaómñi Ami mikemu kuatefhako? Muetemñi kuAmi. ²⁰ Ovho Avhemute ondele. Pae ohandi tchi yamuna Yesu, mondjangayatcho aimuningifha tchi helitcho. Onde avhu pohi, pokulangata otcho mahupu onthutu motchinhu. ²¹ Yesu apula kuheyae okutia: Omanima angapi enatcho akangatcho? Hé atia: Nkhe alinatcho poulele. ²² Ya omakando mengi tchemuyumba momulilo nomomande, okuhanda okutungulula. OKutia Ovhe nge unatchi muningi, ninga onkhenda naótue, tuvhatela. ²³ Yesu atia: OKutia Ovhe nge! Ovhipukavhiatcho avhihe kombenha vhatavhela nge mavhiningua. ²⁴ Mondjangayatcho hé yondele eliheke atia: Ami mitavhele! Mphopilange kokuhaningakuange ekolelo!. ²⁵ Pae Yesu tchi amuna otchimbiula matchiyeluke okuya nokouhunga wawo, okumutavhela ohandi atia: Handi ompholo noyokuhapopia, Ami mikutumine: Mue luamu, hulako mue nge hohitimu vhali. ²⁶ Ya elikanaine ainingi tchi helitcho unene lumu mondele, pae mue ailumu. É pokumunika ovhanthu ovhengi nkhu mavhapopi okutia: É vhatchua. ²⁷ Ya Yesu emukuata movhoko emukulamifha, ondele akulama. ²⁸ Yesu tchahita momdjuvho, Ovhalongua Vhae Avhemupule poluavho: Palatchi nge hamatutchizhili okuzhifhamu? ²⁹ É atia: Tcho nge katchifhuamu pé hapena elikuambelo. ³⁰ Pokuluanako, avhakuata Kongalileya,Yesu nkhu kahende vheivhe ku ovho nkhu vhanhemba, ³¹ mokonda É nkhu malongefha ovhalongua vhae ya nkhu mevhetia: Onde yomuzhiu mavhekemuyumba pomavhoko ovhazhiu, ya ovho, Mavhekemuleka. Pae É nga atchua, momala atatu makatutila. ³² Ya ovho ahamavhaifhapo omalaka onga, avhaka novhoma vhokumupula. ³³ Avhaende Kokafarnau. É pae nkhu tche kondjuvho apula kovhalongua Vhae: otchitchi tchi nkhu mamutangune montchila? ³⁴ Ya ovho avhanhimipo, tcho mondjila nkhu vhelipatana poluavho muni okutia oivha eli omunene. ³⁵ É akankhama, aifhana ekuinhi navhavhali atia: ingu ahanda okuka komutue, makafhinina kuomba avhehe vhepuenu akaila omupika. ³⁶ É akuata onde omuñphuku, emupaka pokatikavho, tchi emuómbekea momavhoko Ae, atia: ³⁷ Ingu matambula onde umu ngaingu mena Lhange, engo nae Unthambula; umu okunthambula, engo katambulile Ami, vhatambula iñgua Anthuma. ³⁸ Ndjoau atia: Molongefhi, otue tuamuna umu maifhamu omalhapu mena Lhoe atumu yalele, mokonda é ketutezha. ³⁹ Ya Yesu atia: Hamuyalele. mokonda kutupu ingu nge maningi ovhipuka oyiokuhakukifha mena Lhange, tchaluapó apopi ovhipuka ovhivhi kuame. ⁴⁰ Iñgua heli otchita naotue, ukotue. ⁴¹ Iñgua memupa oneka yomande munue mokonda muwa Clistu, otchatchili tchatcho mimuhele nge kakapumbua otchivha tchae. ⁴² Iñgua mawifha motchivhi ovhañphiki omba vhatavhela Kuami, nge tchaila otchiwa kue okuninga owelimu enene alikutuá mofhingo yae ayumbua melunga. ⁴³ Owe nguningi otchipuka otchivhi nokuwokoe kutetako. Otchiwa kuowe okuhita momunhu nokuvhoko kumu kuatetua tchapona kuninga avhali aende kovhifelenu, komulilo ombu ahaulizhimi. ⁴⁴ Ku omativha nge hamatchui, ku omulilo nge haulizhiki. ⁴⁵ Pua omphazhi yoe yekulhatefhea motchivhi, ikopolako. Otchivha okuhita momunhu uliotchilema, tchapona kuninga oyomphazhi mbali, uyumbua kovhifelenu. ⁴⁶ Ku omutivha nge hamatchui, ku omulilo nge hamaulizhimi. ⁴⁷ Pua eho lhoe lhekupaka motchivhi litukulamu. Otchivha okuhita moumbala vha Huku neholimu tchapona okuhita nomiho avhali, ukayumbua kovhifelenu, ⁴⁸ ku omativha nge hamatchui ku omulilo nge hamaulizhimi. ⁴⁹ Mokonda ovhnthu avhehe makatowa nomulilo. ⁵⁰ Omungua omuwa, omungua ngaele pua hautovhalele, ongapi nge mutchunifha kokutovhala kuavho? Ileñmi omungua monue lumu, kaeni nombembua polueni.