¹ Yahweh kelim le musa, huwo gali, ² Wodi wosia le shaab ta Israel kede tala kulu zol al indu marad ta judam bara min muaskar, kulu zol ma nedef be wasit lemesu gisim ta zol al mutu. ³ Kan de mara auw ze de. Humon tala humon bara min muaskar. ⁴ Shaab ta Israel amulu ze de. Humon tala humon bara min muaskar , ze Yahweh awamia le musa. Shaabta Israel wodi taa le Yahweh. ⁵ Tani mara Yahweh kelim le musa, huwo gali, ⁶ Kilem le shaab ta Israel. Iza kan rajil awo mara amulu ai katia ze ma shaab amulu le baad, wa ma kemes le ana , zol de muzrib . ⁷ Biga huwo bi iterf be katia al huwo amulu. Huwo bi dafa kulu taman ta zenib bito ta mara wa bi zidu le taman ta wahid aktar min kasma. Huwo bi wodi le zol al huwo amulu le huwo zulumu. ⁸ Lakinkan al muzlum de ma indu gerib bito al shedid ashan bi islelim defe de, huwo bi dafa taman ta zolal huwo zulumu de le ana be wasit kahin, le gidam ma ganamaya ashan bi kafir le nefsa bito. ⁹ Kulu musaham, kulu haja shaab ta Israel bi jamau barau, be al humon jibu le kahin, bi kun tabi le huwo. ¹⁰ Ataya ta kulu zol bi kun le kahin, kan ai zol wodi ai haja le kahin , bi kun tabi le huwo.” ¹¹ Tani mara Yahweh kelim le Musa, huwo gali, ¹² Kelim le shaab ta Israel. Kelim le humon, afterid mara ta rajil tala bara wa ma amin le rajil bito. ¹³ Iza kan, rajil ma hia wa dusu min ena tat a rajil bita hia, wa zogan bita hia de ma kashifu hata le hia denisu nefsa bita hia, wa mafi zol shahid diid hia, asha ma amsuku hia fi amal de, ¹⁴ Be ragam min de, roho ta gira lisa bi wori le rajil gali mara bito mudenisa. Ala ai hal, roho ta gira be teriga galat bi ja le rajil asna mara bito ma mudenisa. ¹⁵ Fi shekil halalat de, rajil de bi jibu mara bito le kahin. Rajil bito hia bi shilu bayan mutlub le maslaha bita hia, ashara ta alefah ta degige ta sheiir. Huwo ma kubu fogo zet wa ma bi kut fogo bokur le anu huwo hubbub bayan ta gira, hubbub bayan de le tizkar ze risala ta tizkar ta zulum. ¹⁶ Kahin de bi jibu hia gerib wa bi kutu hia gidam ta Yahweh. ¹⁷ Kahin de bi shilu kas ta moya al mukadas wa bi shilu gubar min arid ta mahal ta ibada. Huwo bi kutu gubar de fi moya. ¹⁸ Kahin de bi wogifu mara de gidam ta Yahweh wa huwo bi shar al fir as ta mara. Huwo bi kutubfi ayadi bito hia hubbub bayan ta zikra de, de yau hubbub bayan ta gira. Khin de bi amsuku fi ida bito moya al mur al bi jibu laana. ¹⁹ Kahin de be kutu mara de tehet halifa wa bi kelim le hai iza mafi rajil tani num ma ita,wa kan ita ma amulu zogan wa multezim be adam najasa, biga ita bi kun hur min moya al mur de al bi jibu laana. ²⁰ Lakin kan ita amulu zogan, lo inu ta kan indu ta hehet sulta ta rajil taki wa ita rejisu nefsa taki, wa rejil tani kan indu ilaka ta jinse ma ita. ²¹ Biga ,{kahin de bi laana mara de ashan bi halifa al bi jibu laana la hai ,wa biga huwo istemir wonusu le mara de} Yahweh bi kutu ita fi laana albi hasil iza kan Yahweh laanu kurabtaki bi waga wa batra taki bi worimu. ²² Moyo de al bi jibu laana bi ruwa fi batra taki wa bi kutu batra bi worimu wa kora taki bi tala bara .mara de bi rudu {amen –amen} ²³ Kahin de be kati u laanat del waraga molfaf, wa biga huwo bi kasulu waraga al katibu ta laaanat de fi moya al mur de. ²⁴ Kahin de bi kut mara de ashan bi ashirab moya al mur al bi jibu laana. Moya al bi jibu laana de bi dakalu le hai wa bi tala mur. ²⁵ Kahin de bi arfa fok hubbub ta bayan ta gira de bara min ida ta mara de. Huwo bi affa fok hubbub ta bayan de gidam ta Yahweh wa bi jibu huwo fi mazbah. ²⁶ Kahin de bi shilu hubbub ta tagdema de ze mumesil tagdema, wa bi haragu huwo ala mazbah. Biga huwo bi wodi le mara de moya al mur de ashan hai bi ashira, ²⁷ Asra huwo wodi le hia moya al bi jibu laana de bi dakalu le hia wa tala bara, mara de bi kun muluan gidam shaab bita hia. ²⁸ Lakin kan mara de ma amulu najasa wa kan hia nedef, biga hia bi kun hur. Hia bi agder lamil be jean. ²⁹ De yau ganun ta gira. De yau ganun le mara al amulu zogan min rajil bi ta hia wa amulu najasa. ³⁰ De yau ganun le rajil al indu roho ta gira asna huwo indu gira le mara bito,huwo bi jibu mara bito gidam ta Yahweh, wa kahin bi amulu le hia ai haja al ganun ta gira bi wasifu. ³¹ Rajil de bi kun hur min zenib ta jibu mara bito le kahan. Mara de bi hamilu ai zenib al hia indu.