¹ Kalam ta Yahwa kan ja le Yonan mara tani, gali, ² Gum fok ruwa le Ninawe, medina al azim, wa alinu hinak al risa la al ana kan amiru inta ashan bi wodi. ³ Be kida Yonan kan gum wa ruwa le Ninawe be ehteram ta kalam ta Yahwa. Ninawe kan medina kebir, bi shilu talata yom ashan bi wosulu le nihaya ta medina. ⁴ Yonan kan bada dakalu medina wa baad yom min douriya huwo kan bada arfa sout towo wa kelim, “baad arbein yom bi demiru Ninawe. ⁵ “nas ta Ninawe kana min be Rabuna wa umon alinu siyam. Umon kulu libisu showalat, min al kebir le al sukeir. ⁶ Baad showeya kabar kan wosulu le melik ta Ninawe. Huwo kan gum fok min kursi nefsa towo be showal, wa geni fi rumad. ⁷ Huwo rasulu eilan al kan kelim: “fi Ninawa be awamir min melik wan as kubar bi towo, keli mafi rajul, au hayiwan, bhayim, ganam, bagar, jeribu ayi haja. Keli umon ma akulu wala asurub moya. ⁸ Lakin keli ayi min insan/rajul wa hayiwan kati be showal wa keli umon kori be sout shedid le Rabuna, keli ayi wahid agilib/tub min sika towo al batal wa min takiyan al fi iden tomon ⁹ Munu aruf? Mikin Rabuna bi rija nefsa wa shedid ashan nina ma bi mutu. ¹⁰ Rabuna kan ayinu haja al nina amulu, al umon tub min sikat tomon al batal. Biga Rabuna kan geiru fikira towo al huwo kan deir wodi le umon ikab ze huwo kan kelim bi amulu le umon, wa huwo kan ma amulu.