¹ Yahweh kelim tani mara le Musa wa Haron. Huwo kelim, ² “kulu wahid min shaab ta Israel bi kun hawli muaskar bito al wosifu, be rai (alam) ta biyot ta abuhat bitomon. Humon bi geni hawli kema ta ljtma ala kulu taraf. ³ Del al bi geni fi sherik ta kelma ta ijtima, tijah al shemish bi tala min fiku (sherik), humon yau hahal ta yahuza be mujmu ta Asakir bitomon, wa humon bi geni kaid ta shaab ta yahuza. ⁴ Adad al zidu ta shaab ta yahuza de 74,600. ⁵ Gebila ta yasachir bi ja geni bad yahuza. Nathaniel jena ta Suar bi kud asakir ta yasachir. ⁶ Adad al zidu le shaab ta yasachir de 54,400 rujal. ⁷ Gebila ta Zabulun bi ja bad yasachir. Alyab jena ta Helon bi kud asakir ta Zabulun. ⁸ Adad al zidu le shaab ta Zabulun de 57,400. ⁹ Kulu adad ta mahal ta yahuza de 186,400. Humon bi tala bara awel. ¹⁰ Ala tijah ta junub bi kun mahal ta Rawbin tehet wosif bitomon. Kaid ta mahal ta Rawbin yau Alizur jena ta Shedeur. ¹¹ Adad al zidu le shaab ta Rawbin de 46,500. ¹² Shamaun bi geni fi kema bad Rawbin. Kaid ta gebila ta Shamaun yau shalumiel jena ta Sorishaddi. ¹³ Adad al zidu le shaab ta Shamaun de 59,300. ¹⁴ Gebila ta Gad yau be wara bito. Kaid ta shaab ta Gad yau alasaf jena ta Rauel. ¹⁵ Adad al zidu le shaab ta Gad de 45,650. ¹⁶ Adad ta kulu rujal al kalifu le mahal ta Rawbin, hasab tegsimat bitomon, yau 151,450. Humon bi tala bara nimra itniin ¹⁷ Bad kida, keima ta ijtima de bi rahalu min muaskar de ma Lawiin fi wasat ta kulu mahalat. Humon bi tala bara min muaskar be nefso nizam ze ma humon ja fi muaskar de. Kulu zol bi kun fi mahal bito, be raya bito. ¹⁸ Ala tijah ta gerib bit kun tegsimat ta muaskar ta Afraim tehet wosif bitomon. Kaid ta shaab ta Afraim jena ta Ammihud. ¹⁹ Adad al zidu le shaab ta Afraim yau 40,500. ²⁰ Bad humon gebila ta Manasseh, kaid ta Manasseh yau Gamaliel jena ta Fedahsur. ²¹ Adad al zidu le shaab ta Manasseh yau 32,200. ²² Bad de bi kun gebila ta Benyamin. Kaid ta Benyamin yau Abidau jena ta Gideoni. ²³ Adad al zidu le shaab ta Benyamin yau 35,400. ²⁴ Kulu del al hasibu fi muaskar ta Afraim yau 108,100. Humon bi tala bara nimira talata. ²⁵ Ala shamal bi kun tegsimat ta muaskar ta Dan. Kaid ta shaab ta Dan yau Ahiazar jena ta Ammishaddai. ²⁶ Addad al zidu ta shaab ta Dan yau 62,700. ²⁷ Shaab ta gebila ta Asher bi ja geni bad Dan. Kaid ta Asher yau Fajaiel jena ta Okran. ²⁸ Adad al zidu ta shaab ta Asher yau 41,500. ²⁹ Baadu gebila ta Naftali. Kaid ta Naftali yau Ahira jena ta Enan. ³⁰ Adad al zidu ta shaab ta Naftali yau 53,400. ³¹ Kulu del al hasibu fi muaskar ma Dan yau 157,600 humon bi tala bara min muaskar fi akir mara, tehet raya bitomon” ³² De yau iyal ta iyal ta Israel, mahsub hasab biyot ta abuhat bitomon. Kulu de hasibu fi muaskarat bitomon, be tegsimat bitomon, yau 603,550. Lakin Lawin bito ma hasibu bein shaab ta Israel, ze Yahweh kan wodi wosia le Musa. ³³ Lakin huwo Levites kan ma eidu humon ma anas ta Israel, ze Yahweh kan umuru Musa. ³⁴ Shaab ta Israel amulu kulu haja al Yahweh wosi le Musa. Mukeyim bitomon be raya bitomon. Humon tala bara min muaskar be usurat bitomon, fi nizam ta biyot ta judud bitomon.