¹ Lakin Yonan kan ma moksut wa huwo biga zalan shedid. ² Be kida Yonan kan seli le Yahwa wa kelim, “Ah, Yahwa, de makalam al ana kelim zaman al ana kan wara fi beled tai? De sabab al ana kan awel hawil jere le Tershish ashan ana kan aruf inta Rabuna al rehim, al hanin, al ma bi zalan guwan, wa amin fi itifagiya, wa inta al gi wogif rasulu ikab. ³ Ashan kida hasa, ana, leanu huwo kwes keli ana mutu bidal haya, ⁴ Yahwa kelim, “Hal huwo kwes ashan inta bi kun zalan kalis? ⁵ Biga Yonan kan tala bara min medina wa geni fi sherig ta medina, Hinak huwo amulu masala wa geni tehet dul towo ashan huwo bi ayinu sunu al bi hasil fi medina. ⁶ Yahwa Rabuna kan jahizu shejera wa kutu huwo raba fok Yonan ashan bikun dul fi ras towo ashan bi saidu huwo min galak. Yonan kan farhan shedid min shejera de. ⁷ Lakin Rabuna kan jahizu dud gerib sabah ta yom al tani, dud de hajimu shejera wa biga Yabis. ⁸ Laman shemis gum fi yom al tani, Rabuna jahizu hawa al sukun min sherig, Kaman shemis dugu ras ta Yonan wa huwo biga fataran. Biga Yonan kan gi itmana keli huwo mutu, huwo kan kelim le nefsa towo, “huwo kwes le ana keli mutu bidal ana bi hayi. ⁹ Biga Rabuna kelim le Yonan, “hal huwo kwes ashan inta bi zalan kalis be kusu shejera?” Yonan kan kelim, “huwo kwes inu ana zalan, hata le mutu” ¹⁰ Yahwa kelim, “inta agder indu hanan le shejera al inta ma ishtakal, wala kutu huwo raba, huwo raba bilel wa mutu bi lel. ¹¹ Be kida kan le ana, ana ma bi agder indu rahma le nimawe, nedina al azim, al fogo aktar min miya tomon wa shamal tomon, wa kanman indu bahayim ketir?