¹ Fi sharah al sabi, fi yom al awel fi shahar, keli intum ijtimaa al mukadas ashan intum bi azimu yahwah. Keli intum ma ishtakal shukulat takum fi yom dak. Bi kun fi yom al intum bi afuku turupitat. ² Keli intum gedimu zibiha al gi haragu ashan bi wodi riha al hilu le yahwah. Keli intum wodi bagara al sukeir, ghanamayo wahid, wa saba khurfan al rujal aumur sena wahid, kulu wahid ma indu ieb(dabara). ³ Bi gedimu hajat de ma tegdima ta dura tuo, wa degig al name al ajeenu ma ziet, talata-ashara fii miya min ephah le bagara, itniin-ashara fi miya le kebish, ⁴ Wa wahid-ashara fii miya khoruf min saba khurfan deel, ⁵ Keli intum wodi ties(Ghanamayo) al rajil ashan tegdima ta katiya ashan bi kasulu intum ashan bi kasulu intum. ⁶ Wodi takum tegdima de fi al shahar al sabie. Idata le tegdimat de kulu al intum bi wodi fi bidaya ta kulu shahar; tegdima ta dura sawa. Keli kun idafa le tegdimat al gi haragu bi istimrar, sawa ma tegdima ta dura wa tegdima deel, keli intum amulu kalam al kan alinu ashan bi tala riha hilu, tegdima al gi haragu le yahwah. ⁷ Keli intum amulu ijtima al mukadas ashan bi azimu yahwah fi yom al aashir min al shahar al sabie. Keli intum itwad(nizilu nefsa takun) wa ma keli intum ishtakal. ⁸ Keli intum wodi tegdima al gi haragu ashan bi tala riha al giyata le yahwah. Keli intum wodi bagar wahid al sukeir, kabish wahid wa sabaa khurfan al rujal aumur sena wahid. Ma keli humon kun indu ieb. ⁹ Keli intum gedim sawa ma hajat deel tegdima ta dura, degig al naem, al ajeenu maa ziet, talata-ashara fi miya ta ephah le bagara itniin-ashara fi miya le wahid kebish. ¹⁰ Wa shara fi miya ta ephah le ayi wahid min saba khurfan deel. ¹¹ Keli intum gedimu tees wahid ashan tegdima ta katiya waa de bi kun idafa le tegdima ta katiya le khurfan, tegdima al gi haragu bi istimrar, sawa ma tegdima ta dura wa tegdima ta shirab tuo. ¹² Fi yom al khamistashar min al sharah al sabie keli intum amulu ijtima al mukadas ashan bi azimu yahwah. Keli intum ma ishtakal shukulat takum ta kulu yom fi yom dak. Wa keli intum amulu ihtifal le huwo le muda saba yom. ¹³ Keli intum gedimu zebiha al gi haragu tegdima al haragu maa nar ashan bi tala riha al hilu le yahwah keli intum gedim talatashar abugar al sukaer itniin kebish, wa arbatashar khurfan al rujal aumur sena wahid. Ayi wahid ma indu ieb. ¹⁴ Keli gedimu sawa ma tegdima ta dura, degig al naem al ajeenu ma ziet talata-ashara fi miya ta ephah le ayi bagara min talatashar bagarat deel itniin-ashara fi miya ayi kebish min itniin deel. ¹⁵ Wa ashara fi miya ta ephaha le ayi wahid min arbatashar khurfan de. ¹⁶ Keli intum wodi wahid tees ashan tegdima ta katiya ziyada le tegdima al si haragu bi istimrar de tegdima ta dura sawa ma tegdima ta shirab. ¹⁷ Fi yom al tani min al ijtima keli intum gedimu itnashar abugar al sukar, itniin kebish wa arbatashar khurfan al rujal aumor sena wahid kulu wahid ma indu ieb. ¹⁸ Keli gedimu ma tegdima ta dura wa tegdima ta dura wa tegdima ta shirab le bagarat deel le kebish at deel, wa le khurfan deel amulu takum tegdimat ketir zi kan kelimu. ¹⁹ keli intum wodi tees wahid zi zibihah ta katiya idafa le tegdima al gi haragu bi istimrar, sawa ma tegdima ta dura wa tegdima ta shirab tuo. ²⁰ Fi yom al talid(3) min al ijtimaa, keli intumgedim hidashar bagarat, itniin kebish, wa arbatashar khurfan al rujal aumor sena wahid, kulu wahid ma indu ieb. ²¹ Keli gedimu sawa ma tegdima to dura wa tegdima ta shirab le bagarat, le kebishat wa le khurfan, keli intum amulu tegdima ketir zi al kan kelimu. ²² Keli intum wodi tees wahid ashan tegdima ta katiya idafatany le tegdima al gi haragu bi istimrar, sawa ma tegdima ta dura tuo, wa tegdima ta shirab tuo. ²³ Fi yom al Rabie min al ijtimaa, keli intum gedimu ashara bagarat, itniin kebish, wa arbatashar khurfan al rujal aumor sena wahid, ayi wahid ma indu ieb. ²⁴ Keli intum amulu haman ma tegdima ta dura sawa wa tegdima ta shirab le bagarat deel. Le kebishat, wa khurfan, keli amulu tegdima de ketir zi al kan kelimu. ²⁵ Keli intum gedimu tees wahid ashan zebiha ta katiya idafatan le tegdima al si haragu bi istimrar sawa ma tegdima ta dura tuo, wa tegdima ta shirab sawa. ²⁶ Fi yom al khamis min ijtima, keli intum wodi tisa bagarat, itniin kebish, wa arbatashar khurfan aumaur sena wahid, al ma indu ieb. ²⁷ Keli intum amulu sawa ma tegdima ta dura wa tegdima ta shirab ke bagarat de, le kebish de wa khurfan de amulu takun tegdimat aktar zi al kan kelimu. ²⁸ Keli intum gedim teed wahid zi tegdima ta katiya idafatan le tegdimat al gi haragu bi istimrar. Sawa ma tegdima ta dura tuo, wa tegdima ta shirab sawa. ²⁹ Fi yom al sadis min ijtima, keli intum wodi tamaniya bagarat, itniin kebish wa arbatashar khurfan aumor sena wahid, ayi wahid ma indu ieb. ³⁰ Keli intum amulu sawa ma tegdima ta dura wa tegdima ta shirab le baragarat deel, lekebishat, wa le khurfan, keli amulu tegdimat de aktar zi al kan kelimu de. ³¹ Keli intum gedimu teeds wahid ashan zibiha ta katiya idafatan le tegdima al gi haragu bi istimrar, sawa ma tegdima ta dura ma tegdima ta shirab sawa. ³² Fi yom al sabie min al ijtima, keli intum gedimu saba bagarat, itniin kebish wa arbatashar khurfan aumor sena wahdi, ayi wahid ma indu ieb. ³³ Keli intum amulu sawa ma tegdima dura wa tegdima ta shirab le bagarat le kebishat, wa le khurfan, keli amulu tegdima de aktar zi al kan kelimu de. ³⁴ Keli intum gedimu tess wahid zi zebiha ta katiya idafatan le tedimat al gi haragu bi istimrar, sawa ma tegdima ta dura, wa tegdima ta shirab tuo. ³⁵ Fi yom al tamin, keli intum amulu ijtimaa tani rismiyan. Keli intum ma ishtakal shukulat takum al diaman fi yom dak. ³⁶ Kel intum gedimu zebiha al gi haragu, zebiha la gi haragu bi nar ashan bi tala riha al hilu le Yahwah, keli intum wodi bagara wahid. Kebish wahid wa saba khurfan aumor sena wahid, ayi wahid ma indu ieb. ³⁷ Keli gedimu sawa ma tegdima ta dura, tegdima ta shirab le bagarat le kebish wa le khurfan, keli amulu tegdimat ketir ze al kan kelimude. ³⁸ Keli intum wodi tees wahid ashan tegdimat al gi haragu daiman, sawa ma tegdima ta dura, wa tegdima ta shirab toumon. ³⁹ De yau hajat al intum bi gedimu le yahwah fi ihtifalat takum al muhadad humon bi kun idafa le waad takum wa tegdimat al min irada takum. Keli intum gedimu hajat deel ze zebiha al gi haragu, zebiha ta dura, zebiha ta shirab, wa zebiha ta ibada. ⁴⁰ Musa kelim le shaab ta Israel ayi haja al kan yakwah amiru huwo ashan bi wori le shaab.