¹ ''Kan inta rija, ya Israel de elaan ta Yahwah kan inta rija le ana. Kan inta shilu bara hajat ta al mukruh min gidam tai wa inta ma wuduru tani, ² Inta bi kun ta hagiga, wa adala, wa baar kan inta halifu, 'Ze Yahwah hai.' Yala umam bi baraiku madun tumon fugu huwo, wa fugu huwo umon bi mejido.'' ³ Ashan Yahwah kelim le ay zol fi Yahuza wa Urshelim: 'Kuruju takum wata, wa matakum zara fi shuk. ⁴ Taharu takum badun takum le Yahwah, wa gata takum shukul aglaf ta geliba takum, wele zalan tai bi tala bara ze nar, wa bi aragu wa mafi zol bi batulu ashan sher ta amail takum. ⁵ Weri takum kabara fi Yahuza wa kede asumau fi Urshelim. Wunuso, ''Afuku trumpeta fi ard de.'' Alinu, ''Limu takum sawa. Kede anina ayinu le mudon al kubar wa guwi,'' ⁶ Arfa takum alaam takum safa ta Sahiun, wa rijatakum le himaya! Mata kelim, ashan bi jibu karisa min safa ta shamal wa sugut azim. ⁷ Assed bi tala bara min gaba tuo wa zol al bi demiro beled de bi geni bara. Huwo bi sibu mahal tuo ashan bi jibu tukwif le beled taki, ashan bi agilibu mudon takum le kum turab, fi mahal al mafi zol bi ish. ⁸ Ashan kid libisu nefsa taki fi gfumash ta huzun, kure takum. Ashan jesh ta zalan ta Yahwah ma rija ma rija baid min anina. ⁹ Yala bi hasil fi yom dak de- de elaan ta Yahwah- inu gulub ta melik ma ruwasa tuo bi mutu. Kahana bi kun muhtarin wa wa ambiya bi itajab.''' ¹⁰ Yala Ana kelim ''Ah! Rabuna Yahwah. Be takid inta kabasu nas de wa Urshelim be kalam taki, ''Bi kun fi salam le intakum.' Wa lisa sef bi bi ishtakal did haya tumon.'' ¹¹ Fi zaman dak be wunuso le shaab de ma Urshelim, ''Habub shedid min sahara bi amulu sika tuo le biniya ta shaab tai. Ma bi gurbalu wele nedifu umon. ¹² Habub al guwi kalis min dak yao bi ja be awamir tai, yala Ana bi tala hukum did umon. ¹³ Ayinu, yao huwo bi hajimu ze sihab, wa markibat tuo ze hawa al guwi. Hasin tuo asra min sugurat. Wululu le anina lanu bi masaw nina! ¹⁴ Nedifu geliba taki min sher, ya Urshelim, ashan bi ligu kulasa. Lahadi miten afkar taki al juwa bi fekir an amulu katiya? ¹⁵ Lanu fi sout al bi jibu kabara min Dan, wa karisa al bi ja de asumaw min jibal ta Afraim. ¹⁶ Kutu umam kulu fekir an kalam de: Ayinu, alianu le Urshelim in nas al bi ja hawitu inta umon bi ja min ard baiit ashan bi ja ahtif fi harib did ta Yahuza. ¹⁷ Umon bi kun ze gufara ta mahal zara al bi harisu kulu, min ma hiya biga mutmerid did ana - de elaan ta Yahwah - ¹⁸ wa uslub wa wa amail taki amulu le inta haja de. De yao bi kun igab taki. Kam saab bi kun! Bi durub geliba taki. ¹⁹ Geliba tai! Wa ana fi zalan fi geliba tai. Geliba tai taban juwa ana. Ana ma bi ageder askut sakit lanu ana biu asuma sout ta sufara, bi weri inu fi harib. ²⁰ Karisa baat karisa; ashan ard kulu bi genu fi karabu. faja kaima tai demiro, sitara tai fi lahza. ²¹ Lahadi miten Ana bi ayinu alaam? Hal Ana bi asuma sout ta trumbeta? ²² Ashan shukul belid ta shaab tai- umon ma araufu ana. Umon nas ta asnam wa umon ma bi fahim. Umon indu muharat fi amulu sher, lakin ma arufu amulu kues. ²³ Ana ayinu le ard. Kan karban wa fadi. Lanu kan mafi nur le samawat. ²⁴ Ana ayinu le jibal. Umon kan bi rejif, wa kulu muratafaat kan bi hizzu hizzu. ²⁵ Ana ayinu. Mafi zol, wa kulu tiur ta samawat tiri. ²⁶ Ana ayinu. Mahal ta janain kulu biga sahara wa mudon kulu karusu gidam ta Yahwah, gidam ta zalan tuo.'' ²⁷ De kalam al Yahwah bi kelim, ''Wata kulu bi karabu, lakin Ana ma bi demiro ta kulu. ²⁸ Le sabab, inu wata kulu bi kure, samawat min fuk bi tala duluma. Ashan Ana bi alinu gasit tai; Ana ma bi amsuku; Ana ma bi rija min kuere tai. Ayi medina bi jere min izaaj ta batal wa delin al be danga; umon bi jere le gabat. ²⁹ Ayi medina bi nutu fuk fi mahalat al hajer.Mudon kulu bi sibu, lanu bi kun mafi zol al bi geni fugu umon. ³⁰ Hasa karabu inta, Inta bi amulu shunu? Lanu hata kan inta libisu gurmuz, wa jemilu badun taki ma mujuharat ta dahab, wa inta kahilu uyon taki be asmad, rujal al indu shahwa le inta hasa sibu inta. Lakin, kaman umon der shilu haya taki. ³¹ Ashan kida Ana bi asuma sout ta waja, taab fi weledu ta bekiria, sout ta banat ta Sahiun. Hiya bi hawil nefes. Hiya bi middu iden tuo, ''Wululu al Ana! bi kemir be sabab ta nas al bi katulu de.''