¹ Kan hasil inu Jeremiah kalas wonusu le kulu shab kulu kelimat ta Yahwah Allah bitoumon al Yahwah Allah bitoumon kan kelim le huwo ashan bi wonusu ² Azuriah weled ta Hoshaiah, Johanan weled ta kareah, wa kulu rusal al Mutkebirin kelim le Jeremiah, “inta kadab. Yahwah Allah bitaana ma rasulu inta ashan bi kelim, “matakum ruwa ashan bi geni fi Masir hinak. ³ Baruch weled ta Neriah gi hariku inta did nina ashan bi stelimu nina fi ida ta nas kaldiin, ashan inta bi jebu le nina mutu wa bi asraa fi Babylon. ⁴ Bad de Johanan weled ta Kareah, kulu amir ta junnut, wa kulu shab kan aba ashan bi asuma le sout ta Yahwah ashan bi geni fi ardi ta Yahuza. ⁵ Johanan weled ta Kareah wa kulu qaada ta asakir shilu kulu bagi nas ta Yuhuza al fadulu al kan rija min kulu umam al kan shetetu umon fogo ashan bi geni fi ardi ta Yahuza ⁶ Umon shilu rajal wa Nusuwan, iyal wa banat ta melik, wa kulu zol al kan Nebuzaredan al qaid ta huras ta melik, kan sebu ma Gedaliah weled ta Ahikam weled ta Shaphan. Humon baruch weled ta Neriah. ⁷ Humon ruwa fi ardi ta Masir, fi Tahpanhes leanu humon ma asuma le sout ta Yahwah. ⁸ Ashan kida kelima ta Yahwah ja le Jeremiah fi Tahpaanhes, wa gal, ⁹ Shilu ujar kubar fi Yedak, fi gidam kulu shab ta Yahuza, dusu umon fi juwa funduk fi arsifa al fi dukul le bet ta Pharaoh fi Tahpanhes.” ¹⁰ Wa kelim le humon, “Yahwah ta junut, Allah ta Israel kelim, Suf an gerib bi rasulu marasula ashan shilu Nebuchadnezzar melik ta Babylon zei kadim tai ana bi kutu kursi bitou fog ojar del al inta Jeremiah dofunu. Nebuchadnezzar bi kutu junah fogo. ¹¹ Leano huwo bi jaw a bi hajimu ardi ta Masir. Aiya zol al wokilu le mutu bi wodi le mutu aiya zol al wokilu le asar bi shilu zei asiraan. Aiya zol al wokilu le shef bi wodi le shef. ¹² Bad de ana bi wala nar fi juwa aikal ta rabunat ta Masir. Nebuchadnezzar bi haragu humon, auw bi shilu humon. Huwo bi nedifu ardi ta Masir zei al rai bi Nedifu hawam min gumasat tou. Huwo bi tala min mahal dak fi nusra. ¹³ Huwo bi kasuru amida ta ojar fi Heliopolis al fi ardi ta Masir. Huwo bi haragu aikal ta rabunat ta Masir.