¹ Ana raudat zuhur ta Sharun, Suwsana ta wediyan. Al Aaris le Aarusa. ² Habiba tai jemila beina al banat, zi suwsana beina al shuk. ³ Al Aarusa, Habib tai beina al shabab, zi shejera ta Mishmish( Tufah) beina ashjar ta ghaba, ana bi geni tehet dul tuo maa farah shedid, wa fawakih tuo hilu le ana. ⁴ Wa howo shilu ana fi beit ta khamra, wa howo kan kati ana maa shaar ta hub. Aarusa le Aaris ⁵ Guwumu takum ana bi kaakat ta Zabib wa rushu takum ana bi shejera ta mishmish, ashan ana ayan bi hub. Al Aarusa le nefsa tuo ⁶ Eda tu al shemal fi ras tai, wa eda tuo al yemin gi hadinu ana. ⁷ Biniya le Banat taniin Keli intum halifu; Ya Banat ta Ureshelim, bi qhuzllan wa aayael al fi hughul, inu intum ma bi guwumu aw sahie haib lahadi hiya biga shabaan(Timu). ⁸ Yahu dak sut ta habib tai! Asuma,, howo yahu dak gi jaa, gi nutue min jebal, gi jere min ras hujar. ⁹ Habib tai zi qhazall aw zabie; Ainu, howo wagif jambu heta ta nina, gi tuwgu min shubak, gi serigu nazara min samam dak. ¹⁰ Habib tai wonusu wa kelim le ana,"Gum, Ya habiba tai; Ya jemila tai, Taal keli nin ruwa. ¹¹ Ainu, shitaa biga mafi; Muturu sekiti ruwa wa intaha. ¹² Zuhur bada tala fi al ardi; zaman ta nadafa wa al teur bi guna jaa, wa ta hamamat yahu dak gi asumau fi al ardi. ¹³ Shejera ta Teen weldu iyal akhdar, wa Ashjar ta al karma tala zuhur; wa riha tomon al hilu tala. Gum, ya habiba tai, Ya jemila tai, wa keli nina ruwa. ¹⁴ v 14 Hamama tai, beina shuquq ta hujar, shuquq al sirie ta jebal al kasurur, Keli ana ainu wosa taki. keli ana asuma sut taki, Leanu sut taki hilu, wa wosa taki giyafa, (jemil). Aarus le Aaris ¹⁵ Amsuku Saalib le nina, Saalib al sukar al gi karabu mazarie ta karma, ashan karma ta nina biga indu zuhur. ¹⁶ Habib tai le ana, wa ana tuo howo yahu al Raie al farhan beina al zuhur ta Suwsan. Al Aarusa le Aaris ¹⁷ Jere (Ruwa); keli inta kun zi Qhazll aw Zabie al fi ras jebal al gowi shedid