¹ Bega Yonan kan seli le Yahwa Rabuna towo min batna ta samak. ² Huwo kelim, “Ana gi nadi inta ashan deigat tai wa huwo kan juwabu ana, min batna ta hawiya/mutu ana kore le mosaada “ inta kan asma sout tai. ³ Inta jadau ana fi mahal al juwa fi gelba ta bahar, wa tayarat ta moya lifu ana, kulu amwaj gi moruru fogo ana. ⁴ Ana kan kelim, juru ana min gidam ta uyun bitak, lisa ana tani bi ayinu le hayekal bitak al mokadas. ⁵ Moyat kati ana lahadi fi ragabtu tai, mahal al juwa/hufra kan houl ana, gesh ta bahar kan lifu fi ras. ⁶ Ana kan ruwa tehet le asasat ta jibal; al arid ma hawajiz bitowo gofulu le ana ilal abad. Lisa inta kan jibu haya tai min hufura Yahwa Rabuna tai. ⁷ Zaman al nefsa tai fataran juwa ana, ana kan zekiru Yahwa, biga sala tai wosulu le inta, le hayikal taki al kudus. ⁸ Umon kutu bal tomon le aliha al ma indu faida ligo umon sibu hibu bel amana. ⁹ Lakin kan le ana, ana bi wodi zibiha be sout ta shukur, ana bi kamilu haja al ana kan halifu. Kulasa gi ja min Yahwa!” ¹⁰ Biga Yahwa kan wonusu le samak, wa huwo kan aturusu Yonan bara fi arid al Yabis.