¹ Kulu qaada ta asakir wa johanan weled ta kareah, Jezaniah weled ta Hoshaiah, wa kulu nas min soker le kebir ja gidam nebi Jeremiah, ² Humon kelim le huwo keli kore bitana ja gidam taki seli le nina le Yahwah Rabuna taki ashan shab al fadulu de leanu nina biga adad tena besit zei ma inta ainu ³ Asulu Yahwah Rabuna taki ashan bi wori le nina sika al keli nina douru ma huwo ma sunu al kelina amu." ⁴ Jeremiah al nebi kelim le humon, ana asuma intakum. Ainu ana bi seli le Yahwah Allah bitakum zei ma intum asalu. Ana bi wori le intum aiya haja al Yahwah juwabu. Ana ina bi dusu aiya haja min intum, ⁵ Humon kelim le Jeremiah, keli Yahwah geni shahid al hak wa al amin didana, izakan ma amalna aiya haja al Yahwah Allah bitak wori le nina. ⁶ Iza kan biga kwes wale kan batal, nina bi tii soat ta Yahwah Allah bitana al nina gi rasulu inta le huwo de, ashan keli kulu hajat geni kwes ma nina izakan nina bi tii sout ta Yahwah Allah bitana.” ⁷ Fi zaman dak fi nihaya ta ashara yom, kelima ta Yahwah ja le jeremiah. ⁸ Jeremiah bada nadi Johanan weled ta kareah wa kulu qiadin ta asakir al ma huwo wa kulu nas bada min soker le kebir ⁹ Wa huow kelim le humon, “De yau haja al Rabuna ta Israel al intum rasulu ana ashan bi shilu kore takum le huwo, huwo kelim, ¹⁰ Izakan intum rajah wara wa geni fi ardi de, bada de ana bi abinu intum lakin ma bi demiru intum; Ana bi zarau intum lakin ma bi amuta intum falata, leanu ana bi shilu dimar al kan ana jebu fogo intum. ¹¹ Mata kum kafu min melik ta Babylon, al intum gi kafu matakum kafu huwo. De ilan ta Yahwah, leanu ana bi kalisu intum wa angkisu intum min ida tou. ¹² Ana bi beinu le intum rahma. Ana bi hin fogo intum, ana bi rija intum fi ardi takum. ¹³ Lakin izakan intum kelim gali “nina ma bi geni fi ardi de “kan intum ma asuma le sout bitai, sout ta Yahwah Allah bikakum. ¹⁴ Izakan intum kelim, “la! Nina bi ruwa fi ardi ta Masir, mahal al nina ma bi aiynu Mashakil, mahal al nina ma bi asuma fogo sout ta torombeta, wa nina ma bi geni jian. Nina bi geni hinak”. ¹⁵ Bad de asuma le kalam ta Yahwah, intum nas al fadulu fi Yahuza. Yahwah ta junud, Allah ta Israel kelim gal, “izakan intum gum ashan bi ruwa fi Masir wa bi geni hinak, ¹⁶ Intum bi ruwa ligo shef al intum gi kafu de hinak fi ardi Masir jian al intum lahdi Masir, wa intum bi mutu hinak. ¹⁷ Bi ja hasil inu kulu zol al bi gum ruwa fi Masir ashan bi geni hinak mutu min shef, jian, au darba. Mafi zol min humon bi hai, mafi wale wahid bi nofut min dimar al ana bi jebu fogo humon. ¹⁸ Leanu Yahwah ta junut, Allah ta Israel, kelim gal: zei ma shokol zalan tai wa shokol takian tai kan kubu fogo nas al bi geni fi Jerusalem, be nebsa teriga, bi hasil izakan intum ruwa fi Masir, intum bi tala haja al nas bi laanu wa bi kafu, al bi igstagdimu le laana, wa al ma fogo karama, wa intum ma bi ainu mahal de tani ¹⁹ Yala Jeremiah kelim, “Yahwah wonusu an intum nas al fadulu fi Yahuza mata kum ruwa fi Masir! Intum arufu inu ana kan shaid did intum alela. ²⁰ Intum kabasu nufus takum wokit intum kelim le ana ashan bi ruwa le Yahwah Allah bitana wa kelim, “seli le Yahwah Allah bitana min ajuna iya haja al Yahwah Allah kelim le nina wa nina bi amulu. ²¹ Ana rija le intum kabara de alela, lakin intum ma asuma le sout ta Yahwah Allah bikum wale aiya haja al huwo rasulu ana fogo le intum ²² Hasa kida, arufu kwes inu intum bi mutu be shef, jian, wa wabaa fi mahal al intum fekir ashan bi ruwa geni fogo.