¹ Yahwah wunuso le Mosa, ² ''Weri le shaab Israel wa kelim le umon, 'Kan itakum dakalu fi ard Kanaan, ard al bi ja kun takum, ard Kanaan be hudud tuo, ³ hudud takum ta safa junub bi zidu min sahara ta Ssin lahadi safa hudud ta Adom. Nihaya ta safa sherik ta hudud ta junub bi kun fi kat al bi intaha fi bahar Mileh. ⁴ Hudud takum bi gairu min murtafa ta Agarabim, le sahara ta Ssin. Min hinak, bi ruwa le safa junub Gadish Barni wa bi istemir le Hasr Adar wa le Asmon. Min hinak, hudud bi gairu ⁵ min Asmon le safa ta wadi Masir wa bi ruwa le safa ta Bahar. ⁶ Hudud ta garib bi kun bahar al kebir. De yao bi kun hudud takum ta garib. ⁷ Hudud takum ta shamal bi zidu sawa ma ,kat al itakum bi resimu min bahar al kebir le jebel Hor ⁸ lahadi itakum bi dakalu le Hama, wa tulu tuo bi kun le Sadad. ⁹ Yala hudud bi istemir kida le Zafron wa bi intaha fi Hasar Enan. De yao hudud takum ta shamal. ¹⁰ Kede itakum resimu le itakum hudud takum ta sherik min Hasar Enan junub le Shafam. ¹¹ Wa hudud ta sherik de bi nezil kida min Shafam le Ribla safa sherik ta Aeen. Hudud de bi istemir le sherik ta Bahar Kanara. ¹² Wa hudud de bi istemir kida le junub Nahar Urdon le Bahar Mileh wa bi istemir le sher4ik hudud ta Bahar Mileh. De yao bi kun ard takum, bi hudud tuo kulu.'' ¹³ Mosa wedi awamir le shaab Israel wa kelim, ''De yao ard al itakum bi gesimu be gura, al Yahwah wedin awamir kede wedi le Tissa gabaiel wa nus gebila. ¹⁴ Gebila ta iyal ta Raubin, shilu tumon hasab buyut ta gebila ta judud tumon, wa nus gebila ta Manassa kulu ligu wata tumon. ¹⁵ Bagi itnin gabaie wa nus de ligu nisba tumon fi gata bahar ta Urdon fi Ariha safa sherik, safa tulu ta shemis.'' ¹⁶ Yahwah wunuso le Mosa wa kelim, ¹⁷ ''De yao asma ta nas al bi gesimu le itakum ard de le miras takum: Aliazar al kahin, wa Yashu weled ta Nun. ¹⁸ Itak lede iktar wahid zol min ayi gebila ashan bi gesimu wata de hasab abuwab tumon. ¹⁹ De yao asma ta rujal delin: Min gebila ta Yahuza, Kalib jena ta Yafnna. ²⁰ Wa min gebila ta Shamuon, Shamueil jena ta Ammihud. ²¹ Wa min gebila ta Benyamin, Alidad jena ta Kasalun. ²² Wa min gebila ta Dan rais Bugi jena ta Yujla. ²³ Wa min gebila ta Yusuf, gebila ta iyal ta Manassa, rais Hanniel jena ta Efod. ²⁴ Wa min gebila ta Afraim rais, Gamuiel jena ta Shaftan. ²⁵ Wa min gebila ta Zabulun rais, Alisafan jena ta Farnak. ²⁶ Wa min gebila ta Yassakir rais, Faltaeil jena ta Azzan. ²⁷ Wa min gebila ta Ashir rais, Akihud jena ta Shalumi. ²⁸ Wa min gebila ta Nafatali rais, Fadaheil jena ta Ammihud.'' ²⁹ Yahwah wedi awamir le rujal de kede gesimu ard Kanaan le Shaab Israel be hasab gabaeil tumon.