¹ Avhafhiki kotchikolo tchimu vhali otche lunga, kotchilongo tcho yochelachenu. ² Yesu alu mombaluku, omuzhiu umu nkhu enoyohandi, alua pomavhila, eya hinde ku Yesu. ³ Omuzhiu nkhu ka komavhila.Kutupo engu memukuata, nkhu ngaele lumu enomalhenge. ⁴ É nkhu vhakutua kaya omakando mengi nomalhenge noyondjema, otcho mekopola nkhu kutupu engu nge memohiti. ⁵ Ovhituiki vhiatcho avhihe, opomavhila nomoyomphunda, é nkhu ulikanaina otcho melitetateta nomavhe onga atua. ⁶ Tchamuna Yesu kokula, alumbuka akeké koyongolo kotchipala tcha Yesu. ⁷ É elikanaine nondaka onene: Otchitchi ami ndjina ovhe, Yesu, Ndeya Huku ovho keulu? Mikukumbé, ku Huku, hombondeke. ⁸ Ya Yesu nkhu vhatumina kaya: Luamu momuzhiu engu, yohandi. ⁹ Apehe Yesu vhemupula: enalhoe utivha ivha? É atavhele: enalhange litivha tuvhengi, mokonda tuvhengi. ¹⁰ Ya otcho makumbu ku Yesu okutuatuako okutia hotuyumbu kokuti notchilongo. ¹¹ Ya tchalapo akumuniké onthumbo oyovhigulu mavhilifuifhe momphunda, ¹² Ya oyohandi azhikumbu ku Yesu okutia: tutuma kovhingulu; tuyeka tuhite muvhio. ¹³ Ya Yesu ezhitavhele. oyohandi azhilumu azhihiti movhingulu onthumbo, oyomili mbali, avhiliyumbu mezhivha pohikapua patuala avhilikamé momande. ¹⁴ Ovhanthu omba nkhu mavhalifha ovhingulu avhahomboka, avhakapopia ovhipuka embio motchilongo nakomba nkhu vhemomapia, ovhanthu vhatcho avhalumbuka vhakatale tchi nkhu tchapitako. ¹⁵ Tchi vhefhika ku Yesu, avhamunu engu nkhu ahitua noyondi, ingu nkhu enovhengi, vhatonkhama awala, enoyondunge zhafhuapo ovho avhemutila ovhoma. ¹⁶ Omeã nkhu vhamuna tchi nkhu tchino nomuzhiu iñgua nkhu ahitua noyohandi avhapopi tchi nkhu tchapitako kue nokovhingulu. ¹⁷ Avhafhimbike okukumba ku Yesu ayeke otchilongo tchavho. ¹⁸ Pae Yesu nkhu tchima hiti mombaluku, omuzhiu ingu nkhu ahitua noyohandi akumbu akae na Yesu. ¹⁹ Yesu pae, ehememutavhele, atia: enda kondjuwo yoe, nokovhanthu woe, vhehela tchi Tate Kulu aninga kuovhe natchi ekutchea onkhenda. ²⁰ Ya omuzhiu aende akapopia kotchilongo tcho Ndekapoli ovhipuka ovhinene ovhia Yesu kué. Ya avhehe avhaka vhahakuka. ²¹ Yesu tchi atetekana nkhe vhali kotchikolo tchimu, mombaluku, otchimbiula tchimu otchinene atchilionzhe pó Yaé, tchi Yesu nkhu ememelunga. ²² Kovhatumini vho kochinangonga akuya umu, atiwa Chaile, awé koyomphazhi zha Yesu tchamuna Yesu. ²³ É nkhu makumbu okupitaululamu, okutia: Onde yange ukonthe yokutchua. mikukumbu indjó paka omavhokoe kué, ngatcho makanawa nomunhu. ²⁴ Ya Yesu aende nae. otchimbiula tchimu otchinene atchimu tezha pae avheliñme kovhikolo vhiatcho avhihe. ²⁵ Hin kuali omukai umu nkhu amuna ohali yokuvhela komiezhi aká omanima ekuinhi naávhali. ²⁶ É wamunepo ohali onene komavhoko oyofulumelu, amanepo avhihe imiã nkhu enavhio. otcho hamakanawa; putcho nkhe tcho mautuatuako. ²⁷ Tchatea mavhahepula Yesu, eya nokefhina, lhotchimbiula, avhizha motchikutu tchae. ²⁸ Pae é nkhu matia: ami ndjivhizha pé kotchikutu tchoé, nge mikanawa. ²⁹ Po yatcho, omukefhi eupalaleke, omukai elite okutia olutulua luayovhoka kohali. ³⁰ Mondjayatcho, Yesu até okutia Mué nkhu mualua oyonkhono. apinguluka, mokati kotchimbiula, apula: Oivha avhizha movhikutu vhiange? ³¹ ovhalongua Vhaé Avhemutavhale okutia: Mumunu otchimbiula tchi tcheliñmeã puenu, nkhe mutia: Oivha aphizha?. ³² Yesu pae atala kovhikolo amuneko okutia oivha nkhu aninga ngatcho. ³³ Omukai tche tchivha tchi nkhu tchapita kué, atila ovhoma, atcho mafuilili. É eya, akeke koyongolo komiho Yesu emuhele atchatchili tchatcho atchihe. ³⁴ Pae atia: Ndele, ekolelo lhoe lhe kuhakula. Enda nombebua ka vhayowoka kouvhela vhoe. ³⁵ Monkhando yapua Yesu nkhu mapopi, ovhanthu vhamu avheya okulua kondjuwo yomutumini vhokochinangonga, okutia: Onde yoé watchua. palatchi nkhe muifhina Omulongefhi? ³⁶ Yesu tchi atea imiã nkhu mavhapopi, momutumini ovho kochinangonga atia: Hoteketa. ninga pé ekolelo. ³⁷ Ya ahamatavhele vhemutezhe, akuyape Petulu, Tiaku na Ndjau omuango vha Tiaku. ³⁸ Tchivhefhika kondjuwo yomutumini vho kochinangonga, Yesu amunu otchivhimbi, naomba nkhu mavhalili nokuvhivhima unene. ³⁹ Pae tchahita mondjuwo, atia: Palatchi muehulilua nokululila?Ondele katchuile, vhalala. ⁴⁰ Avhayolo Yesu, É evhetate kokuti, akuata he yondele, naina naomba nkhu Vhenae, avhande ku nkhu kuno ndele. ⁴¹ Ya tchakuata mokuvhoko komukazhona, atia: ''Talita cumi'', tcho tchapopia okutia: Mukazhona, Ami mikuhele: Kulama. ⁴² Mondjangayatcho onde akulama afhimbike okuenda (é nkhu unape omanima ekuinhi navhali). ovho avhahanunuka unene. ⁴³ Yesu evhetumune okutia tcho nge hamuketchitefha kovhanthu, evhehele okutia omukazhona mupeni oyondia.