¹ Fi al lel fi mahal num tai ana kan mshtag le howo al ruhu tai i hibu; ana fetishu howo, lakin ana ma ligu howo. ² Ana kelim le nefsa tai, "Keli ana gum wa douwuru fi medina, fi shawarie wa aswak; ana bi fetishu howo al nefsa tai gi hibu." Ana fetishu howo, lakin ana ma ligu howo. ³ Al huras ligu ana zaman homon kan gi amulu herasa ta al medina. Ana asalu homon, "Hal intum ainu howo al ruhu tai gi hibu?" ⁴ Wa baad ana sibu homon bi shuwiya towali ana ligu al howo al ruhu tai gi hibu. ana amsuku howo wa ana ma sibu howo lahadi ana jebu howo fi Beit ta Auma tai; fi auda ta zol al kan hamil maa ana. ⁵ Ana deer keki intum halifu, Ya Banat ta Ureshelim, bi Qhuzllan wa aayael al fi mazarie, inu intum ma bi guwumu aw tuowuru Habib lahadi hiya timu( biga shabaan). ⁶ Aarusa le nefsa tuo Dak shun al gi jaa zi Aamud ta dukhan, muaatar bi Mur wa Luban, maa kulu riha al hilu ta bukhur ta Tujaar? ⁷ Ainu, de musaada ta Suliman; Sitiin maghatileen hawili howo-Rujal al agwiya ta Israel. ⁸ Homon kulu mudarabeen bi seif wa indum khibra fi hajat ta harib. Ayi zol indu seif fi jambu tuo, Musalah ashan khuf ta belel. ⁹ Al melik Suliman le nefsa tuo kursi ta Aaraba min khashab ta lubnan. ¹⁰ Aamida tuo amulu min fedda; dahar tuo amulu min dahab, wa kursi tuo Aurjuwani. wa fi nus tuo kan zeinu maa hub ta Banat ta Ureshelim. Biniya le Banat ta Ureshelim ¹¹ Tala takum bara, Ya Banat ta Sahiyun, wa ainu takum le Melik Suliman, lebisu taj al Auma lebisu le howo fi yom ta Aaris tuo, fi yom ta farah ta gelba tuo.