1
Musa wonusu le ghaada ta ghabael ta shaab ta Israel, huwo gal”De yau haja al yahwah kan kelim.
2
Kan rajil amulu waad le yahwah aw halifu halifa ashan robutu nifsa tuo ma rubat ta waad, keli huwo ma kasuru kelima tuo. Keli huwo hafisu waad dee ashaan bi amulu kulu kelima al tala min kasma tuo.
3
Kam binia lisa gi geni fi biet ta abu tuo amulu waad le yahwah wa rubutu nefsa tuo ma waad de fi zaman al hiya fi biet ta abu tuo,
4
Iza kan abu tuo asuma halifa de wa waad al hiya rubut ma nefsa tuo wa abu tuo kelim gal mafi haj bi rejao wara, biga kulu halifa de bi geni fi wa ayi waad al kan hiya rubutu ma nifsa tuo bi kun sabit.
5
Lakin iza abu ta hiya aba gal huwo ma asuma waad de biga ayi min halifa aw waad, del al rubut hiya de bi waga(sagit). Yahwah bi afii hiya ashan abu tuo abusu hiya.
6
Wa kan hiya juazu rajiol wa hiya halifu ma kasma tuo waad al bi rubutu ma nifsa tuo.
7
Wa rajil tuo asuma lakin ma kelim le hiya haja, biga halifa de bi kun fii wa waad al hiya robutu ma nifsa tuo bi kun sabit.
8
Lakin kan rajil tuo abusu hiya min yom dak al huwo asuma waad de biga huwo bi wogifu halifa al hiya kan amulu de. Yahwah bi afii halifa al kan hiya wonusu ma kasma tuo wa robutu nefsa tuo.
9
Lakin ayi halifa ta armala aw mara al talagu bi wogifu gedam tuo.
10
Iza kan mara amulu ahad fi biet ta rajil ta tuo aw robutu nifsa tuo ma waad bi halifa,
11
Wa rajil tuo asuma waad de wa huwo ma kelim ayi haja wa ma abusu hiya, biga balifat de kulu bi kun sabit, wa ayi wad al hiya robutu ma nifsa tuo bi kun sabit.
12
Lakin kan rajil tuo aba kulu halifat al huwo kan asuma de. Biga ayi haja al hiya bi kelim aan halifa de bi sagit(Wogif). Rajil tuo aba halifa de wa yahwah bi afii hiya.
13
Ayi halifa wa ayi rubat ta waad al bi asiir ma hiya, rajil tuo bi agdier rudu aw bi agdier aba.
14
Lakin iza rajil tuo ma kelim ayi haja kulu halifat wa waad al bi robutu hiya wa kulu halifat de bi wogif gedam hiya ashan huwo ma kelim haja min yom al huwo asuma halifa de.
15
Iza kan rajil ta hiya aba halifa ta mara tuo baad ma huwo asuma, rajil de bi kun musaul min katiya ta mara de.
16
De yau gawaniin al yahwah wori le musa ashan bi alinu gawaniin biena rajil wa mara tuo wa biena abu wa biniya tuo zaman al hiya fi shabab tuo fi biet ta abu wa auma tuo.