¹ Ama iyal ta Raubin wa iyal ta Jad kan indu adad kebir min mawashi. Wekit umon ayinu inu ard Yazir wa Jalaad, kan mahal al tamam le Mawashi. ² Yala iyal ta Jad wa Raubin ja wa wunuso le Mosa, wa le Aliazar al kahin, wa mugediminta mujtama. Umon kelim, ³ ''De yao asma ta mahalat al anina ayinu: Atarot, Dibon, Yazir, Nimra, Hashbon, Aliala, Shibam, Nabo, wa Baon. ⁴ De yao mahalt al Yahwah durubu gidam ta shaab Israel, wa umon mahalat kues le mawasshi. Anina kadamin taki, indu mawashi ketir.'' ⁵ Umon kelim, ''Kan anina ligu naima fi ena taki, kede wedi wata de le anina kadamin taki, ze miras. Kede anina ma gata Urdon.'' ⁶ Mosa juabu le iyal ta Jad ma Raubin, ''Hal akuana takum ya bi ruwa fi harib wa itakum bi geni hini? ⁷ Malu itakum bi karabu geliba ta shaab Israel ashan ma bi wusulo le wata al Yahwah wedi le umon? ⁸ Abuhat takum amulu nfsa haj zaman Ana rasulu umon min Gadish Berni ashan bi ruwa jasisu wata de. ⁹ Umon ruwa lahadi wadi Ashkol. Umon ayinu wata de yala ja karabu gulub ta shaab ta Israel ashan umon bi aba dakalu fi beled al Yahwah wedi le umon. ¹⁰ Zalan ta Yahwah ja fi Yom dak de. Huwo hakifu wa kelim, ¹¹ 'Wele zol wahid min nas al tala min Masir min umor ishireen sena le fuk, ma bi dakalu fi beled al Ana halifu le Ibrahim, Ishak, wa Yakub, lanu umon ma duwru wara tai tamam, ele bes ¹² Kalib weled ta Yafna al min Henzi, ma Yashu weled ta Nun. Bes Kalib ma Yashu yao duwru wara tai tamam.' ¹³ Zalan ta Yahwah kan kalis le Israel. Huwo sibu umon wuduru fi sahara le arbein sena lahadi jeil al amulu katiya gidam tuo de kulu demiro. ¹⁴ Yade itakum gum fi mahal ta abuhat takum, bes nas ta katiya, ashan bi ziddu zalan ta Yahwah fi shaab ta Israel. ¹⁵ Kan itakum rija wara min wara tuo Huwo bi sibu itakum fi sahara wa itakum bi, wa itakum bi mutu shaab de kulu.'' ¹⁶ Umon ja gerib ma Mosa wa kelim, ''Sibu anina abinu le anina heshan hina le mawashi ta nina wa mudon le usar ta nina. ¹⁷ Wa anina be nufus ta nina bi kun jahis musalahin bi ruwa gidam jesh ta Israel lahadi anina bi gedim umon le mahal tumon. Lakin usar ta nina bi geni mudon al abinu guwi ashan kalam ta nas al lisa bi geni fi beled de. ¹⁸ Anina ma bi rija fi biut ta nina lahadi kan ayi zol min shaab Israel bi ligu werisa tuo. ¹⁹ Anina ma bi weriso beled ma umon fi safa tani Urdon, lanu werisa ta nina fi hini fi safa sherik ta Urdon.'' ²⁰ Mosa juabo le umon, ''Kan iyakum bi amulu kalam al itakum kelim, kan itakum wedi silah le badum taki gidam ta Yahwah le harib, ²¹ lazim ayi zol min rujal al musalahin bi gata Urdon gidam ta Yahwah, lahadi Huwo bi truju adu tuo min gidam ²² tuo wa wata de selimu gidam tuo. Yal baad kida iatkum bi rija. Itakum bikun ma indu zam gidam ta Yahwah wa gidam ta Israel. Wata de bikun miras takum gidam ta Yahwah. ²³ Lakin kan takum ma amulu kida, itakum amulu katiya did Yahwah. Wa aruf takum katiya takum. ²⁴ Abinu takum lmudon le Usar takum wa iyal takum wa zarib le ganamayat takum; wa amulu takum haja la itakum kelim.' ²⁵ Iyal ta Jad wa Raubin wunuso le Mosa wa kelim, ''Kadamin taki bi amulu, ze ma said ta anina kelim. ²⁶ Iyal ta nina al sukerin, wa nasawin ta nina, wa kulu mawashi ta nina bi fadulu hinak fi mudon ta Jalaad. ²⁷ Wa anina kadamin taki be ruwa gidam ta Yahwah fi harib, ayi rajil be silah le harib, ze ita, said ta anina kelim.'' ²⁸ Yala Mosa wedi tuojihat be kusust tumon le Aliazar al kahin, le Yashu weld ta Nun, wa ruwasa ta abuhat ta gabail ta Israel. ²⁹ Mosa kelim le umon, ''Kan iyal ta Jad ma Raubin gata bahar Urdon ma itakum, ayi rajil al indu silah le harib gidam ta Yahwah, wa kan itakum gubudu wata de, yala itakum bi wedi le umon ard ta Jalaad ze miras. ³⁰ Lakin kan umon ma ruwa ma itakum ma rujal musalahin, umon bi ligu nisba tumon ma itakum fi ard ta Kanaan.'' ³¹ Yala iyal ta Jad ma Raubin juwabu wa kelim, ''Ze Yahwah kelim le anina, kadamin taki, de haja al anina bi amulu. ³² Anina bi ruwa musalasin gidam ta Yahwah le ard Kanaan, lakin miras ta nina bi fadulu anina fi safa ta Urdon.'' ³³ Yala le iyal ta Jad wa Raubin, wa nus ta iyal Manassa weled ta Yuosif, Mosa wedi le umon mamlaka ta Sihon, melik ta Amorin, wa Oj melik Bashan. Huwo wedi le umon, wa gesimu le umon mudon tuo kulu ma hudud tumon, wa mudon ta beled al hawli umon. ³⁴ Iyal ta Jad abinu Dibon, Atarot, Aroer, ³⁵ Arot shofan, Yazir, Yojbaha, ³⁶ Bet Nimra, wa Bet Haran umon abinu mudun be zaraib ta kurfan. ³⁷ Iyal ta Raubin abinu Hashbon, Aliala, Garitaim, ³⁸ Nabo, Baal Maon al asma tumon ja garo, wa Sabma. Umon wedi asma tani le mudon al umon abinu. ³⁹ Iyal ta Makir weled ta Manassa ruwa le Jalaad wa shilu bara min Amoriin al kan bi geni fugu. ⁴⁰ Mosa wedi Jalaad le Makiriin, iyal ta Manass, wa nas tuo geni hinak. ⁴¹ Yaeir weled ta Manassa, ruwa wa gubudu mudon tuo wa wedi isim tumon Hoos Yaeir. ⁴² Nobah ruwa wa gubudu Ganna ma gura tuo, wa wedi isim tumon Nobah, be isim tuo.