¹ tchi vhafuena Kocheluchle, ponthe yoMbetfange noKombetania, komphunda Kolivhela, Yesu atumu ovhalongua vhae vhavhali, ² ya atia: Endeni kohika indji ikomutue weni. Nge muahita kuyo, mamukavhafhako okambulu ka hakeyakavhilua. Kekutululeni keéteñmii. ³ Ngakuningi ingu matia: palatchi mamuningi tcho? Tavheleni okutia: Tate Kulu wachukua natcho otcho pematchitchunifhua kounu. ⁴ Ovho avhakapita okambulu avhekefha kakutua pepito kotchikolo tchokokuti molua avhekekutulula. ⁵ Ovhanthu vhamu nkhu opovhakala koyatcho avhapula: Otchitchi mamuningi okukutulula okambulu? ⁶ Ovho avhatevhele ngatcheinha Yesu evhehele, ya ovhanthu avhevheyeka vhaende. ⁷ Ovhalongua vhavhali avhatchindi ku Yesu okambulu, avhapaka ovhikutu vhiavho kuko, Yesu akavhile kuko. ⁸ Ovhanthu ovhengi nkhu vhanhanhika ovhikutu vhiavho mondjila vhamu vhanhanhika omavhale onga nkhu vhateta momapia. ⁹ Omba nkhu mavhande naKue ya naomba nkhu mavhemutezha nkhu mavhemuifhana. Hosana! Omupopiwa nowa Iñgua eya mena lha Tate Kulu! ¹⁰ Omupopiwa nawa ngaile oumbala ombu vhalua ku tate yetu Ndavhiti! Hosana keulu. ¹¹ Pae Yesu ahiti Kacheluchele, aende kongelecha ya atala avhihe imbi nkhu vhikovhikolo. Ya pae tchi lhalela tchokuatukovhela, aende Kombetania novhe kuinhi navhavhali. ¹² Motchitenha tchavhali, tchi nkhu mavhalu Kombetania nkhu unondjala. ¹³ Ya tchamuna omuhipua nkhu maumunike kokula omafho, aende akatako okutia nkhu nge makahangako ounhango. okufhika ponthe yavho, ahamaningi tchi ahangako avhafha kope omafho, mokonda nkhu hatchizho tchaunhango. ¹⁴ É omuhipua eutia: Kutupu ingu nge makalha vhali ounhango vhoe. Ya ovhalongua Vhae tcho avhetchite. ¹⁵ Ya avheya Kocheluchale. Ya tchi vhahita mongelecha, Yesu afhimbike okutatamu ombenha nkhu mavhalandefha ya novhalandi. Ateya oyomecha zhoyo cambichita ya noyombango zha ombenha nkhu vhalandefha oyopomba. ¹⁶ Ya ahamatavhele okutia umu nge vhatekana mokati kongelecha okuhumbula ovhipuka vhielikalaila imbi nge nhku mavhikalandefhua. ¹⁷ É nkhu vhelongefha, okutia: Katchihonikilue: Ondjuvho yande maikafhanua ndjuvho yomalikuambelo ovhilongo vhiatcho avhihe? Pae onue muetchitula ondjuvho yovhimphulu. ¹⁸ Ovhatumini vhovhatuita noyokilipa avhate tcheinha É apopia ya nkhu avhavhola unongo ovhokumuleka. ovho Nkhu vhemuhumba, mokonda otchimbiula tchatcho atchihe tchahakuka natchenha É nkhu alongefha. ¹⁹ Tchi malilele, mochitati ovho avhalumu. ²⁰ Ya momuhuka, tchinkhumavhapita, omuhipua avheumunu vhakukuta té komizhi. ²¹ Ya pae Petulu, tchanongonuka, atia: mulongefhi, omuhipua umuá Ovhe vhapele onkhanu ombi vhakukuta. ²² Yesu evhetavhele okutia: Ningeni ekólelo Ku Huku. ²³ Tchatchili tchatcho mimuhele poónue ingu makatia mphunda indji: Tukukapo liyumba melunga, ohomuningi omphata mombungo yoe, ukalumu watavhela okutia tcheinha tchapopiwa matchikaningua, ya tcho Huku meketchinga. ²⁴ Pae Ami mimuhele okutia avhihe imbi mukumbu melikuambelo, ombeñmi mutchi okutia muatambula kaya, ya mamuketchipewa. ²⁵ Pua mamulikuambele, onue muno olho kuevhela avhihe imbi muaningua novhakueni, opó hoyeni ingu ekeulu nae avhele oyopekalo zheni. ²⁶ Mokonda ngahamuevhele, na hoyeni ingu ekeulu nae kekemuevhele oyopekalo zheni. ²⁷ Ovho avhatchuna Kocheluchele. Tchi Yesu nkhu maende mongelecha, ovhatumini vhavhatuita noyoKilipa navhanene avhahungama kue. ²⁸ Ya Avhemupula: Oyonkhono patchi zhikuningifha ovhipuka embio? Ya oivha Ekupa oyonkhono uvhininge? ²⁹ Yesu atia: Mimupula, nthavhelangeni ya mimuhele oyonkhono iñphi ndjinignazho ovhipuka embio: ³⁰ Okuyavhekua kua Ndjoau nkhu okuokeulu ine nkhu ozho vhazhiu? Nthavhelangeni. ³¹ Ovho nkhu vhatanguna poluavho okutia: ngatutia: Ozho keulu, é matia: Palatchi hamute mue? ³² Pae ngatutia: Ozho vhazhiu... Ovho nkhu vhahumba ovhanthu, mokonda avhehe nkhu vhetchi okutia Ndjoau nkhu omutuminua tchatchili. ³³ Pae avhatavhele ku Yesu okutia: Katutchi. Ya Yesu atia: Naami himuhele oyonkhono iñphi ndjiundapa nazho ovhipuka embio.