¹ Hasa Korah ibn Izhar ibn Kohath ibn levi ma Dathan wa Abiram ibn Eliab, fi ibn Peleth, Judud ta Robin, limu Juzu min rujal. ² Humon gum did Musa, sawa ma rujal tamin min nas ta Israel, 250 kiadad ta mujtama al humon rujal al mukaiau min nusal mutama. ³ Humon limu nufusum sawa ashan wajihu Musa wa Haroan. Hum kelim le humon. “itu Masha beid! Kulu mujtama jahizu, kulu wahid minum, wa Yahweh fi wasatum. Le itu arfa nufuskum fok kulu mujtama ta Yahweh? ⁴ Wokit Musa asuma kida, huwo dengiry wasa tehed. ⁵ Huwo kelim le Korah wa kulu del al gedimu. “fi sabaah Yahweh bi wori manu yau kasisu fakat le huwo. Huwo bi jibu zol dak gerib ma hu, al huwo igtar bi jibu gerib le huwo. ⁶ Amulu de korah wa kulu al mojmu. Shilu Kanun bahur. ⁷ Bukura wa kutu nar wa bahur al rajil dak bi kasisu le Yahweh bi iktar, al rajil dak bi kasisu le Yahweh. Itu masha baid ya Judud ta Levi. ⁸ Tani, Musa gal le Korah, “hasa asuma, itu gil ta Levi. ⁹ Hal de haja ta Israel, ashan jibu itakum gerib le Huwo, ashan amulu shokol fi mazba ta Yahweh, wa ashan wogif gidam mujtana wa akdim lom. ¹⁰ Huwo Job kun gerib, wa kulu shikil ta gil ta levi lisa ma akum itu gi fetish shokol Gesis Kaman! ¹¹ Ashan kida itakum wa kulu al gedimu limu sawa did Yahweh. Haroan huwo munu al itakum gi itzamur did du?” ¹² Yala Musa nadi le Dathan wa Abiram, ibn Eliab, lakin humon kelim, “ena ma bi ja”. ¹³ Hal huwo haja suker al ita jibu ena bara min ardi al malian ma asel ma leben, ashan katulu ena fi saharah? Hasa ita deiru amulu nefsak hakim lena! ¹⁴ Ziada, ita ma jibu ena fi ardi Malian lehen ma asel, wala wodi leana mahal zara wa gena in ze warisa. Hasa ita deiru dagisu ena ma waad ala fadi? Ena mabi ja le ita.” ¹⁵ Musa kan tala zalan shedid wa kelim le Yahweh “mata igtaramu zabiha tomon. Ana ma shilu wahid Hamir min umon, wa ana ma awuyu wahid min humon.” ¹⁶ Yala Musa kelim le Korah “ bukura ita wa kulu del al gidum ita bi ruah gidam ta Yaheweh- ita wa hum wa Haroan. ¹⁷ Aiya wahid minakum lozim bi silu kanun bahur wa kutu Bakur fogo. Yala aiya rajil bijibu gidam ta Yahweh kanun towo, 250 kanun. Ita wa haroan Kaman lazim aiya wahid ye jibu kanun bakur. ¹⁸ Yala aiya rajil shilu kanun bakur, kutu nar fogo, kutu Bakur fogo, wa wogif gidam kema ta ijtima ma Musa wa Haroan ¹⁹ Korah limu kulu mujtama did Musa wa Haroan fi gidam kema ta ijtima, wa mejid ta Yahweh zahir fi kulu mujtama. ²⁰ Yala Yahweh kelim le Musa ma Haroon. ²¹ Gesimu nufuskum min bein mujtama de ashan, ²² Wa humo kan dengiry wasa tehed wa kelim, “Allah, Allah ta kulu roho al insania, iza wahid rajil agta, ita bi kun zalan ma kulu mujtama? ²³ Yahweh JUwabu le Musa wa gal, ²⁴ Kelim le mujtama, gal tala bara min kema Korah, Dathan, wa Abiram.” ²⁵ Yala Musa gum fok wa ruah le Dathan wa Abiram, al shiuk ta Israel taabi huwo. ²⁶ Huwo kelim le mujtama wa gal, “hasa siba kema ta ijtima tarujal al asrar del wa mata lemesu aiya haja tomon al ita bi demiru ma kulu katiya tomon. ²⁷ Kida al mujtana fi aiya tijah ta Korah, Dathan wa Abiram ja bara wa wogif fi gidam kema tomon, ma nusuwan tomon, aulad, wa iyal tomon al sukar. ²⁸ Yala Musa kelim “be de itakum bi arif gal Yehweh rasul ana ashan amulu shukul de kulu. Ana ma amulu de min ana. ²⁹ Iza rujal mutu mutu altebi de daiman gi hassil, manau Yahweh ma rasulu ana. ³⁰ Lakin iza Yahweh kalagu haja jedid, wa al ardi fata kasmah wa abula humon, be aiya haja al humon endu, wa humon ruah tehed hai fi turaab, yala itakum bi fahim gal rujal zelu Yahweh”. ³¹ Ze ma Musa kalasu kelim kalam del al ardi fatah kashma tehed rujal del. ³² Al ardi fatah kasmu wa abullau humon wa usar tomon, wa kulu nas al taabi le korah, wa Kaman mumtalakat tomon. ³³ Ashan humon wa kulu mumtalkat tomon ruah tehed hai fi wada tehed turab abulau wa turab rija gofulu fogo humon wa humon woduru min mujtama. ³⁴ Kulu Israeliin hawlu jere min kore tomon. Kelimu. “al ardi bi abulla ena Kaman! ³⁵ Yala nar wala min Yahweh wa akulu 250 rujal al gedim bakur ³⁶ Taani Yahweh kelim le Musa huwo gal, ³⁷ Kelim le Eleazar ibn Haroon al Gesis wa keli huwo shilu kawaniin ta bakur bara min dukan, alkawaniin del kasisu le ana. Keli humon shetitu fahanat beid. ³⁸ Shilu kawaniin ta bahur ta del al fagidu haya tomon ashan katiya tomon. Keli dugu humon siniyat ashan kati ma mazba. Al rujal del gedimu gedam tai, yala humon kasisu leana. Humon bi yekun Alana ta wujut tai fi wasat nas ta Israel”. ³⁹ Eleazer al Gesis shilu al harayu del, wa humon dugu le kati mazbah. ⁴⁰ Ashan bi zekiru ma nas ta Israel, ashan mafi zol almin bara alma min gil ta Haroon bija wa Huragu bakur gidam ta Yahweh, ashan humon ma bikun ze abna ta korah ma mojmu towo-ze Musa amiru be wasat Musa. ⁴¹ Lakin baal sabaa al tani kulu al mujtama ta nas ta Israel itzama did Musa wa Haroon. Humon gal, “itu katulu nas ta Yahweh.” Yala hasal, wokit mujtama limu did Musa wa Haroon, ⁴² Yala humon kan gi einu fi kema ta ijtima, wa shuf sihab gi kati. Mejid ta Yahweh zahir, ⁴³ Wa Musa wa Haroon ja fi gidam kema ta ijtima. ⁴⁴ Yala Yahweh kelim le Musa. Hu gal, ⁴⁵ Amshi bara min almujtama ashan ana bi demirum kulu hasa de.” Yala Musa wa Haroon dengiry wash tomon tehed fi wata. ⁴⁶ Musa kelim le Haroon, “shilu kanun kutu nar min mazba, kutu bakur fogo, shilu guwom le mujtama, wa amulu tedhir lom, ashan zalan jai min Yahweh, al wabaa bada. ⁴⁷ Yala Haroon amulu ze Musa amiru. Huwo jere fi wasat ta mujtama. Al wabaa bad inteshir be sura fi wasat al nas, yala huwo kutu bakur wa bada amulu tether fi nas. ⁴⁸ Haroon wogif bein nas al meitin wa al haiyin. Fi teriga de al waba wogif. ⁴⁹ Del al maatu min al wabaa kan 14,700 fi adad, bara min del al mutu ma kalam ta Korah. ⁵⁰ Haroon rija le Musa fi baab ta kema ijtima, wa al wabaa wogif.