¹ Yahwah wonusu le musa wa kelim, ² Amiru shaab ta Israel wa kelim le homon, fi awkat muhadad keli intum gidimu le ana zebiha, akil ta tigdima tai de keli hargu ma nar ashan bi tala riha hilu le ana? ³ Kaman keli inta kelim le homon, tegdima al intum bi haragu bi nar de, keli gedimu le Yahwah khurfan al rujal aumur ta sina al ma indu reb(Awugu) Itniin fi yom wahid, bi gedim tegdima al haragu de bi Istimrar. ⁴ Khurof wahid bi gedimu sabah wa khuruf al tani de bi gedimu fi missaa, ⁵ Keli intum gedimu ashara min miya ta ephah min degig al name zi tegdima ta dura, keli ageenu ma rubu-wahid ta hint a ziet al safau. ⁶ De yau tegdima al haragu al bi gedimu bi istemrar al kan kelemu fi jebel Sinai ashan bi tala riha hilu tegdima al haragu gi wodi le yahwah. ⁷ Tegdima al gi asurubu keli kun rubu min hin le wahid min al khurfan. Keli intu kubu tegdima ta asurubu de fi al makan al mukadas ashan shirab al gowi le Yahwah. ⁸ Keli intum gedim bagi khuruf de fi misa maa tegdima ta dura tani zi al kan gedimu sabah dak. Keli intum Kaman gedimu ta shirab tani maa huwo tegdima al haragu maa nar ashan bi jibu riha al hilu le Yahwah. ⁹ Wa fi yom al sabie keli intum gedimu itniin khurufan al rujal al indu sina wahid wa ma indu dabarah, wa itniin ashara fil miya min ephah ta degig al name zi tegdima ta dura, ajeenu maa ziet wa tegdima ta shirab sawa maa huwo. ¹⁰ Keli de yahu kun tegdima ta kuku yom sebit, zeyada le tegdima al gi haragu bi istimrar wa tegdima ta shirab sawa. ¹¹ Fi bidaya ta kuku shahar, keli intum wodi tegdima gi haragu le yahwah keli into wodi itnii bagara al sughar wahid ghanamaya wa sabaa khurfan al rujal aumur sena wahid al ma indu dabarah. ¹² Kaman keli intum gedimu talata-ashara fi miya min epha ta degig al name zi tegdima ta dura bi ajeenu ma ziet le kulu bagara wa itniin ashara fi miya min digig al name tegdima ta dura ajjenu maa ziet le ghanamaya wahid. ¹³ Keli intum Kaman gedimu ashara min miya ephah min degig al name ajeenu maa ziet zi tegdima ta dura le kulu khurf. De yau bi kun tegdima al gi nar le yahwah. ¹⁴ Nas al si ashirab tegdima al haragu bi wodi nus ta hin le ghanamoyo wa rubuo-wahid ta hin le khuruf. De keli kun tegdima al haragu fi kulu sharah min shurur ta sina. ¹⁵ Keli gedimu ghanamoyo al ragil wahid le yahwah ashan tegdima ta katiya. De bi kun ziyada le tegdima al gi haragu al gi gedimu bi istimrar maa tegdima shirab sawa. ¹⁶ Fi khilal shahar wahid, fi yom al arbatashar(14) fii shahar bi kun ied ta aubur ta yahwah. ¹⁷ Keli amulu ihtifal fi yom al khamistashar fi shahan de keli akulu ish al ma fugu khamira. ¹⁸ Fi yom al awel, keli kun fi ijtemaa al mukadus le ibada ta yahwah. Nas keli ma ishtakal fi yom dak. ¹⁹ Lakin keli intum gedimu zebiha al haragu bi nar le yahwah. Keli intum gedimu itniin bagarat al sughar, wahid ghanamoyo, wa sabaa khurufan la rujal aumur sena wahid, al ma indu ieb. ²⁰ Keli intum gedim tegdima ta dura ta talata-ashara fii miya min ephah ta degig al name ajeenu maa ziet, keli gedimu maa bagara de sawa ma ganamaya, ta itniin0ashara fi miya. ²¹ Maa ayi wahid min saba khurfan deel, keli intum wodi ashara fi miya min ephah ta degig al ajeenu maa zeit ²² sawa ma ganamaya al rajil ashan bi kasulu nefsa takun. ²³ Keli wahid intum gedim hajat deel ziyada le tegdima al intum gi gedimu bi istimrar al deeru kulu yom sabah. ²⁴ Keli intum gedimu zabaeh deel kulu yom, zi wosifu hini, le madat saba yom ta aubur, akil ta tegdima de keli haragu bi nar ashan riha al hilu bi gi haragu bi istimrar de ma tegdima idafatan ta shirab sawa, ²⁵ Wa fi yom al sabie keli intum limu fi ijtima al mukadas ashan bi azimu yahwah. Wa keli intum ma ishtakal shukulat takum fi yom dak. ²⁶ Wa Kaman fi yom ta ied bakura ta simar keli intum amulu ijtima al mukadas le yahwah fi zaman al intum gi gedim tegdima ta dura al jedid le yahwah fi ihtifalat takum ta usbuo, wa keli intum ma ishtakal shukulat takum fi yom dak. ²⁷ Keli intum wodi zebiha al haragu ashan bi tala riha al hilu le yahwah. Keli intum gedimu bagara al sukeir wahid ghanamoyo wa saba khurfaan rujal al itniin aumur sena. ²⁸ Kaman keli intum wodi tegdima ta dura sawa ma hajat deel. Degig name al ajeenu maa ziet, talata-ashara fi miya ta ephah min degig al name al ajeenu ma ziet le bagara wahid wa itniin ashara fi miya le wahid ghanamayo. ²⁹ Wodi asharah fil miya min ephaha ta degig al ajeenu maa ziet le saba khurfan, ³⁰ Wa wahid teas ashan bi tehiru nufus takum. ³¹ Zaman intum gi wodi hiywanat deel al ma indu ieb ma tegdimat ta shirab tuo sawa. De keli gedimu adafa le tegdima al gi haragu bi istimrar de wa tegdima t dura sawa