¹ Yahweh kelim le Haroon, “itu, awlad tukum, wa abuat ta Judud takum bi kun masul fi kulu katiya al amulu did al mazba. Lakin be situ wa awlad takum bi kun mosul fi kulu katiya amulu ma aiya wahid fi sokol Gesis ² Le juzu min ada ta gebila lawiin, gebila ta judud takum, itu bi jibu humon maa kum ashan limu wa saidu wokit ita ma awlad taki gi yakdim fi gidam ta kema ta tabut al ahad. ³ Humon bi yamil shokol taki wa shokol ta kulu kema. Asan kida, humon ma keli ja jerib le aiya haja fi mahal al mukadas wala lima ma mazba, au humon wa Kaman inta bi mut. ⁴ Humon bi limu maak wa amulu wajib al limu ma kema ta ijtima, fa kulu shokol munasik ma kema. Al ajnebi ma yeji jambo kulu kulu. ⁵ Itu lazim bi amulu wajibat ta mahal al mukadas wa ta mazba ashan zalan tai ma bi ja fi nas ta Israel tani. ⁶ Shuf, ana be nefsi yau hazilu ada min lawiin min wasat gil ta Israel. Humon hadiya lekum, wodi le ana ashan bi amil shokol munasik ma kema ta ijtema. ⁷ Lakin bes ita ma awlat taki bi marisu shokol Gesis be kaseten aiya haja munasik ma mazba wa aiya haja fi juwa sitara. Ita be nefsak lazim yau bi kemilu musuliat del. Ana gi wodi le ita al shokol Gesis ze hadia aiya ajnebi al wosulu lazim keli katulu.” ⁸ Yala Yahweh kelim le Haroon, “shuf, ana wodi le ita wajib ta amsuku tabaruwat al wodi le ana, wa kulu hadayat al mukadas al nas ta Israel wodi le ana. Ana wodi hataya de le inta ze akil algedimu wa le awlad taki ze akil al kalifu ita fi kulu zaman. ⁹ De bi tabi le ita min hajat al kudus kalis al hafizu min nar. Min kulu hataya tomon-aiya dura al gedimu aiya tekdima ta katiya, wa tekdima ta zambi kulu kasisu le ita ma awlad taki ¹⁰ Kulu tekdimat del kudus kalis; wa kulu zakar bi akulu humon kudus le inta. ¹¹ De tabaruwat al taabi le itakum, kasisu min hataya ta tekdima min nas ta Israel. Ana wodi le itakum, awlad takum, wa banat takum ze akil takum lel adad. Aiya zol al nedif fi usra takum bi akulu hataya de. ¹² Kulu ashen zeet, kulu ahen shirab wa dura, al fawake al awel al nas bi wodi le ana kulu hajat del ana wodi le itakum ¹³ Al wel montujat ta zira ta kulu al fi ardi tomon, al humon bi wodi le ana, bikun takum le itakum. Aiya wahid al nedif fi usra takum bi akulu hajat del. ¹⁴ Aiya haja algedimu fi Israel bikun takum. ¹⁵ Aiya modu al awel ta botun, kulu awel bikir al nas bi gedimu le Yahweh, kan insan wala haiwan, be kun takum. Mahama kan, al nas lazim bi kalisu aiya awel bikir weled, wa humon lazim bi kalisu awel bikir ta zakar min haiwanat al nejis ¹⁶ Del albi kalisu ma nas baad wosulu wahid shahar. Yala nas bi kalisu humon be ser ta kamsa shekel ta fida, ma wozin ta mazba shekel al isawi Isirin gerahs. ¹⁷ Lakin al awel bikir ta bagara, au al awel bikir ta koruf, aw awel bikir ta ganamaya- Itakum lazim mabi kalisu haiwanat del; kasisu humon le ana. Itu lazim bi shetitu dom tomon fi mazba wa haragu shaham tomon ze zebiha ma nar, riha al hilu le Yahweh. ¹⁸ Laham tomon bikun takum. Ze dus ma kura al yemiin al arfa ze tekdima, laham towo bikun takum ¹⁹ Kulu taburuwat al nas ta Israel gedim le Yahweh, ana wodi le intakum, wa le awad takum wa banat takum maakum, ze sharaka al mustemir. De amina ta mille lel abad, amina almorbud lel abad, gidam Yahweh le itakum ma agial takum.” ²⁰ Yahweh kelim le Haroon, “ita mabi indu warisa fi ardi ta nas, wala ita bi endu aiya sharaka ta mumtalak fi nus al nas. Ana yau sharaka taki wa warisa fi nus al nas ta Israel. ²¹ Le agial ta lawiin, shuf, ana wodi kulu al usur fi Israel ze warisa mugabil kidma al humon bi yegdim fi shokol fi kema ta ijtima. ²² Min hasa nas ta Israel lazim ma yeji gerib ma kema ta ijtima, au humon bikun mosul le katiya tomon wa mut. ²³ Al lawiin lazim bi amulu shokol mustarak le kema ta ijtima. Humon bi kun mosuliin le aiya kata anu. De bikun ganun al lel abad fi wasat kulu agial takum. Fi wasat nas ta Israel humon lazim ma bi indu warisa. ²⁴ Le usur ta nas ta Israel, al humon bi gedim ze tabaruwat le Yahweh- de yau al ana wodi le lawiin ze warisa tomon. De yau le ana kelim le humon. “humon mabi indu warisa fi wasat ta nas Israel.” ²⁵ Yahweh kelim le Musa gal ²⁶ “ita lazim bi kelim le lawiin, “wokit ita istakbil min nas ta Israel al asara fi miya al ana wodi le humon min humon de le warisa, minu itakum bi gedimu al tabaruwat minu le Yahweh al usara fi miya ta usur. ²⁷ Tabaruwat takum lazim bikun biktebiru maakum ze huwo usur ta Dura al waga fi wata au al intaj min tabaga. ²⁸ Ashan kida itakum Kaman lazim amulu tabaruwat le haroon al Gesis. ²⁹ Bara min kulu al hataya al itakum istakbilu, itu bi amulu tabaru le Yahweh. Itu bi amulu de min kulu al aksen min hajat al mukadas al ana wodi lekum. ³⁰ Ashan kida ita bi kelim le humon, wokit itu gedimu al aksen minu, yala lazim bi hasibu le lawiin ze montujat al waga fi wata min tabaga. ³¹ Itu bi takulu al bagi ze hadiya fi aiya makan, itu ma usar takum, ashan de yau defe mugabil shokol takum fi kema ta ijtima ³² Itu ma bi indu aiya katiya fi akulu wa shirab towo, iza kan itu gedim le Yahweh shunu al aksen al itakum istakbil, lakin itu lazim ma bi kutu suma al tekdima al mukadas ta nas ta Israel au itu bi mutu.”