¹ Allah kelim le Mosa ² ((kede ita integim le iyal ta Israel, min Midianiin, baad kida ita bi dum le jiel taki)). ³ Yal Mosa kelim le shaab. Huwo kelim, ''Wedi takun silah le baad min nas takum ta hari, ashan umon bi ruwa shakila ma Midianiin wa bi integim intigam le Yahwah. ⁴ Ayi gebila fi Israel lazim bi rasulu alfi Askeri le harib.'' ⁵ Yala Mosa rasulu alaf ta rujal ta Israel, jibu alif min kulu gebila fi Israel, itnashar alf rujal musalahin le hari ⁶ Yala Mosa rasulu umon fi harib, alif min kulu gebila, sawa ma Fenihas jena ta Aliazar al Kahin, be baad hajat min makan al mukadas wa trumbeta kan fi iden tuo. ⁷ Umon shakila ma Midianiin, ze ma Yahwah kelim le Mosa. Umon katulu ayi rajil. ⁸ Umon katulu muluk ta Midian ma bagi maitin tumon: Awi, wa Ragim, wa Sor, wa Hor, wa Rabi, kamsa muluk ta Midian. Umon kaman katulu Balaam jena ta Baor, be sef. ⁹ Jesh ta Israel shilu nusuwan ta Midianiin, iyal tumon, wa kulu ganamayat, wa bagarat tumon, wa buda tumon kulu. Wa amlak tumon. ¹⁰ Umon aragu mudon tumon kulu al umon gi geni fugu wa kiam tumon kulu. ¹¹ Umon shilu nas al umon gubudu wa nahab, nas wa haiwanat. ¹² Umon jibu nas al umon gubudu de le Mosa, wa Aliazar al kahin, wa le mujtama ta shaab Israel. Umon jibu hajat de le kiam fi ard ta Moab, safa ta Urdon gerib wa Ariha. ¹³ Mosa, wa Aliazar al kahin, ma kulu mugedimin ta mujtama ruwa istagbalu umon bara ta kiam. ¹⁴ Lakin Mosa kan zalan min nas al musulin min jesh, ruasa ta alaf wa ruasa miyat, al ja min harip. ¹⁵ Mosa kelim le umon, ''Itakum sibu nuswan kulu haiin? ¹⁶ Nuswan de sibu shaab Israel amulu katiya gidam Yaahwah be hasab nesiha ta Balaam, fi gediya ta Fagur, laman jibu ayan fi mujtama ta nas ta Yahwah. ¹⁷ Hasa kede itakum katulu weled min iyal al sukerin, wa katulu takum ayi mara al arufu rajil be num ma huwo. ¹⁸ Lakin sibu takum banat al sukerin al ma arufu wa ma lemesu ma rajil. ¹⁹ Ayi zol al katulu min itakum aw lemesu zol al katulu, lazim kede geni bara min kiam le saba yom. Fi yom nimra talata wa yom nimra saba itakum lazim bi nedifu nefus takum wa nas al itakum asuku. ²⁰ Itakum lazim bi nedifu ayi gumash wa ayi haja amulu min jilid wa min shaar ganamaya, wa ayi haja amulu min kashab.'' ²¹ Aliazar al kahin kelim le jesh al ja min harib, ''De ganoon al Yahwah wedi le Mosa. ²² Dahab, Fidda, wa nihas, wa hadid, wa gesdir, wa rasas, ²³ ayi haja al bi gauomu nar, ita itakum lazim bi mururu be nar, wa bi tala nedif. Baad kida ita bi tahiru hajat de moyo ta kasil. Ayi haja al ma bi dakalu fi nar ita bi nedifu be moyo. ²⁴ Itakum lazim bi kasulu gumashat takum fi yom nimara saba, wa itakum bikun nedif. Baad kida itakum bi agder dakalu fi kiam t5a Israel.'' ²⁵ Yahwah wunuso le Mosa wa kelim, ²⁶ ''Iddu nahab al shilu min nas le bahaim. Ita wa Aliazar al kahin wa mugedimin ta usura ta beled ta judud ²⁷ kede gesimu ganayim de le itnin. Gesimu takum bain asakir al ruwa fi harib wa le bgi mujtama. ²⁸ Kede wedi deriba le Rabana min asakir al ruwa fi harib. Deriba de kede kun wahid min ayi kumsumiya, kan min nas, bagarat, Hamir, kurfan, aw ganamayat. ²⁹ shilu nus ta dariba de wa wedi le Aliazar al kahin ashan bi gedimu le Allah zebiha. ³⁰ Kaman min nas ta Israel's inta bi silu wahid min kulu hamsiin-min sheah, abgar, humor, korufan wa ahgnam. Wodi de le Lawiin al gi arisu haigal tai. ³¹ fa Musa wa Eleazar gesis amulu ze Yahmeh amiru Mosa. ³² Hasa ganaiam al fadulu min al asakir nakamu de kan 675,000 kurfan, ³³ 72,000 bagarat, ³⁴ 61,000 hamir, ³⁵ 32,000 nuswan al ma fi rajil lemesu umon. ³⁶ Nus al fadulu le asakir adad tumon kan 337,000 kurfan, ³⁷ al nisba ta Yahwah kan 675. ³⁸ Bagarat kan 36,000 al nisba ta Yahwah min fugu kan 72. ³⁹ Hamir kan 30,000 wa nisba ta Yahwah kan 61. ⁴⁰ Wa nas kan sittashar alf nuswan wa nisba ta Yahwah kan itnin wa teletin. ⁴¹ Mosa shilu zaka al kan bi ruwa gedimu hadia le Yahwah. Huwo wedi le Aliazar al kahin ze Yahwah weri le Mosa. ⁴² Wa le shaab ta Israel nus al Mosa shilu min asakir al ruwa fi harib ⁴³ wa ta mujtama kan 337,500 kuruf, ⁴⁴ 36,000 teran, ⁴⁵ 30,500 hamir, ⁴⁶ wa sittashar alf nuswan. ⁴⁷ Nus min shaab ta Israel, Mosa shilu wahid min kulu kamsin, min nas wa haiwanat. Huwo wedi le Lawin al bi hafiso kenisa ta Yahwah, ze ma Yahwah weri le huwo kede amulu. ⁴⁸ Yala ruwasa ta jesh, ruwasa ta alaf wa ruwasa ta miyat, ja le Mosa. ⁴⁹ Umonn kelim le huwo, ''Kadamin taki iddu asakir al tihit musulia ta anina, wa wele wahid nagis. ⁵⁰ Anina jibu hadia, le Yahwah, ayi zol jibu haja al Huwo ligu, afash min dahab, hujul, khibeshat, kawatim, wa salasil ,wa halak, le kafara le nufus ta nina gidam ta Yahwah.'' ⁵¹ Mosa wa Aliazar al kahin akudu hajat de min umon dahab ma kulu afashat al sanau. ⁵² Wa kulu dahab al umon gedimu le Yahwah min ruwasa ta jesh de kan 16,750 shakil. ⁵³ Yala rujal ta harib, ayi zol nakamu ganima le nfsa tuo. ⁵⁴ Mosa wa Aliazar al kahin shilu dahab de min ruwasa ta alaf wa ruwasa ta miyat. Umon shilu fi kaima ta ajtima ze zikra le shaab Israel gidam ta Yahwah.