¹ De yau misaha ta ardi al shab ta Israel ligo ka worisa toumon fi canaan al eliazer al kahin, Joshua weled ta nun wa qiadin ta gabail ta Israel wodi le humon. ² Kan bi hazilu worisa toumon be gura le tisa gabail o nus, zei yahwah kan amiru be musa. ³ Musa kan wodi worisa ta itnin gabil o nus fi gata Jordan lakin le lawiin, huwo ma wodi aiya worisa. ⁴ Gebila ta yusif kan failan itnin gabail, Manasseh wa Ephraim. Lawiin kan ma wodi le humon aiya gita le worisa fi ardi, lakin bes medina ta niin ashan humon bi geni fogo bardo be ardi ta harisu haiwanat shan bi geni lehumon zei muarid. ⁵ Shab ta Israel amulu zei yahwah kan amiru musa, ashan kida humon gesimu aradi. ⁶ Gebila ta yahuza ja le Joshua fi gigal. Caleb weled ta Jephanneh min keniz, kelim le huwo le musa rojal Allah an inta wa ana fi kadesh Barnea. ⁷ Ana kan arbein sena wokit musa kadim ta yahwah rasulu an min kadesh Barnea ashan bi bahisu ardi. I jebu le huwo kabara tani mara zei al kan fi gelba tai ashan bi amulu. ⁸ Lakin al ruwa ma ana kutu gelba ta shab kan kala be kafu. Lakinan yahwah Allah bitai kwes. ⁹ Musa alifu fi yom dak wa kelim be taakid ardi al kura taki kan douru fogo yau bukun worisa le inta wa le iyal taki ilel-abat leano inta kan douru ma yahwah ilah bitai bel kamil. ¹⁰ Hasa ainu yahwah hafisu an ashan bi geni hai le muda ta kamsa o arbein sena, ze huwo kan kelim min zaman wokit yahwah wonusu kelim de le musa woki Israel kan bi douru min sahara. Hasa ainu alela biga humur tai kamsa o tamanin sena. ¹¹ Ana lisa gowi alela zei ma kan fi yom al musa rasulu ana bara. Guwa tai lisa hasa de sawa be ta kan le harib wa le meshi o ruju. ¹² Hasa ashankida, wodi le ana montiga al fogo jubal de, al yahwah kan wahadu le an fi yom dak lakin inta asuma fi hinak fi medina al dugu fogo hash gowi. Minkin yahwah bikun ma ana wa ana bi turuju humon beit zei yahwah kelim. ¹³ Joshua bariku huwo wa wodi le huwo hebron zei worisa le caleb weled ta zephanneh. ¹⁴ Ashan kida, hebron tala worisa le caleb weled ta Jephunneh min keniz lahadi alela, le anu huwo kan tabi Rabuna min kulu gelba, Allah ta Israel. ¹⁵ Isim ta Hebron kan bediri ginadi kiriath arba. (Arba kan akbar rojul fin us tan as Anak) yala ardi kana kudu raha min harib.