¹ Zaman shab kulu gata nahar Ordon, Yahwa kelim le Joshua, ² "Azilu itnasar rijal le nefsak min bein shab de, wahid zol(rojul) min ai gebila. ³ Wodi le umon awamir de: ' shilu itnasar hujar min nus ta nahar Ordon mahal al gusus de wagif fi ard l nasif, wa jibu umon ma inta wa kutu(neimu) umon tehet fi mahal al intum bi ogot(geni) fogo fi lel.'" ⁴ Bad dak Joshua nadi itnasar rijal al umon azilu min gabail bita Israel, wahid min ai gebila. ⁵ Joshau kelimu le umon, "rua (amsu) takum gidam ta ganun ta Yahwa Allah takum fi nus bita nahar Ordon. ai wahid min intum kede arfau hajer fi kitfa bitou, be asab adad bita gabail bita abna(shab) ta Israel. ⁶ De bikun alama fi nus takum le intum zaman iyal takum asalu fi ayam(sisnin) al jai, ' Mana ta hujar del sunu le intum?' ⁷ Bad dak intum bi kelimu le umon, ' miya bita Ordon gatau gidam ganun ta ahad bita Yahwa. Zamna ganub de gata Ordon, miya bita gatau. bad kida hujar del bikun zikra le abad le shab bita Israel.'" ⁸ Shab bita Israel amulu ze Joshua amiru umon, wa umon arfau itnasar hujar min nus bita Ordon, ze Yahwa kelimu le Joshua. umon kutu hujar del be asab adad bita gabail bita shab Israel. umon shalu hujar delma umon, fi mahal al umon kutu keim wa umon kutu tehet hinak, ⁹ Bad dak Joshua kutu itnasar fi nus bita nahar Ordon, fi mahal al kura bita gusus al shalu(arfau)ganun ta ahad wagaf. Zikra de fi hinak lahadi alan(hasa) ¹⁰ Gusus al bi shilu ganun de wagaf fi nus bita nahar Ordon lahadi kulu hajat al Yahwa amiru Joshua ashan bi kelim shab de kalasu(amulu kulu), hasab kulu kalam al Musa amiru Joshua. Shab de alagu wa gata nahar Ordon. ¹¹ Zaman shab kulu gata nahar Ordon, ganun ta Yahwa wa gusus gata gidam shab ¹² Gebila bita Reuben, gebila bita Gad, wa nus gebila bita Manasseh gata(masha) gidam shab bita Israel kounu ze jes, bes ze Musa kelimu le umon. ¹³ Tegriban arbein alf rijal jahiz le harb umon gata gidam Yahwa, le harb fi suhul ta Yeriko. ¹⁴ Fi yom dak Yahwa kutu Joshua ashan bikun kebir fi uyun ta Israel. Umon ihterim huwo- bes ze umon ihterim Musa fi ayam(zaman) tou kulu ¹⁵ Bad dak Yahwa wonusu le Joshua, ¹⁶ "Amiru gusus al bi arfa ganun bita suhuda ashan bi tala bara min Ordon." ¹⁷ Bad kida Joshua amiru gusus, "talu bara min Ordon. ¹⁸ "Zaman gusus al bi arfa ganun ta ahad ta Yahwa tala bara min nus bita nahar Ordon, wa batna kura tomon lemesu ard al nasif(yabis). bad dak miya ta Ordon raja fi mahal tomon wa dafag (mala) fi atraf, bes ze gubal arba ayam. ¹⁹ Shab tala bara min nahar Ordon fi yom ashara ta shar wahid. umon geni fi Gilgal, sherik bita Yeriko. ²⁰ Hujar al ashara al shalu min Ordon de, Joshua kutu fi Gilgal. ²¹ Huwo kelimu le shab bita Israel, "zaman kan iyal bita iyal takum asalu abuhad tomon fi wokit al bi ja(fi sinin tanin), 'hujar del le sunu?' ²² Wori Le iyal takum, 'De yau mahal al Israel gata Ordon fi ard nasif(yabis).' ²³ Yahwa Allah takum nasifu miya bita Ordon le intum. lahadi intum gata, bes ze Yahwa Allah takum amulu le bahar al ahmar, al huwo nasifu(yabisu) le nina lahadi nina gata, ²⁴ ashan kulu nas bita al ard bi arufu inu iden bita Yahwa azim, wa inu intum bi ihterim Yahwa Allah takum lel abad."