¹ De kan wajib ta arid ta gebila ta Manasseh (al huwo bikiria ta Yousif) de yau, le maker, al huwo yahu bikira ta Manasseh wa huwo be nefsa bito kan abu ta Gilead. Iyal ta iyal ta maker kan kalifu le arid ta gilead wa bashan, leanu maker kan rajil ta harib. ² Arid de kan kalifu le istiraha ta gebila ta Manasseh, wodi le usurat bitomon-Abiezer, Halek, Asriel, shechem, hafar, Shemida. Del kan yau iyal ta iyal ta Manasseh jena ta Yousif al rajil, gedimu be hasab usura bitomon. ³ Hasa salfahad jena ta hafir jena ta Galead jena ta maker jena Manasseh kan ma indu Awlad, lakin kulu banat. Asani ta Banat bito kan mahlah, Noah, Hajla, Milkah, wa tirasa. ⁴ Humon ja gidam ta Aleazar al Kahin, yashu jena ta nun, wa ruasa, wa humon kelim, “Yahwa wodi Awamir le Musa ashan bi wodi le nina worisa wasat Akuana bita nina.” Ashan kida tabi Awamir ta Yahwa, huwo wodi le nusuwan del worisa wasat akuawa Al min abu bitomon. ⁵ Ashar wajibat ta arid wokilu le Manasseh fi Galead wa bashan, Ali huwo fi tijah al tani ta Urdun, ⁶ Leanu Akawat ta Manasseh Akuda worisa wasat Akuana bitomon. Arid ta Galead kan wokilu le istiraha ta iyal ta iyal ta Manasseh. ⁷ Hudud ta Manasseh bada min asher le al makmatha, al mugabil sherik ta shechim- biga hudud de ruwa lahasi junub le del al bi geni gerib ma rebi it tafuha. ⁸ (Arid ta tafuha tabi le Manasseh, lakin medina ta tafuha ala hudud ta Manasseh tabi le shaab ta Afraim) ⁹ Hudud de ruwa le tehet le wadi kanah. Nudun del junub ta wadi wasat mudun ta Manasseh tabi le Afraim. Hudud ta Manasseh kan fi tijah ta shamal ta wodi, wa huwo bi kalasu fi bahar. ¹⁰ Arid al fi junub tabi le Afraim, wa arid al fi shamal wosulu le Asher, wa fi sherik, Yasakir. ¹¹ Kaman fi Yasaki wa fi Asher lemesu bet shem wo karigat bito, Yablaam wa Kariyat bito, sukan ta Dor wa karia bito, sukan ta Endor wa kariyat bito, Sukan ta Taanach wa karia bito, wa sukan ta Megiddo wa kariyat bito (wa medina al himira talata yau Napheth). ¹² Hasa gebila ta Manasseh ma shilu milikiya ta Mudun del, ashan Cananiin Istemir geni fi Arid de. ¹³ Asna shaab ta Israel raba gowi, humon kutu Canaaniin bi Amulu ijbari, lakin humon ma indu dafi be kemil ashan bi tala humon bara. ¹⁴ Biga iyal ta iyal ta Yousif kelim le Yashu, gali, “malu ita wodi le anina bes wahid wajib ta arid wa juza wahid le al worisa, ligo anina shaab azim fi Adad, wa yahwa bariku anina kulu? ¹⁵ Yashu kelim le humon, iza kan ita shaab azim fi adad, ruwa tala be nefsa taki le gaba wa hinak beinu wata le nefsa taki fi arid ta al Ferizziin wa ta al Rafaeiin. Amulu de, kan biga jebel ta bilad ta Afraim biga sukeyer le ita. ¹⁶ Iyal ta iyal ta Yousif kelim, “jebel ta bilad de ma kifaya le amina. Lakin kulu Canaaniin al bi geni fi wodi de indu Arabat ta hadid, kulu del al humon fi bet shan wa Kariyat bitomon, wa de al humon fi wodi ta Yazreel. ¹⁷ Biga Yashu kelim le bet ta Yousif le Afraim wa Manasseh, “inta shaab azim fi adad, wa inta indu guwa azim, inta ma bi kun indu bes wahid gita ta Arid kalifu le inta. ¹⁸ Jebel ta beled de bi kun taki Kaman. Wa lo inu huwo gaba, ita bi gata huwo wa shilu molkiya bito le hudud beyid. Int bi tala Canaaniin de bara, hata lo humon indu Arabat ta Hadid, wa hata kan humon gowi.”