¹ Wodi ardi le geliba ta shab ta yahuza kasuma bab be kasuma bab, ja be huwo lahadi fi junub fi hudud ta Edom be sahara ta zin al beit futu kulu le tijah junub. ² Hudud toumon fi junub rua lahadi bahar ta mile, min khalij al agilibu tija junub. ³ Hudud toumon ruwa lahadi le junub ta tai bita akrabbim wa futu min zin wa ruwa fog fi sham le kadeh barnea min hezron wa fog le adder mahal al agilubu fogo le karka. ⁴ Huwo futu min azmon ruwa be huwo le tahtamil tam sir wa ja fi nihaya bitou fi bahr. De yau kan hudud toumon fi junub. ⁵ Hudud al fi tijah kan bahr ta mile, bes fi bidaya ta Jordan. Fi hoddd fi semal min jena ta barah min kasuma ta Jordan. ⁶ Ruwa lahadi beth arabah. Yala ruwa fog fi mahsan ta Bohan weled ta Reuben. ⁷ Wa hudud de kan ruwa lahadi fi debir min wadi ta achor, wa bardo tijah shamal rajah fogo le Gilgal al fi axi tat al bita adummim al tijah junub ta alwadi wa hudud de kan ruwa be huwo fi alyanabie ta en shemesh wa ruwa le en rogel. ⁸ Hudud de ruwa fog le al wadi tab en hinnom le tijah junub bita medina ta jebusiin (alhuwo ya Jerusalem) Kama ruwa lahadi fi tal al fog wadi ta hinnom, fi garib al fi shamal ta niya ta wadi ta Rephaim. ⁹ Hudud de ruwa min ras tilal le yanabie ta nephtoah wa ruwa bara min ini le medina ta jebel ephron. Hudud de bardo meilu wa rija tija garib ta baalah (al bardo ginadi gali kiriath jeanrim). ¹⁰ Hudud de Kaman lifu deira fi howi garib ta baalah le jebel seir, wa futu le tijah ta jebel jearim fi shamal (Huwo nebsu yau kesalon) nenjil be huwo tehet le beth shemesh, wa gata lahadi timnah. ¹¹ Hudud de ruwa bara jambu tal al fi shamal ta ekron, wa meilu ruwa le shikeron wa futu le jebel baalah min hinak, huwo ruwa le Jabneel. Hudud de akir fi bahar. ¹² Hudu al fi tija garib kan bahar al kebir wa hudud bitou. De yau kan hudud fi hauli gebila ta Yahuza, kasuma bab be kasuma bab. ¹³ Ashan Joshua bi hafisu woshia ta yahwah, Joshua wodi le Caleb weled ta Jephanneh ardi fi wasat ta gebila ta yahuza, kiriath arba al huwo hebron(Araba kan abu ta anak). ¹⁴ Caleb turuju bara talata iyal ta Anak min hinak sheshai, ahiman wa talmai, ajial ta anak. ¹⁵ Huwo ruwa min hinak did nas al bi geni fi debir(Debir kan daiman gi nadi kiriath sepher). ¹⁶ Caleb gal “Zol al ajimu kiriath sepher wa gobudu de ana bi wodi le huwo aksah binia tai zei mara”. ¹⁷ Othniel weled ta kenaz, aku ta caleb gobudu beled ta kiriath sephaer, caleb wodi le huwo Aksah binia tou ashan bikun mara. ¹⁸ Bad dak aksah ja le Othniel wa asalu huwo ashan be asalu abu tou kede wodi le huwo mahal zira. Wokit aksah nenjil min humar, caleb gal le hia, “Ita der sunu?”. ¹⁹ Aksah juwabu, “Amulu le ana moruf, zei ma inta wodi le ana ardi al fi nege V: bardo wodi le ana keiran tannin le moyo” caleb wodi le huwo kor al be fog wa de al be tehet. ²⁰ De kan worisa ta gebila ta Yahuza kasuma bab be kasuma bab. ²¹ Medina al tabi le gebila ta yahuwa fi juwa ta junub rua lahadi fi hudud ta Edom, kan kabzeel, elder jagur. ²² Kinah Dimonah, Adadah. ²³ Kadesh, Hazor, Ithnan, ²⁴ Ziph, Telem, Bealoth, ²⁵ Hazor Hadattah, Kerioth, Hezron(kan moruf be isim Hazor), ²⁶ Amam, Shema, Moladah, ²⁷ Hazor Gaddah, Heshmon, Beth Pelet, ²⁸ Hazar Shual, Beersheba, Biziothiah. ²⁹ Baalah, Lyim, Ezem, ³⁰ Eltolad, kesil, Hormah, ³¹ Ziklag, Madmannah, Sansannah, ³² Lebaoth, Shilhim, Ain, wa Rimmon. Del ka tisa wa Ishirin medina ka kulu dakalu fogo biald toumon. ³³ Fi garia al fi nenjil ta jebel al fi tijah garib kan fi Eshtaol, Zorah, Ashnan, ³⁴ Zanoah, En Gannim, Tappuah, Enam, ³⁵ Jarmuth, Adullam, Sokoh, Azekah, ³⁶ Shaaraim, Adithaim, wa Gederah(de yau Gederothaim). Del kan arbatasar medina wa bilad. ³⁷ Zenan, Hadashah, Migdalgad, ³⁸ Dilean, Mizpah, Joktheel, ³⁹ Lachis, Bozkath, Elgon, ⁴⁰ Kabbon, Lahmas, Kitlish, ⁴¹ Gederoth, Beth Dagon, Naamah, Makkedah. Del kan sitasar medina fi adad wa bilad toumon. ⁴² . Libnah, Ether, Ashan, ⁴³ Iphtah, Ashnah, Nezib, ⁴⁴ Keilah, Akzib, Mareshah. Del kan tiza medina wa fogo biald. ⁴⁵ Ekron be medina wa bilad al fi hauilu, ⁴⁶ Min Ekron le Bahar al Akbar, kulu mahal guad al gerib ma Ashdod, fogo bilad toumon. ⁴⁷ Ashdod, medina al fi hawilu humon wa Kaman bilad toumon; Gaza, medina al fi hawil humon wa fogo biald toumon le wadi ta masir, wa le Bahar al Akbar be hudud bitou. ⁴⁸ Fi dowa al fogo jubal, Shamir, Jattir, Sokoh, ⁴⁹ Dannah, kiriath Sannah(Be ya Debir), ⁵⁰ Anab, Eshtemoh, Anim, ⁵¹ Goshen, Holon, wa Giloh. De kan Edasar medina be bilad toumon. ⁵² arab, Dumah, Eshan, ⁵³ Janim, Beth Tappuah, Aphekah, ⁵⁴ Humtah, Kiriath, Aroa (al huwo yau Hebron), wa zior. Del kan Tisa medina wa bilad toumon. ⁵⁵ Maon, Carmel, Ziph, Juttah, ⁵⁶ Jezreel, Jokdeam, Zanoah, ⁵⁷ Kain, Gibeah, wa Timnah. Del kan ashara medina be bilad toumon. ⁵⁸ Halhul, Beth Zur, Gedor, ⁵⁹ Maarath, Beth Anoth, wa Eltekon. Del kan sita medina be bilad toumon. ⁶⁰ Kiriath Baal(de yau Kiriath Jearim), wa Rabbah. De kan itnin medina wa bilad toumon. ⁶¹ Fi sahara, kan fi Beth Arabah, middin, secalah, ⁶² Nibshan, Medina wa fogo bilad, ⁶³ Lakin le na Jebusiin, nas al bi geni fi Jerusalem, gebila ta Yahuza kan ma turuju humon bara, asha kida, Jebusiin geni hinak fin us gebila ta Yahuza lahadi yom de.