¹ Joshua gam sabah bedri, wa umon wa umon tala bara min shittim. Umon ja fi Ordon(Jordan), huwo wa shab kulu bita Israel. wa umon kutu keima hinak gubal umon ma gata. ² Baad talata ayam, dubad de rua be wasat keim; ³ umon amiru shab, "Zaman kan inta ainu gonun ta ahad ta Yahuwa Allah taki, wa gusus min lawiyin bi arfau, intum lazim keli sibu mahal de wa amsu warau(tabau). ⁴ Lazim kede yekun masafa bein intum wa gonun ta ahad itnin alf cubits. Matakum ja gerib be(huwo) ganun ta ahad, ashan intum bi ainu yatu sika intum bi rua fogo, ze intum ma rua fogo gabul kida." ⁵ Joshua kelimu le shab," karisu nefsak bukra, Yahuwa bi amulu ajaib bein intum." ⁶ Bad dak Joshua kelimu le Gusus, Arfau ganun ta ahad de , wa rua fi gidam shab." Bad kida umon arfau ganun ta ahad de wa rua(masha) gidam shab. ⁷ Yahuwa kelimu le Joshua, " alela Ana bi kutu inta zol kebir(azim) fi ena ta Israeliyin kulu. Umon bi arufu inu ze ana kan ma Musa, Ana bikun ma inta. ⁸ Inta bi amiru gusus al bi arfa ganun ta ahad, 'Zaman kan intum ja fi taraf moya bita Ordon, Intum lazim keli wogif fi Nahar Ordon le fetra besit ⁹ Bad dak Joshua kelimu le shab bita Israel, 'talu hina, wa asuma le kalamat bita Yahwa Allah takum. ¹⁰ Be de intum bi arufu inu Allah al hai fi bein intum wa bi turudu Canaaniyun, Hittitiyun, hivitiyun, Perizzitiyun, Girgasiyun Amoritiyun, wa Jubusitiyun gidam intum, ¹¹ Ainu(suf) ganun ta ahad bita Rabuna bita kulu al ard gata gidam intum fi nahar Ordon. ¹² Hasa azilu itnasr rijal min gabail bita Israel, wahid min kulu gebila. ¹³ Zaman batna kura bita gusus al bi arfa ganun ta Yahwa, Rabuna bita ard, lemesu miya bita Ordon, miya bita Ordon bi gata, wa hata kan miya al bi defig min fok bi wogif wa umon bi wogif wahid kom." ¹⁴ Bad kida zaman al shab de rua ashan bi gata Ordon, Gusus al arfa ganun ta ahad rua gidam bita shab. ¹⁵ Ze del al bi arfa(shilu) ganun de ja gerib le Ordon, wa kura bita del al bi arfa senduk de dakal fi taraf ta moya (hasa nahar Ordon bi dofugu fi kulu atraf tou fi kulu wokit bita hasad), ¹⁶ Miya al bi defig min fok le tehet wagaf fi kom wahid. Moya de wogaf min masafa beid ma bi defig. Miya al bi defig min Adam wagaf Medina(asima) al gerib ma Zarethan, fi kulu sika tehet le Arabah, bahar bita mile. Shab(abna) de gata gerib ma Jericho. ¹⁷ Gusus al bi arfa ganun ta ahad bita Yahwa wagaf fi ard al yabis fi nus bita Ordon lahadi shab bita Israel kulu gata fi ard nasif