¹ Yahweh kelim le Musa, huwo gal, ² Wonusu le nas ta Israel wa tala asayat minum, wahid min kulu gebila, itnashar asayat. Agtib isim aiya rajil fi isayatu ³ Inta basim bi yektib isim Haroon fi asaya ta lawiin. Be yekun lasim wahid asaya min kulu kiayadad le hasab gebila towo. ⁴ Inta bi kutu lazim asayat del fi gidam kema ta ijtima fi gidam ta tabut al ahad. Al ana gi limu ma ita. ⁵ Bi ya sal kida asaya ta rajil al ana igtar bi endu alama. Ana bi kutu tazamur ta nas ta Israel bi wogif, al umon gi kelim did ita. ⁶ Yala Musa kelim le nas ta Israel. Kulu kiadad ta gabail wodi le huwo asayat. Wahid asaya min aiya kaid, hazilu le hasap gebila wa judud, kulu itnasar asayat. Asaya ta Haroon fi wasad tomon. ⁷ Yala Musa woridu al asayat del gidam Yahweh fi kema ta ijtima gidam tabut al ahad. ⁸ Fi yom al tani Musa ruah fi Kema ta tabad al a had wa shuf, asaya ta Haroon min gebila ta lawiin indu alama. Aszya raba wa indu zuhur indu samar. ⁹ Musa jibu bara kulu asayat min gidam ta Yahweh le nas ta Israel, wa aiya rajil shilu asyatu ¹⁰ Yahweh kelim le Musa, “kutu asaya ta Haroon gidam ta tabud ahad. Kutu huwo ze alama ta katiya did al nas al itmarat ashan bi wogifu tazamur did ana,” ¹¹ Musa amulu ze al Yahweh amiru. ¹² Al nas ta Israel wonusu le Musa wa gal “ena biu mut hini. Ena bi woduru! ¹³ Aiya wahid alja fok al wosulu fi member, bi yemut. Ena keli woduru kulu”?