¹ ''Duru takum fi shwari ta Urshelim; fetishu takum fi mayadin tuo, kaman. Yala fekir takum an kalam de: Kan intakum bi ligu rajil wele zol al bi amulu adala wa bi hawil ishtakal be amana, yala Ana bi afi Urshelim. ² Ragmi inu umonkelim, 'Ze Yahwah hai,' lisa umon bin halifu kizib.'' ³ Yahwah, hal uyon taki ma bi ayinu nas al umana? Inta durubu nas, lakin umon ma ashuor waja. Inta gilibu umon ta kulu kulu, lakin umon lisa bi aba tadib. Umon kutu usat tumon guwi futu hajer, lanu umon aba tub. ⁴ Yala Ana kelim, ''Be takid de nas masakin. umon blitin lanu umon ma arufu sikat ta Yahwah, wele gararat ta Allah tumon. ⁵ Ana bi ruwa le nas al muhimin wa bi alinu risala ta Allah le umon, lanu umon wa lu shuwia bi arufu sikat ta Yahwah, gararat ta Allah tumon.'' Lakin umon kulu kasueu nir tumon sawa; umon kulu gata rubat al bi limu umon ma Allah. ⁶ Yala assed bi drubu umon min mahal tuo. Salab ta asia bi katulu umon. Yala nimir bi kemin le umon hawili mudon ta umon. Ayi zol al bi tala bara min medina bi gata gata huwo. Ashan sher tumon bi ziddu. Adam amana tumon ma indu hudud. ⁷ Leh Ana bi wedi tegila le nas de? Iyal takum sibu ana wa amulu tifagia ma hajat al ma rabunat. Ana akilu umon tamam, lakin umon amulu zina wa duru fi adad kebir le biut ta nusuwan ta zina. Umon kan ze hasin fi jins. ⁸ Umon biga takiyanin. Ayi zol ma mara ta jeran tuo. ⁹ Hal Ana ma bi wedi igab le umon-de elaan ta Yahwah- hala Ana ma bi dafa ma nefsa tai le duala al ze de? ¹⁰ Ruwa lahadi fi hush ta jinena tuo wa demiro takum. Lakin matakum demiro umon ta kulu kulu. Gata takum furu tuo, ze ma furu de ma bi ja min Yahwah. ¹¹ Asha biutt ta Israel wa Yahuza umon amulu le ana kiana- de elaan ta Yahwah. ¹² Umon wunuso kizib an Yahwah wa umon kelim, ''Huwo ma bi amulu haja: wele haja kaab bija le nina, wa anina ma bi ayinu mutu wele jian. ¹³ Ambiya bi kun habub, kelima mafi fugu umon, Ashan kida kede ayi haja al umon wunuso amulu le imon.'' ¹⁴ Yala Yahwah, Allah ta junud kelim kida, ''Ashan intakum kelim kida, ayinu takum, Ana bi kutu kalam tai fi kashma taki. Bi kun ze nar, wa nas de bi kun ze kashab! Lanu nra de bi ruwa akulu umon. ¹⁵ Ayinu Ana bi ruwa jibu uma tani did intakum min bait, ya bet ta Israel de elaan ta Yahwah- bi kun uma al bi fadulu, uma min zaman! beled al luga tumon intakum ma arufu, wele intakum bi fahim haja al umon bi wunuso. ¹⁶ Kis tumon ta danga geni ze gubur al fadi. Umon kulu asakir. ¹⁷ Umon bi akulu hasad taki wa akil taki. Umon bi akulu awlad wa banat taki. Umon bi akulu ganamayat wa bagarat taki. Umon bi akulu karma taki wa shejera tina taki. Umon bi ksuru mudon taki al guwi be sef mudon al inta kutu sikha taki fugu. ¹⁸ Laakin hata fi ayam dak- de elaan ta Yahwah - Ana ma bi demiro intakum ta kulu kulu. ¹⁹ Kan intakum, Israel ma Yahuza, kelim, 'Leh Yahwah Allah tanin amulu hajat de le anina? yala inta, Armiya, bi kelim le umon, 'Bes ze ma intakum sibu Yahwah wa intakum abudu rabunat tanin fi beled takum, intakum lazim bi akdimu ajanib fi beled al ma ta takum.' ²⁰ Weri kalam de le bet ta Yagub wa kede asumau fi Yahuza. Kelim, ²¹ 'Asuma takum kalam de, intakum ya nas al belidin al ma bi fahim; al indu uyon lakin ma bi ayinu, wa intakum indu adanat lakin ma bi asuma. ²² Hala intakum ma bi kafu ana- de elaan ta Yahwah- wele intakum bi rejif min gidam usa tai? Ana amulu hudud ta rumula did bahar, ganoon al mustemir lele abad mafi zol bi kasuru- hata kan bhar gum fuk wa nezil tihit, lisa ganoon de ma bi kasuru. Hata kan amuwaj tuo gum, umon ma bi tala min hudud de. ²³ lakin nas de3 indu geliba al gil adab. Bi itmarad wa bi ruwa bait. ²⁴ Ashan umon ma bi kelim fi gulub tumon, ''Kede anina kafu Yahwah Allah ta nina, al bi nezilu muturu- muturu al bediri wa muturu al mutakir fi zaman tumon al sah, bi hafisu asabi sabit ta hasad le anina.'' ²⁵ Sher takum abusu hajat de ma hasil. Katiyat takum wegifu haja al kues kede ma ja le intakum. ²⁶ Lanu nas al ashrar ligu ma shaab bitai. Umon bi tuogu bira ze zol al azu gubudu tiur; umon kutu sharak wa gubudu nas. ²⁷ Ze gafas al malian tiur, biut tumon malian be shukul kabasa. Yala umon raba wa tala ganian. ²⁸ Umon tala sumanin; umon bi wala bi hai al kues. Umon futu hudud ta amulu sher. Umon ma hakimu kues fi gadiyat ta shaab aw gediya ateem. Umon bi raba hata ligu umon ma wedi adal le nas al muhtajin. ²⁹ Hal Ana ma bi hukumu umon be kalam ta hajat de- de elaan ta Yahwah - Ana ma bi integim le nefsa tai le beled ze de? ³⁰ Biga fi istigrab fi ard. ³¹ Ambiya bi itnababe kizib, wa kahana bi hakum be sultan tumon. Shaab tai hibu huwo teriga de, shu, lakin shunu yao bi hasil fi nihaya?'''