¹ De kelima al Yahwah alinu an Babylon, ardi ta kaldiin be wasat ida ta nebi Jeremiah. ² Kabara le dual wa kutu keli umon asuma. Arfa ishara wa kutu keli umon asuma. Mata iikhfa huwo. Kelim Babylon biga shilu. Bel kalas wodi le huwo fadiya. Marduk biga fuzie. Asnam tou biga kutu, fi fadiya; suar toumon biga fuzie. ³ Humon bi shamal bi gum did huwo, wa kutu ardi tou keli ikun mudemir. Mafi zol bi geni fogo, kan insan wa wahash bi jere bara. ⁴ Fi ayamat del wa fi zaman dak–de elan ta Yahwah–shab ta Israel wa shab ta Yahuza bi sawa ashan humon bi ruwa be kore wa bi fetisu Yahwah ilah bitoum. ⁵ Humon bi asadu sika ta zion wa bi bada gum ashan bi ruwa fogo, ligo humon gi kelim, nina bi ruwa wa bi limu nufusna be Yahwah fi ahad al abadia al ma bi nesitu. ⁶ Shab tai kan korufan al woduru. Rua toumon gedimu humon be sika al woduru fi jubal; lifu-lifu humon min tal-le-tal. Humon ruwa humon nesitu mahal dak al humon geni fogo. ⁷ Kulu zol al ruwa le humon bara hinak abula humon. Ada toumon kelim nina ma galtaniin, leano humon al hagiga raja ta ajial toumon. ⁸ Ruwa min nus na Babylon, ruwa bara min ardi ta kaldiin; geni zei galamaya abu rajil al gi ruwa gubal bagi korufan ma ruwa. ⁹ Suf ana gerib bi harik wa gumu mujmu ta dual kebir min dual min shamal did Babylon. Humon bi nizamu nufus toumon did hia. Bi gobudu Babylon min hinak. Sahm toumon gi geni zei jabar al mualim al ma gi rija be ida fadi. ¹⁰ Kaldaiim del bi naabu. Kulu del al naabu huwo de bikun sabaniin-de elan min yahwah. ¹¹ Afrah, iqtefil be nahab ta worisa tai, inta gi nutu zei jena baga al gi khatam fi zeriba tou, inta gi sahil zei husan al endu guwa. ¹² Fadiya bi gobudu huma taki shedid; zol al weledu inta de bi feisu suf, hia bi geni akir ta dual, sahara, ardi al nashif, wa beria. ¹³ Ashan zalan ta Yahwah, Babylon ma bi geni fogo, lakin bi tala karab nihaya. Kulu zol al gi futu min jambu tou bi airtajaf ashan Babylon wa bi hamasa ashan kulu juru bitou. ¹⁴ Nizamu nufuskum did Babylon kulu del al fi hawli hia. Mata hafisu aiya nisab taki tani wara, leano hia amulu katia did Yahwah. ¹⁵ Arfa korerat kulu fi hawli hia! Hia kalas istelimu gisim tou; amarat ta hia kalas waga; heta ta hia kalas kasuru, de Yahwah yai gi dafa tou. Dafa le hia! Amulu le hia be dab zei ma al hia amulu! ¹⁶ Demiru kulu nas al muzarah al gi rusu tirab wa del al gi istegdimu munajil toumon fi zaman ta hasad fi Babylon. Keli aiya zol agilibu dahar le shab tou min shef ta zaalimin; keli humon jere le ardi toumon. ¹⁷ Israel de koruf al shetetu wa turuju be husud. Awel, melik ta Assyria abula huwo, bad de, Nebuchaddnezar melik ta Babylon kasuru udam tou. ¹⁸ Ashan kida, Yahwah ta junut kelim kida; suf ana gerib bi wodi ikab le melik ta Babylon wa ardi bitou, zei al ana wodi le melik ta Assyria. ¹⁹ Ana bi hawidu Israel le ardi toumon; huwo bi akulu fogo karmel wa Bashan. Bad de huwo bi kun shaban fi duoal al fogo tal fi Ephraim wa Gilead. ²⁰ Fi ayamat del wa fi zaman da Yahwah bikelim, athuma bi fetisu fi Israel, lakin ma bi ligo aiya wahid. Ana bi hagigu an katia ta Yahuza, lakin mafi tani bi ja ligo, leano ana bi afi bagi toumon al ana sibu ashan bi hai. ²¹ Gum did ardi ta merathaim, did huwo wa del al gi geni fi pekod. Kutu humon fi shef wa kerisu humon le dimar ode elan min Yahwah amulu kulu haja al ana amiru intum. ²² Fi sout ta harb wa dimar al dakhm fil ardi. ²³ Goduru sunu sokus ta kulu ardi gatau bara wa demiru. Goduru sunu Babylon biga tala mahal al demiru fi wasat al umon. ²⁴ Ana kutu sherek le inta wa shilu inta, ya Babylon wa inta kan marufu! Ja ligo inu gobudu inta leanu inta aridu Yahwah. ²⁵ Yahwah fatau tirsana bitou wa gi tala halat bitou ashan bi haki shokol zalan bitou. Fi shokol le Yahwah Allah ta junut fi ardi ta khaldiin. ²⁶ Hajimu hia min beit. Fatau sawamie alhubub ta hia wa kawma hia fog zei akwam min hubub. Kerisu hia le dimar mat sebu haiya bagi min hia. ²⁷ Katulu kulu tour al huwo endu. Rasulu humon tehet fi mahal al bi dabau fogo. Wayl le humon, leanu yom toumon biga ja zaman ta ikab toumon. ²⁸ Fi sout ta jere-jere le del al hai min ardi ta Babylon. Del bi kabaru an aintiqam ta Yahwah Allah bitaana le zion, wa aintiqam le haikal bitou. ²⁹ Nadi alrruma did Babylon-kulu de al bi meilu nisab toumon. Amulu qeima did huwo, wa keli mafi zol tehet. Dafa wara le haja al hia amulu. Amulu le huwo hasab qias al huwo stagdimu leanu huwo tahadaa Yahwah al kudus ta Israel. ³⁰ Ashan kida shabab sukar bi waga fi sahat almadina, wa kulu asakir tou bi demiru fi yom dak de elan min Allah Yahwah. ³¹ Suf, ana did inta ya mutkebir-de elan ta Yahwah Allah ta harib-leanu yom taki timu, ya mutker, zaman al ana bi wodi le inta ikab. ³² Ashan kida al mutkebir bi sedimu nebsu wa bi waga. Mafi zol bi arfa humon fog. Ana bi wala nar fi mudun toumon, nar de bi akulu kulu hajat al fi hawli huwo. ³³ Yahwah ta harib gal; shab ta Israel mazlum sawa be shab ta Yahuza. Kulu del al gobudu humon lisa ma fiku ashan humon bi ruwa. ³⁴ Zol al anqisu humon de zol al gowi. Isim tou Yahwah ta harib. Huwo hagigatan bi iirda qedia toumon, ashan bi jebu raha fi ardi, wa ashan bi jebu sirae le del al sakiniin fi Babylon. ³⁵ Fi shef did kaldiin de elan min Yahwah wa did del al sakiniin fi Babylon, ka ada bitou, wa rijal bitou al negitiin. ³⁶ Shef did del al bi wonusu kalamat farig! Humon bi tala belitiin! Shef did asakir bitou, humon bi mala be raeb. ³⁷ Fii shef gi ja did khayl toumon, markabat toumon wa kulu shab al fi nus ta Babylon, ashan kida humon bi tala zei nasawin. Fii shef gi ja did maqzan, bi naabu humon. ³⁸ Fi athas gi ja fi moyo tou, wa humon bi nashif. Leano huwo ardi ta asnam al ma endu shokol, wa humon bi saraf zei majainiin fi asnam bitoumon al murue de. ³⁹ Haiwanat ta sahara wa kilab bi geni hinak, wa iyaal ta na’am bi geni fogo huwo. Le zaman kulu, huwo tani ma bi geni fogo. ⁴⁰ Zei ma Rabuna fawq sodom wa Gomorrah wa jeranat toumon. De elan ta Yahwah-mafi zol bi ish hinak, mafi zol bi geni fogo. ⁴¹ Ainu, nas gi ja min shamal; doula kebir wa muluk ketir gi lakbatu min tijah al beit min ardi. ⁴² Humon bi shilu yanhani wa ramah. Humon ta takiyaniin budun rahma. Sout toumon zei ta bahr al hadir wa humon gi jere be khayl. Nijamu nufuskum zei rujal al harib did huwo ya binia ta Babylon. ⁴³ Melik ta Babylon asuma tagarir an humon wa idenat tou araj be waja. Waja bad le huwo zei mara al der weledu. ⁴⁴ Lamah! Huwo masi fog zei hased min fog ta jordan le makan niemat dayim. Leanu ana bi kutu zol al bi hazilu ashan keli yekun mousul fogo. De munu zei ana, de munu biakder aistadeaa ana? De yatu rai biakder qoumu ana? ⁴⁵ Asuma le kuta al huwo katitu did ardi ta kaldiin. Bi juru humon bara, hata korufan sokeir al maraei toumon bi geiru bi tala mahal al demiru. ⁴⁶ Lo asumau sout ta Babylon al ghazana, ardi bi izu, wa kore toumon ta waja asumau fi bagi dual.