¹ Yahweh kelim le musa wa haron. Huwo gali, ² shilu adad ta iyal ta kahath al rujal min wasat ta lawiin, be usura bitomon wa biyot ta abuhat bitomon. ³ lasibu kulu rujal al min thletin le khamsin sena. Rujal de bi limu fi sherika ashan bi kadimu fi kema taljtima. ⁴ iyal ta iyal ta kahath bi kun musuel aktar le hajat al mukadas al hahau le ana fi kema ta ijtima. ⁵ Wokit jahisu ashan bi rahalu muaskar le gidam, haron wa awlad bito bi ruwa dakil kema, bi rezilu le tehet sitara ta fahis al bi fergu mahal al fogo kadasa wa bi kati sefina “tabut” ta shehada be huwo. ⁶ humon bi kati sefina de be gita ta gilid ta ijil humon bi wazau gumash al izrag kalis fok bito. Humon bi dakalu kashabin ashan bi arfa huwo. ⁷ humon bi wazau gumash alazrag de fi tarabeza ta eash ta hudur. Humon bi kutu fogo, suhana, maalik, salatat, wa kasat ta shirab bikutu. Eash bi kun dayam be istimrar fi tarabeza. ⁸ humon bi wazau fok bitomon gumash lori bito gurmuzi wa bi kati Kaman be gulud ta gilid al humon vi kutu akshab ashan bi arfa tarabeza de. ⁹ Humon bi shilu gumash al azrak wa humon bi kati tijah albi wala le gidam ma lambat bito, kamasha, suhana, wa kulu kasat ta zet le lambat . ¹⁰ humon bi kutu lamba al indu jinah wa kulu accessowarat “hajat idafya” fi kuta ta gilid ta ijil wa humon bi kutu huwo fi hamal. ¹¹ humon bi wazau gumash al azrak de mazbah min dahab humon bikah huwo be kuta to gilid taljil wa blga bi kutu fi hawala ta keshab ^{14 12} Humon bi shilu kulu ajhiza ta kidwa al humon bi kadimu me huwo fi malja wa bi lifu humon fi gumash al azrak humon bi kati ma kuta min gilid ta ljil wa bi kutu ajhiza de fi hemala. ¹³ Humon bi zahiru rumad de beid min zet ta mazbaz wa bi wazau gumash ta arjuwam fi mazbah. Humon bi kutu fi hamala kulu ajhiza al humon lstakdimu fi shokol ta mezbah ajsam del yah hejo ta shilu faham shoka gata yat salataw yat wa kulu ljhiza ta mazbah humon bi kati mazbah de be gilid. ¹⁵ Kan biga haron wa awlad bito kalasu kati ta mahal al mukadas wa kulu ajhiza bito, wa asha muaskar bi rahalu le gidam biga iyal ta iyal ta kahath bi ja ashan bi arfa mahal al mukadas. Kan humon lemesu alat al mukadas de humon bi mutu. De yau shokol ta iyal ta iyal ta kahath, ashan bi arfa fi kema ta ijtima. ¹⁶ Aleazar jena ta Haron al kahin wokilu huwo le ihtimam be zat ta nur, bokor al indu riha hilu, tagdim al sabit wa zet ta misha. Wokilu huwo le ihtimam be bet ta ibada “maabad” wa kulu al fi fogo, mahal al mukadas wa ajhiza bito. ¹⁷ Yahweh kelim le Musa wa Haron. Huwo gali, ¹⁸ Mata rudu le gebila ta iyal ta iyal ta kahathiin ashan bi talau bara min wasat ta lawiin. ¹⁹ Hasa amulu de le humon ashan humon bi hai wa ma bi mutu, kan humon ja gerib be hajat ta mahal al mukadas “kuds al akdas” Haron wa iyal bito bi dakalu juwa, wa bi wodi le kulu zol shokol bito wa mosulia bito. ²⁰ Lakin kahathiin ma bi dakalu ashan bi ainu mahal al mukadas, hata le lahaza besit, au humon bi mutu. ²¹ Yahweh kelim tani mara le Musa. Huwo gali, ²² Shilu adad ta iyal ta iyal Gershon Kaman, be hasab biyot ta abuhat bitomon wa usura bitomon. ²³ Hasibu del al indu teletin sena le kamsiin sena, hasibu humon kulu al bi dum fi sherika ashan bi kadimu fi kema ta ijtima. ²⁴ De yau shokol ta usura ta Gershoniin, asha humon bi kadimu wa humon bi arfa. ²⁵ Humon bi arfa sejif ta bet ta ibada “maabad”, kema ta ijtima, kuta bito, kuta ta gild ali fok bito, wa sejif ta dukul le kema ta ijtima. ²⁶ Humon bi arfa sejif ta dar, sejif ta bab ta sika ta bad ta dar, al gerib le bet ta ibad, wa gerib ma mazbah, hubal bitomon, wa kulu asasat le kidma bitomon. Kulu al bi amulu be hajat del, humon bi amulu huwo. ²⁷ Haron wa iyal bito bi wori kulu kidma ta iyal ta iyal ta Gershoniin. Fi kulu haja al humon bi hawilu, wa fi kulu kidma bitomon. Ita bi wori le humon bi kulu mosuliya bitomon. ²⁸ De yau kidma ta usura ta iyal ta iyal ta Gershoniin le kema ta ijtima. Ithamar jena ta Haron al kahin bi kun reise le humon fi kidma bitomon. ²⁹ Inta bi hasibu iyal ta iyal ta marary be hasab usura bitomon, wa nizamu humon be hasab biyot ta abuhat bitomon, ³⁰ Min telethon sena wa le fok lahdi kamsiin sena. Hasibu kulu zol al bi ruwa dum fi sherika wa bi kadimu fi kema ta ijtima. ³¹ De yau musulia bitomon wahumola bitomon fi kulu kidma bitomon le kema ta ijtima. Humon bi ihtam be louha ta bet tai bad “maabad”, arud bito,bito, manasib , wa magabes ³² Le gidam be manasib ta lawli bet ta ibada “maabad”, magabes, awtad, wa hubal bitomon, be kulu ajhiza bitomon. Hasibu be isim hajat al humon bi shilu. ³³ De yau kidma ta usura ta iyal ta iyal ta marari, al humon amulu la kema ta ljtima, tehet irsahad ta thamar jena ta haron al kahin. ³⁴ Musa wa haron wa ruasa ta mujtama hasibu iyal ta iyal ta khathiin be hasah usura ta biyot ta abuhat bitomon . ³⁵ Humon hasibu humon min telethon sena wa le fok lahadi kamsin sena. Humon hasibu kulu zol al bi dum fi sherika fi kidma ta kema ta ijtima. ³⁶ Humon hasibu 2,750 rujal bi hasab usura bitomon. ³⁷ De kan sejlat ta usura ta kahathiin alkadimu fi kema ta ijtima. Musa wa haron hasibu humon hasab awamir ta Yahweh al kan wodi be wasat musa. ³⁸ Iyal taiyal ta gershon kan hasibu fi usura bitomon, be hasab biyot ta abuhat bitomon, ³⁹ Min telethon le kamsiin sena. Kulu zol al der dum le sherika ashan bi kadimu fi kema ta ijtima. ⁴⁰ Kulu rujal hasibu be hasab usura bitomon wa biyot ta abuhat bitomon, mahsub 2,630 ⁴¹ Musa wa haron hasibu usura ta iyal ta iyal ta gershon al kadimu fi kema ta ijtima. Fi shokol de, humon tei awamir al kan Yahweh kilem ashan bi amulu be wasit musa ⁴² Iyal ta iyal ta marari kan hasibu fi usura bitomon be hasab biyot ta abuhat bitomon, ⁴³ Min telethon le kamsiin sena ,kulu zol al dum fi sherika ashan bi kidemu fi kema ta ijtima . ⁴⁴ Kulu rujal hasibu be hasab usura bitomon wa biyot ta abuhat bitomon, mahsub 3,200. ⁴⁵ De kan sejilat ta usura ta iyal ta iyal ta marari. Al musa wa haron hasibu be hasab awamir ta Yahwehal ja be easit ida ta musa ⁴⁶ Biga musa ,haron,wa ruasa ta Israel hasibu be kulu lawiin be hasab usura bitomon fi biyot ta abuhat bitomon ⁴⁷ Min telethiin sena le kamsiin sena. Humon hasibu kulu zol amulu shokol fi bet ta ibada “maabad”wa al arfa wa ihtam be mawad fi kema ta ijtima. ⁴⁸ Humon hasibu 8,580 rujal. ⁴⁹ Hasab awamir ta Yahweh, musa hasibu kulu rjil, hafisu hisab zol be hasab shokol al kan wodi ashan huwo bi amulu hasab nou ta musulia al huwo hariko.fi shokol de, humon tei wamir al Yahwehkan kilim le humon ashan humon bi amulu be wasit musa.