¹ De yao kan rihlat ta shaab Israel bat ma umon tala min Masir ma jesh tumon be musulia ta Mosa wa Haron. ² Mosa katibu tihit mahalat al umon tala min fugu wa al umon ruwa fugu, ze ma Yahwah kelim. de yao kan rihlat tumon, be tulu tumon. ³ Umon safir min Rameses fi shahar al awel, fi yom kamistashar ta awel shahar. Saba saba baat Ubuor, shaab Israel tala gidam uyon ta Masriein kulu. ⁴ De hasil wekit Masriein kulu gi dufunu bekiria tumon al Yahwah kadulu fi nus tumon, lanu Huwo kaman dugu alihat tumon. ⁵ Shaab Israel tala min Rameses wa nezil fi Sukut. ⁶ kaman umon rahalu min Sukut wa nezil fi Issam, fi taraf ta sahara. ⁷ Umon tala min Issam wa rija wara le Fam al Hairus, al mugabil ta Baal Safon, wa umon geni gidam Mejdal. ⁸ Kaman umon rahalu min Fam al Hairus wa mururu be nus bahar le sahara. Umon tuoru talata yom ashan bi wusulo le sahara ta Issam wa nezil fi Mara. ⁹ Kaman umon rahalu min Mara wa ja le Elim wa kan f elim itnashar ena ta moyo wa sebeen shejera balah. De fi mahal al umon dugu kiam tumon fugu. ¹⁰ Umon tala min Elim wa nezil taraf bahar Sof. ¹¹ Umon rahalu min bahar sof wa nezil fi sahara ta Sin. ¹² Kaman umon rahalu min sahara ta Sin wa nezil fi Dofga. ¹³ Umon rahalu min Dofga wa nezil fi Alush. ¹⁴ Umon rahalu min Alush wa nezil fi Refidim, umon ma ligu moyo le shaab ashan bi shrabu. ¹⁵ Umon rahalu min Refidim wa nezil fi sahara ta Sina. ¹⁶ Umon rahalu min Sahara ta Sina wa nezil Gabrut Hatawa. ¹⁷ Umon rahalu min Gabrut Hatawa wa nezil Hadirut. ¹⁸ Umon rahalu min Hadiru wa nezil fi Risma. ¹⁹ Umon rahalu min Risma wa nezil fi Ramon Faris. ²⁰ Umon rahalu min Ramon Faris wa nezil fi Labna. ²¹ Umon rahalu min Labna wa nezil fi Rssa. ²² Umon rahalu min Rissa wa nezil fi Gahilata. ²³ Umon rahalu min Gahilata wa nezil fi Jebel Sahfer. ²⁴ Umon rahalu min Jebel Shafer wa nezil fi Hadada. ²⁵ Umon rahalu min Hadada wa nezil fi Makhilut. ²⁶ Umon rahalu min Makhilut wa nezil fi Tahat. ²⁷ Umon rahalu min Tahat wa nezil fi Tarih. ²⁸ Umon rahalu min Tarih wa nezil fi Masakah. ²⁹ Umon rahalu min Masakah wa nezil fi Hashmona. ³⁰ Umon rahalu min Hashmona wa nezil fi Masirut. ³¹ Umon rahalu min Masirut wa nezil fi Yaakan. ³² Umon rahalu min Yaakan wa nezil fi Hur Jidjad. ³³ Umon rahalu min Hur Jidjad wa nezil fi Yotbat. ³⁴ Umon rahalu min Yotbat wa nezil fi Abrona. ³⁵ Umon rahalu min Abrona wa nezil fi Asion Jabir. ³⁶ Umon rahalu min Asion Jabir wa nezil fi sahara Ssin fi Gadish. ³⁷ Umon rahalu min Gadish wa nezil fi Jebel Hor, fi taraf ta ard Adom. ³⁸ Haron al kahin ruwa fuk fi jebel Hor hasab kalam ta Yahwah wa mutu hinak fi sena nimra arbein baat ma shaab Israel tala min Masir, fi shahar nimra kamsa, fi awel yom ta shahar. ³⁹ Haron kan indu 123 sena wekit huwo mutu fi Jebel Hor. ⁴⁰ Kanaaniin, wa melik ta Arat, al kan geni fi junub sahara fi beled ta kKanaan, asuma be ja ta shaab Israel. ⁴¹ Umon rahalu min Jebel Hor wa nezil fi Salmona. ⁴² Umon rahalu min Salmona wa nezil fi Fonun. ⁴³ Umon rahalu min Fonun wa nezil fi Obot. ⁴⁴ Umon rahalu min Obot wa nezil fi Iye Abarim, fi hudu ta Moab. ⁴⁵ Umon rahalu min Iye Abarim wa nezil fi Dibon Jad. ⁴⁶ Umon rahalu min Dibon Jad wa nezil fi Alamon Dablataim. ⁴⁷ Umon rahalu min Almon dablataim wa nezil fi Jibal Abarim, mugabil Nabo. ⁴⁸ Umon rahalu min Jibal Abarim wa nezil fi Arabat Moab safa ta Urdon fi Ariha. ⁴⁹ Umon dugu kiam tumun fi Urdon, min Bet Yashimut le Abel Shatim fi Arabat Moab. ⁵⁰ Yahwah wunuso le Mosa fi Arabat Moab safa ta Urdon fi Ariha wa kelim, ⁵¹ ''Kelim le shaab ta Israel, ''Kan itakum Mururu min Urdon le ard Kanaan, ⁵² Itakum lazim bi turudu kulu nas al bi geni hinak min gidam takum. Itakum lazim bi demiro asnam tumon kulu. Itakum lazim bi demiro suwar ta Asnam de wa kulu mazabih tumon. ⁵³ Itakum kede shilu beled de wa geni takum fugu, lanu ana wedi le itakum beled de. ⁵⁴ Itakum kede weriso wata de be gura hasab Abuwab takum. Bab al kebir itakum lazim kede wedi le umon wata kebir, wa le bab al suker itakum bi wedi wata suker. Gura al bi waga le ayi beled, de yao bikun wata tumon. Itakum bi weriso wata de hasab gabail ta judud takum. ⁵⁵ Lakin kan itakum ma durudu nas al bi geni fi wata de bara min gidam takum, nas al itakum bi sibu kede geni ma itakum bikun ze alat wa shok fi uyon takum. Umon bi daigu haya takum fi beled al itakum bi geni fugu. ⁵⁶ De bi sibu Ana bi amulu le itakum haja al Ana der amulu le umon.''