¹ Wajib ta arid le gebila ta Yousif bada min Urdun fi Jericho, sherik ta nahar ta Urdun, lahadi beria sahara) bi ruwa fok min urdun be teriga ta Jebel ta medina ta Bethel. ² Biga huwo ila luz wwa bi tala gidam le Ataroth, Arid ta al Arkitiin. ³ Biga huwo bi ruwa le tehet garib ta arid ta al Yaphletiin, lehadi arid al tehet ta bet Horon, wa biga lahadi fok le Gazer; huwo bi kalasu fi bahar. ⁴ De yau be teriga de gebila ta Yousif, Manasseh wa Afraim akudu worisa bitomon. ⁵ Arid ta gebila ta Afraim, usura be hasab usura; hudud ta worisa bitomon fi sherik tala min Ataroth Adder lahadi bet Horon al fok. ⁶ Wa min hinak huwo bi Istemir lahadi Bahar min mikmethath fi Shamal huwo fi sherik ta Yahwah. ⁷ Biga howo ruwa tehet min Yanoha le Ataroth wa Naarat, wa biga wosulu le Ariha, kalasu fi Urdun. ⁸ Min hudud Bahar. De Yau kan worisa ta gebila ta Afraim, usura be hasab usura. ⁹ Sawa ma medinat al kan iktaru le gebila ta Afraim be idafa le worisa ta gebila ta Manasseh-kulu medinat be idafa le karia bitomon. ¹⁰ Humon ma turudu Canaaniin al bi geni fi zazer, ashan kida Canaaniin geni fi wasat Afraim le hadi yom ta Alela, lakin shaab del kan kutu ashan bi Amulu amal ijbari.