1
Yahwah wunuso le Mosa fi Arabat Moab safa ta Urdon fi Ariha,
2
''Weri le shaab ta Israel kede wedi baad min nisba ta wata tumon le Lawin. Umon lazim kede wedi le umon mudon ashan bi geni fugu wa mhalat al mawash bi akulu fugu min taraf ta mudon de.
3
Umon bi geni fi mudon de. wa bagarat wa ganamayat ma kulu hiwanat tumon bi akulu min fadaya al taraf mudon.
4
Fadayat al bi wedi le umon taraf mudon de lazim kede kun musafa ta alif metir min Heta ta medina min kulu tijahat.
5
Itakum kede aburu alfen metir min bara medina min safa sherik, wa alfen le sfa ta junub, wa alfen metir le sfa garib, wa alfen metir le safa ta shamal. De yao bi kun fadayat ta mudon tumon. Mudon de bi kun fi nus.
6
Sitta min mudon al itakum bi wedi le Lawin de lazim kede kun mudon le lajiin. Bi kun ze mahal al zol al katulu zol bi jere fugu. Kaman itakum bi zidu fugu itnin wa arbein mudon.
7
Mudon al itakum bi wedi le lawin bi kun temeniya wa arbein. itakum kede wedi fadayat tumon sawa.
8
Gebila al kebir fi Israel, gebila al indu ard ketir, lazim kede wedi mudun ketir. Wa gebila al suker bi wedi mudon besit. Ayi gebila kede wedi le Lawin be hasab nisba al umon indu.''
9
Yahwah wunuso le Mosa wa kelim,
10
''Wunuso le shaab ta Israel wa kelim le umon, 'Kan itakum gata nahar Urdon le ard Kanaan,
11
kede itakum iktar mudon ta Lajiin le itakum, mahal al kan fi zol katulu zol budun gasit bi jere fugu.
12
Mudon de bi kun malja takum min zol al der integim, ashan zol al amulu jerima de ma bi katulu gubal ma wegif fi mahkama gidam ta mujtama.
13
Itakum bi wedi Sitashar mudon le malja.
14
Itakum kede wedi talata mudon fi gata bahar Urdon wa talata fi ard Kanaan. Umon bi kun mudon ta malja.
15
Le shaab ta Issrael , le ajanib, wa le ayi zol al bi geni ma itakum, sitta mudon de bi kun mahal dusu le ayi zol al katulu zol bidun gasit bi jere hinak.
16
Lakin kan zol al ishteki de durubu zol de be hadid, wa zol de mutu, zol al dugu de bi kun katil. Lazim bi katulu zol de.
17
Kan Huwo luku zol de be hajer ma idda wa katulu, zol de bi kun katil. Lazim bi katulu zol de.
18
Kan Huwo dugu zol de ma kahsb al bi katulu wa zol de mutu, zol de bi kun katil. Lazim bi katulu huwo.
19
Musul ta zol al katulu de kede katulu zol al katulu zol tumon de. Kan huwo gabil ma zol de, kede huwo katulu zol de.
20
Kan huwo dugu zol de be zalan aw jada haj fi ras zol de lgiu huwo bi kemin le zol de, wa zol de mutu,
21
aw kan huwo lizu zol de tihit be ida tuo be zalan wa zol de mutu. Huwo katil. Musul ta zol al katulu de lazim bi katulu zol de kan huwo limo ma zol de.
22
Lakin kan zol al ishteki de lizu zol de faja ligu mafi zalan gubal kida aw jada haja al drubu zol de budun gasit
23
aw kan huwo jada hajer al bi katulu budun huwo ma ainu zol de, ligu zol al ishteki de ma addo ta zol al mutu de; wa huwo kan gasit awgu zol de. De haja al itkum bi amulu zol de mutu.
24
Mujtama lazim bi hakimu bain zol al ishteki de wa musul ta zol al katulu de ze de.
25
Mujtama lazim bi angizu zol de min ahal ta zol al katulu de. Mujtama kede rija zol fi medina al huwo jere fugu. Huwo lazim bi geni hinak lahadi mutu ta kahin al fi de, al masaw be zet al mukadas.
26
Lakin kan zol al ishteki de tala min hudud ta medina ta al huwo jere fugude,
27
yala ahal ta zol al huwo katulu de ligu huwo bara min hudud ta medina ta malja, yala huwo katulu zol de, ma bi iddu huwo katil.
28
Ashan kan zol al ishteki de kan fadulu fi medina tuo al huwo jere fugu de lahadi kan kahin al kebir de mutu. Baat mutu ta kahin al kebir, zol al ishteki de bi agder rija wara fi beled tuo.
29
De kede kun ganoon le itakum wa le ajiyal la bi ja fi kulu mahal al itakum bi geni fugu.
30
Ayi zol al katulu zol lazim bi katulu huwo, kan sabitu be shuhud. Lakin kelima ta shahid wahid ma bi kun kifaya ashan bi katulu zol de.
31
Mata rudu diya min zol al katulu wa al indu jerima ta katulu. Lazim bi katulu zol de.
32
Mata shilu gurush ashan zol de bi jere le medina ta malja. Yala zol de bi rija wa geni fi beled tuo, lahadi kan kahin al kebir de mutu.
33
Matakum waskanu ard al itakum bi geni fugu, Lanu dom ta zol al katulu bi waskanu wata. Wa mafi kafara bi amulu le wata kan dum kubu fugu, ele be dum ta zol al dufugu dum de.
34
Matakum nejiso wata al itakum bi geni fugu. Ana Yahwa, bi geni fi nus ta shaab Israel.''