¹ Yahwah kelim le Musa. Huwo gal, ² " Wanusu le shab ta Israel. Kelim le human, iza kan rajil auw mara nedifu nebsa tuwo le Yahwah be alifa al kas ashan bikun zol al Nazirite, ³ huwo lazim bikun beit min merisa auw aiya shikil ta moshrubad al gowi. Huwo lazim ma bi ashirab aiya asir ta hinab wale akulu ena ta hinab auw hinab al nashif ⁴ Fi kulu ayam ta nadafa bitou, huwo lazim ma bi akulu aiya haja al salau min shejera ta hinab, fogo aiya haja min ena tou wa galild tou. ⁵ Fi kulu zamamn ta alifa tou ta shokol nadafa de, kele ma haligu shar tou be mus lahadi kan ayam tou ta nadafa le Yahwah kalas kalasu. Huwo lazim bi wodi gisim tou le Yahwah bes. Huwo lazim bi kutu shar keli raba ketir fi ras bitou. ⁶ Fi kulu zaman al huwo bi wadi gisim tou le Yahwah, huwo lazim ma i ja gerib ma zol al mutu. ⁷ Huwo lazim ma bi waskanu gisim tou sala kan abu tou, uma tou, aku tou, wale ukut tou yau mutu. De ashan huwo biga nedif le Allah, zei kulu zol bi ainu min shar tou. ⁸ Fi kulu zaman al huwo bi nedidfu gisim tou,huwo bi geni kudus, bes le Yahwah. ⁹ Iza kan zol tani mutu mufaja jambu tou auw waskanu gisim tou al nedif de, huwo lazim bi aligu shar tou fi yom ta nadafa fi yom nimura saba, huwo lazi bi aligu shar de bara. ¹⁰ Fi yom nimura tamaniya, huwo lazim bi jebu itnin hamam al sukerin le gesis fi kasma bab ta khaimata istima. ¹¹ "Gesis lazim bi gedimu zebiha ta ter wahid le katia wa tani ze zebiha al bi haragu. De bi wori gali kalas asalu ofu ashan katia tou ashan huwo kan geni jambu zol al mutu.huwo lazim bi nedifu gisim tou tani fi yom dak. ¹² Huwo lazim bi kutu gisim tou le Yahwah ashan yom tou ta nadafa. Huwo lazim bi jebu koruf abu rajil al endu wahid sena ze zebiha ta hatiya. Ayam al gubal huwo lisa ma waskano gisim tou bi hasibu, leano shokol nadafa bitou kan karabu. ¹³ De yau ganun an zol al Nazirite fi zaman al sokol nadafa tou kalasu. Lazim bi jebu huwo fi bab ta khama al ijtima. ¹⁴ Huwo lazim bi gedimu zebiha tou le Yahwah. Huwo lazim bi gedimu zebihah al hawilia bita jena koruf abu rajil al endu wahid sena wa al ma endu aiya wasaka (ayan) fi gisim tou. Huwo bi gedimu zebihabita katia min jena koruf abu mara al timu wahid sena wa ma endu aiya wasaka. Huwo lazim bi jebu koruf abu rajil ze zebiha al hawilia, al ma endu aiya wasaka. ¹⁵ Huwo lazim bi jebu esh al amulu bidun kemira malian bistila. Rekif al salau min degit al lakbatu be zeit, ragaga al amulu bedun kemira lakin mwasau be zeit, sawa be zebiha toumon al hawilia wa kamanzebiha ta hajat al gi asurubu. ¹⁶ Gesis lazim bi gedimu hasat gidam Yahwah. Huwo lazim bi gedimu zebiha ta katia wa zebiha al haragu. ¹⁷ Wa bistila bita esh al bedun khemira, huwo lazim bi gedimu koruf abu rajil ze zebiha, zebiha bita Ishtekia le Yahwah. Al gesis bardo lazaim al bi gedimu zebiha al hubub wa zebiha al bi asurubu. ¹⁸ Zol al Nazaria lazim bi haligu shar bitou al keri su de fi bab bita geima al ijtima. Huwo lazim bi shilu shar de min ras itouwa bi kutu fi nar al fi tihet zebiha al hawilia. ¹⁹ Gesis lazim bi shilu kidtifa ta koruf al kalas fouru, wahid reqif al amulu budun kemira min juwa bistila, wa wahid raqaqa al amulu budun kemira. Huwo bi kutu hajat de fi iden bita zol al Nazaria de bad ma kan kalas huwo aligu shar bitou al kerisude. ²⁰ Al gesis lazim bi gedimu hajat de ze zebiha gidam yahweh, ka juzu almugadas le kuhana (gusus), sawa ma sudur tou wa magani tou bardo bukun kan toburwat le gesis. Bad de, al nazaria biga biakder ashirab (qamra) merisa. ²¹ De yau gunun ze zol ainazaria al bi alifu ashan bi gedimu gisim tou le Yahweh le kerisu gisim tou. Fi kulu haja al huwo bi wodi, lazim huwo bi hafisu gawanin bita alifa al huwoshilu ashan bi hafisu wahad al ganun ta kerisu nufus bi kelim. ²² Tanimara, Yahwah wonusu le Musa. huwo gal. ²³ "kelim le Aaron wa le aulat tou, intum lazim keli bariku shab ta Israel be teriga de. intum bi kelim le humon. ²⁴ Keli Yahwah bariku intum wa hafisu intum ²⁵ Keli Yahweh ainu le intum be teriga kwes wa bi indu neima le intum. ²⁶ Keli Yahweh ainu le intum ma be tefriga wa wodi le intum salam. "' ²⁷ De yau teriga al humon bi wodi be huwo isim bitai le shab ta Israel. wa ana bi bariku humon."