¹ Zaman muluk kulu bita Amorites fi tija gharbi bita Ordon, wa muluk kulu bita Canaaniyun. al gerib ma bahar al mutowosit, asuma inu Yahwa kutu miya bita Ordon kede yabis lahadi shab(abna) bita Israel gata(abaru) , umon kafu, Umon kan ma indu roho tani mara ashan shab bita Israel. ² Fi zaman dak Yahwa kelimu le Joshua, "Amulu sakakin min hajer wa tehiru abna(aulad) bita Israel kulu tanimara." ³ Bad dak Joshua amulu le nefsu sakakin wa teheru abna(aulad) bita Israel kulu fi Glibeat Haaraloth. ⁴ De yau sabab Joshua tahiru umon: Kulu zakar al ja min Masir, ma rijal kulu bita harb, matu fi share(sika) bita beriya, baad umon ja min Masir. ⁵ Sala kan kulu zakar al ja min Masir tahiru, lisa, ma tahiru ai weled al kan weledu fi beriya fi sika tomon min Masir. ⁶ Fa shab(abna) bita Israel douru arbein sena fi beriya lahadi shab kulu, Al yau, rijal kulu bita al harb al ja min Masir, matu, le anu umon ma ihterimu sot bita Yahwa. Yahwa alifu le umon inu huwo ma bi sibu umon ashan bi ainu ard al huwo halifu le judud tomon inu huwo bi wodi le nina, ard al bi defig leben wa asel. ⁷ Iyal tomon al Yahwa goumu(rabau) fi makan bitomon al Joshua tahiru, le anu fi sika ma tahiru umon. ⁸ Zaman tahiru umon kulu, Umon fadul fi mahal al umon kutu keim lahadi aliju umon(umon tala kwesin). ⁹ Bad dak Yahwa kelimu le Joshua, "Alela Ana lizu fadiha bita Masir bara min intum." Bad kida nadi Isim ta mahal dak Gilgal lahadi al an(alela). ¹⁰ Shab bita Israel kutu keim fi Gilgal. Umon hafisu iid al fitir fi yom arbatatasar bita shar, fi misa, fi suhul(murtefehat) bita Yeriko. ¹¹ Fi yom baad iid al fitir, nefsu yom, umon akulu baad min al intaj bita al ard, rakif al ma indu kemira wa dura al aglibu(al haragu). ¹² Manna wogaf fi yom baad umon akulu intaj bita ard de. Mafi manna tanimara le shab Israel, lakin umon akalu al intaj bita ard ta canaan sena dak. ¹³ Zaman Joshua biga gerib ma Yeriko, huwo safu fok wa ainu, wa hinak rojul wagif fi gidamu; huwo tala shef bitou wa kan fi iden tou. Joshua rua le huwo wa gal," Hal inta ma nina wele ma adu?" ¹⁴ Huwo gal, wele ai tija. Fa ana khaid bita jesh ta Yahwa. Hasa ana ja kalas." Bad dak Joshua num wosu tehet fi ard ashan bi abidu wa kelimu le huwo, Seid bitai kelimu sunu le khadam tou?" ¹⁵ khaid bita Yahwa kelimu le Joshua, " agila sibsib min kura taki, le-anu mahal al inta wagif fogo de kudus." de yau haja al Joshua amulu.