¹ Yala le Musa jaa banat ta zelophehad weled ta Heper weled ta Gilead weled ta maker weled ta Manasses homn jaa le musa, min Ghabael ta Manassses jena ta yousif. Wa de asma ta banat tou; mahlah, Noah, Hoglah, Milkah wa Tirzah. ² Humon jaa wogif ta musa, eleazar al kahien wa al ghada, wa gidam to nas ta mujtamaa kulu min bidaya ta bab lahadi khima ta ijtma-wa homn kelim. ³ Abu ta nina mutu fi sahra- huwo kan mafi fii mejles ta korah-huwo mutu bi shabab ta katiya tuo, wa huwo ma indu awolad. ⁴ Malu Isim ta abu ta nina shilu bara min nus ta adda ta ghebila tuo ashan huwo ma indu awolad? Wodi le nina mumtalakat min bien ahal ta abu ta nina. ⁵ Biga musa jebu gediya de gedam ta Yahwah. ⁶ Yahwah kelim le musa wa gal. ⁷ Banat ta zelphehad kan gi wonusu kalam al sah. Keli intum wodi le humon mumtalakat zi worisa min biena Ahal ta abu tomon, wa keli intum akide inu worisa ta abu tomon wosulu le humon. ⁸ Keli inta kelim le shaab ta Israel wa kelim gal kan rajil mutu wa ma indu awolad, keli intum wodi worisa de le binaia tuo. ⁹ Kan huwo ma endu biniya, biga intum bi wodi worisa de le akuwana tuo. ¹⁰ Kan huwo ma indu akwana keli into wodi le akuwana ta abu tuo. ¹¹ Kan huwo abu tuo ma indu akwana, biga keli intum wodi worisa de le agrab ahal tuo al fi gebila wa keli huwo shilu le nefsa tuo. De bi kun gaon al wodi bi karar le shaab ta Israel, zi ma yahwah kelim le ana. ¹² Yahwah kelim le musa arkab fok fi jebel ta Abarim wa inu al ardi al ana wodi le shaab ta Israel. ¹³ Bad kan inta jenu, keli inta Kaman limu maa shaab taki, zi Haron aku taki. ¹⁴ De bi hasil ashan intum al itniin itmarad deed awamir al kan fi sahra fi sahra t zin fi zaman ta suraa fi mujaama tan as. Ashan keda, zaman moyo kubu min jebel, ma zalan taki inta abaa abidu ana zi al kudus gidam ta ina ta mujtam kulu. De miyah ta meribah kadesh fi sahra ta zin. ¹⁵ Biga musa kelim le Yahwah gal, ¹⁶ Keli inta Yahwah, Allah ta arwah tan as kulu, inta bi azilu zol min mujtama de, ¹⁷ Zol al bi agdeer ruwa wa bi jaa gidam tomon wa bi shilu homon bara wa rejaa homon, ashan mujtama keli ma kun zi khurfan al ma indu sidutoo”. ¹⁸ . Yahwah kelim le musa, “Shilu Yeshu jena ta Nun, zol al rohu tai gi geni fi huwo, wa kutu ida taki fi huwo. ¹⁹ Wodi fi gidaam ta Eleazar al kahien wa gidam mujtama kulu, wa wodi le huwo musuuliya gidam ta ina tomon ashan huwo bi kun ghaed le homon. ²⁰ Keli inta wodi baad min sultat taki le huwo, ashan mujtama ta shaab ta Israel bi asuma huwo. ²¹ Keli huwo jaa gidam ta Eleazar al kahien asahan bi fetisu irada tai le huwo ashan bi wodi le howo Urim. Bi kun tehet musauliya tuo ashan shaab bi ruwa wa jaa, kan howo wele shaab ta Israel kulu sawa ma howo, mujtata kulu.” ²² Biga musa amulu ze Yahwah kan kelim le huwwo. Huwo shilu yeshu wa wodi gidam Eleazar al kahien wa gidam mujtama kulu. ²³ Musa kutu ida ti ras tuo wa amiru huwo ashan bi ghud shaab. Zi Yahwah kan amiru huwo ashan bi amulu.