Bad dak Joshua weled bita Nun be siri rasulu itnin rijal min Shittim ze jasusin. Huwo gal, "rua, ainu ardi de, kasatan Jericho." Umon rua wa ja le bet bita mara zani isim tou Rahab, wa umon gadu(geni) hinak. Kabar(kalam) de wori le Melik bita Jericho, "Ainu, Rijal Israeliyin ja ashan amulu tajasus fi ard." Melik bita Jericho rasulu kalam le Rahab wa gal, "Talau rijal al ja le inta al dakalu fi bet taki, Fa umon ja ashan amulu tajasus fi ardi de kulu." ⁴ Lakin mara de shilu rijal al itnin de wa dusu umon. Hiya juwabu, "nam, rijal de ja le ana, lakin ana ma bi arufu umon min wen. ⁵ Umon rua fi zaman wata biga bi tala lel, Zaman(fi wokit) bi gofulu buaba bita asima(medina) Ana ma bi arufu umon rua wen. Intum amkin bi gobudu umon kan intum alagu umon." ⁶ Lakin hiya shilu umon wa dusu fok fi ras bet be nabatat al hiya kutu fi ras bet. ⁷ Bad kida rijal de jere wara umon fi sika al tija bita nahar Ordon al indu moyo guser. Buaba de gofulu zaman rijal del bi jere wara umon tala. ⁸ Rijal del fi lel lisa kan ma num, Zaman hiya ja le umon fi ras bet. ⁹ Hiya gal, "Ana arufu inu Yahuwa wodi le intum ard de wa inu kafu(kof) bitakum ja fi ras bita nina. Kulu del al gaidin fi ard de bi shetetu gidam intum. ¹⁰ Nina asuma Yahuwa nasifu moyo bita bahar al ahmar le intum kef zaman(fi wokit) intum ja min Masir. Nina asuma kaman haja al intum amulu le muluk al itnin bita Amorites fi tija bita Ordon-Sihon wa Og-al intum demiru bita kulu kulu. ¹¹ Ze nina asuma, gulub ta nina mala be kafu wa shuja biga mafi le ai zol-le Yahuwa Allah bitakum, huwo Allah al fi fok fi samah wa tehet al ard. ¹² Hasa bad dak, arjuk alifu be isim bita Yahuwa inu ze ana geni teib ma intum, intum kaman bikun teib ma bet bita abu tai. Wodi le ana ishara al hagiga ¹³ inu intum bi ankizu haya bita abu tai, uma tai, akwana tai, ikwat tai wa usra tomon kulu, wa inu umon bi ankizu nina min mutu." ¹⁴ Rijal de kelimu le hiya, "Haya bita nina tehet inta, hata le mutu! Kan inta ma wonusu an sokol bita nina, bad dak, zaman Yahuwa wodi le nina ard de nina bikun rahman wa amin le intum." ¹⁵ Bad kida hiya wodi umon kede nezil tehet be habil be wasat subak. Bet al hiya bi geni fogo de abinu be heta bita asima(medina). ¹⁶ hiya kelimu le umon, "Rua fi jibal wa dusu au rijal al bi jere wara intum bi ligo intum. Dusu takum hinak le fetra ta talata ayam lahadi nas al bi jere wara intum de rajau. Bad dak rua sika takum." ¹⁷ Rijal de kelimu le hiya, "Ma bi robutu nina be alifa al inta kutu nina ashan bi alifu, kan inta ma amulu. ¹⁸ Zaman(fi wokit) nina ja le ard de, inta lazim bi robutu habil ahmar fi subak fi tija al inta nezilu nina fogo, wa inta bi limu abu taki wa uma, akwana taki wa nas ta bet bita abu taki fi dakil bet. ¹⁹ Ai zol al tala(rua) bara min abuab bita bet taki le sika, dom tomon bikun fi ras bitomon wa nina ma bikun galtanin(beri). Lakin kan kutu iden fi ras ta ai zol al ma inta fi jua bet, dom tou bikun fi ras bita nina. ²⁰ Lakin kan inta wonusu an barnamij(kalam) bita nina, Nina bikun hur min halifa al inta der keli nina amulu." ²¹ Rahab juwab, kede(keli) kalam al intum kelimu hasil." Hiya rasulu(sibu) umon wa umon futu. Bad dak hiya robutu habil al ahmar(amer) fi subak. ²² Umon futu wa rua fi ras jubal wa umon geni hinak le fetra bita talata ayam lahadi rijal(nas) al kan bi jere wara umon raja. Nas(rijal) del fetisu umon fi sika wa ma ligo. ²³ Rijal al itnin del raja wa gatau nahar Ordon wa ja le Joshua weled ta Nun, Wa umon wori le huwo ai haja al hasal le umon. ²⁴ Umon kelimu le Joshua, "Hagiga Yahuwa kalas wodi le nina ard de. Sukan bita ard de kulu bi jere bara be sabab bita nina."