¹ De yau kalifa ta iyal ta iyal ta Haron wa Musa asna Yahweh kelim ma Musa fi jebel Sina ² Asami ta iyal ta iyal ta Haron yau nadab al bikiria, wa abiyahu, alizazar, wa ithamar. ³ Del yau asami ta iyal ta Haron, kuhana al kan mumsuhin wa al kerisu le kidma ze kuhana, ⁴ lakin nadab wa abiyahu waga wa mutu gidam ta Yahweh asna humon gedimu le huwo gurban ta nar al ma mugbul fi beriya ta Sina. Nadab wa Abiyahu kan ma ludu iyal, biga bes Aliazar wa Ithamar kadimu ze kuhaba ma Haron abu bitomon. ⁵ Yahweh kelim le Musa. Huwo kelim, ⁶ “jibu gebila ta lawiin wa wogifu humon gidam ta Haron al kahim ashan humon bi saidu huwo. ⁷ Humon bi amulu kidma niyaba an Haron wa kulu mujtama fi kema ta ijtima. Humon bi kadimu fi mahal ta ibada “maabad” ⁸ Humon bi ihtam be kulu asasat fi kema ta ijitma. Wa humon bi saidu gabaiel ta Israel ashan bi jahizu kidma ta mahal ta ibada “maabad” ⁹ Inta bi wodi lawiin le Haron wa Awlad bito. Wodi humon kulu ashan bi saidu huwo hadiya ta shaab ta Israel. ¹⁰ Inta bi azilu Haron wa iyal bito za kuhana, lakin ai zol garib al bi ja gerib bi katulu. ¹¹ Yahweh kelim le Musa. Huwo kelim, ¹² “ainu, ana shilu lawiin min wasat ta shaab ta Israel. Ana amulu de bidal ana bi shilu kulu bikiria. Gediya nimira wahid ta rihim, min wasat ta shaab ta Israel. Lawiin tabi le ana. ¹³ Kulu bikiria tabi le ana. Fi yom dak al ana hajimu kulu bikiria fi arid ta masir, ana kutu mujmu barau le nefsa bitai kulu bikiria di isarel, kulu min rujal wa haiwanat. Humon tabi le ana. Ana Yahweh” ¹⁴ Yahweh kelim le Musa fi beriya ta Sina. Huwo kelim, ¹⁵ “hasibu iyal ta iyal ta lawi fi kulu usura, fi biyot ta abuhat bitomon hasibu kulu jena al rajil al umor bito shahar wahid.” ¹⁶ Musa hasibu humon, hasab kalam ta Yahweh, bes ze huwo kan wodi wosiya ashan bi amulu. ¹⁷ Asami ta iyal ta lawi de yau kan gershon, kahat, wa marari. ¹⁸ Del yau asami ta iyal ta gershon, be hasab usura bitomon; lubna wa shamei. ¹⁹ Iyal ta kahat, be hasab usura bitomon; Amram, yazhar, habron, wa uzziel. ²⁰ Iyal ta marari be hasab usura bitomon; mahli wa mushi. Del yau usurat ta lawiin, sejilu hasab usura be usura. ²¹ Usurat ta Lubniin wa ta Shameiin ja min gershon. Del yau usurat ta Gershoniin. ²² Kulu iyal al rujal min umur ta shahar wahid kan mahsub, jumla tou 7,500. ²³ Usurat ta Gerahoniin bi geni fi maskar fi itijah ta garib ta mahal ta ibada “maabad”. ²⁴ Alyasaf jena ta lael bi kun reise ta usurat ta iyal ta iyal ta Gershoniin. ²⁵ Usura ta Gershon bi ihtam be kema ta ijtima sawa ma mahal ta ibada “maabad”. Humon bi ihtam be kema, bi kati huwo, wa bi istagdemu sitara ze madara le kema ijtima. ²⁶ Humon bi ihtam be satair ta dar bet, setara fi madkal ta dar bet bad dak al Hawishu ta guad wa ta tagiir. Humon bi ihtam be hubal ta kema ta ijtima wa le kulu haja fogo. ²⁷ Usurat del ja min kahath; usura ta al Amramiin, usura ta al Yazhariin, usura ta al Hebroniin, wa usura ta Uzzieliin. Usurat del tabi le al Kahatiin. ²⁸ 8,600 iyal al awlad min umor ta shahar wahid le fok hasibu ashan bi amulu kidma ta malja “gaad”. ²⁹ Usura ta kahath bi kun fi muaskar fi tijah ta junub ta mahal ta ibada “maabad”. ³⁰ Alisafan jena ta Uzziel bi kun reise le biyot ta abuhat ta kahathiin. ³¹ Humon bi ihtam be sefina de, tarabeza, lambat, mazabeh, hajat al mukadas al bi istagdemu fi kidmat bitomon, sitara, wa kulu turog ta shokol bito. ³² Aleazar jena ta Haron al kahin bi kun reise le rujal al ruasa ta lawiin. Huwo bi kun mushirif le rujal al bi amulu kidma ta mahal al mukadas. ³³ Itnin usurat ja min marari; usura ta mahliim wa usura ta mushiin. Usurat del ja min marari. ³⁴ 6,200 iyal al rujal al hasibu be umur shahar waild wa le fok. ³⁵ Suriel jena ta abihail bi kun reise ta biyot ta abuhat ta marari.humon bi kun fi musaskar fi itijah ta shamal ta mahal ta ibada “maabad” ³⁶ Iyal ta iyal ta marari bi ihtam be amulu utor ta mahal ta ibada “amaabad”,urud bito,manasib,asasat,kulu aghiza,wa kulu haja al indu ilaka le humon, be idafa le kida ³⁷ Al amida wa manasib ta biyot al hauli mahal ta ibada “maabad” ma magabise bitomon, awtat,wa hubal. ³⁸ Musa wa haron wa iyal bitomon bi kun fi muaskar fi muaskar fi itijah ta sherik ta mahal ta ibada “maabad” fi gidam ta kema ta ijtima,mugabi le sherik ta shemis. Humon bi kun musulin fi amulu kidma ta mahal guad “malja” wa gidma ta shaab ta isreel. Ai lagi “zol al garib “ al bi ja gerib le malga de bi katulu. ³⁹ Musa wa haron hasibu kulu iyal al rujal fi usura ta lawi al indu umur ta shahar wahid le fok, ze ma Yahweh wodi awamir. Humon hasibu itnin wa ishrin alf rujal. ⁴⁰ Yahweh kelim le musa, hasibu kulu bikiria al rujal ta shaab ta israel al indu umur shahar wahid le fok. Sejilu asami bitomon. ⁴¹ Inta bi shilu lawiin le ana – ana Yahweh – bidal ta kulu bikiria ta bahaim ta iyal ta iyal ta Israel .” ⁴² Musa hasibu kulu bikiria ta shaab ta Israel, ze Yahweh kan wodi awamir ashan huwo bi amulu. ⁴³ Huwo hasibu kulu bikiria al rujal be asami, umur shahar wahid wa le fok. Huwo hasibu 22,273 rujal. ⁴⁴ Tani mara Yahweh kelim le musa.huwo gali ⁴⁵ shilu lawiin bidal kulu bikiria wasat ta shaab ta Israel, wa shilu bahaim ta lawiin bidal ta bahaim ta shaab. Lawiin de tabi le ana- ana Yahweh. ⁴⁶ Ashan bi dafaa 273 bikiria ta iyal ta Israel al zidu adad ta lawiin ⁴⁷ Inta bi jama kamsa shagil le kulu min humon. Ita bi istakdim shagil ta malja ze ma ita amulu magiyas ta wozin. Shagil bi sawi ishrin girah. ⁴⁸ Inta bi wodi gurush al mudfu de ita bi dafa le haron wa awlad bito” ⁴⁹ Biga musa jama gurush al mudfu min adad al ziyada de le del dafau ma lawiin. ⁵⁰ Musa jama gurush min bikiria ta shaab ta Israel. Huwo jama 1,365 shagil, wozinu ma shagil ta malja. ⁵¹ Musa wodi gurush al dafau de le haron wa iyal bito. Musa amulu kulu haja al kelimu ashan huwo bi amulu min kilal kalam ta Yahweh, ze Yahweh kan wodi awamir le huwo.