¹ Lakin kan hasil inu fi shahar nimura saba Ishmael weled ta Nethanial weled ta Elishama, min usurs mulkia, wa mouzifin tannin bita melik, ja ma huwo kan ashara rujal ie Gedaliah weled ta Ahikam fi Mizpah. Humon akulu sawa hinak fi Mizpah ² Lakin Ishmael weled ta Nethaniah, wa ashara rujal al kan ma huwo de bada gum wa ajimu Gedaliah weled ta Ahikam weled ta Shaphan, be shef Ishmael katulu Gedaliah al kan melik ta Babylon kutu fog al ardi ³ Wa Ismael katulu kulu Yahudiin al kan bi geni ma Gedaaliah fi Mizpah wa rusal al harib ta kaldiin al fii hinak. ⁴ Wa kan fi yom nimura itnin bad kitil ta Gedaliah, lakin mafi zol arufu. ⁵ Rujal tannin ja min shekem, min Shiloh, wa min samaria tamanin rujal wa aligu dikin toumon, sheretu malabis toumon, wa gata nufus toumon be zebiha ta akil wa bakhur fi idenat toumon ashan bi ruwa fi bet ta Yahweh. ⁶ Ismael weled ta nethanial ruwa min Mizpah ashan bi gabilu humon zei biga humon ruwa, gi douru wag i kore. Wa hasi inu huwo gabilu humon wa kelim le humon, “Tal le Gedaliah weled ta Ahikam!” ⁷ Hasil inu wokit humon ja fi medina, Ishmael weled ta Nethaniah debau humon wa jadau humon fi juwa ufura, huwo ma rajal al kan ma huwo. ⁸ Lakin kan fi ashara rujal fi nus toumon al kelim le Ishmael, “mata katulu nina, leanu endina hajat tena fi mahal zirah: ngeme wa shaeir, zed wa hasel” ashan kida huwo ma katulu humon ma bagi zumala toumon tannin de. ⁹ Sherij al Ishmael jada fogo meitin al huwo katulu de, kan sherij kebir al kan melik asa afura ashan huwo bi difa be huwo nefsa tou min melik Baasha ta Israel. Ishmael weled ta Nethaniah malau fogo meitin. ¹⁰ Bad de Ishmael gobudu kulu nas al kan fi Mizpah, banat ta melik, wa kulu nas al kan fadulu fi Mizpah al Nebuzaradan reis ta huras kan wokilu le Gedaliah weled ta Ahikam. Ishmael weled ta Nethaniah gobudu humon wa ruwa ashan bi morur le nas Ammon. ¹¹ Lakin Johanan weled ta kareah wa kulu qaada ta asakir al ma huwo asuma kulu hajat batal al Ishmael weled ta Nethanial kan amulu ¹² Humon shilu kulu nas toumon wa ruwa ashan bi haribu Ishmael weled ta Nethanial. Humon ligo huwo fi hawd al kebir fi Gibeon. ¹³ Wa hasil inu wokit nas del kulu al kan ma Ishmael ainu Johanan weled ta Kareah wa Kulu qaada ta asakir al kan ma huwo, humon kan farhanin. ¹⁴ Wa kulu nas al kan Ishmael gobudu fi Mizpah agilubu wa ruwa le Johanan weled ta karah. ¹⁵ Lakin Ishmael weled ta Nethaniah jere min Johanan be tamania rujal huwo ruwa le nas ammon ¹⁶ Johanan weled ta kareah wa kulu qaada ta asakir al kan ma huwo shilu kulu nas al alagu min Ishmael weled ta Nethaniah ma huwo. De kan bad ma Ishmael katulu Gedaliah weled ta Ahikam. Johanan wa Jumala bitou shilu rujal al gowin, rujal ta Mashakil, nusuwan wa iyal wa khushan al kan alagu min Gibeon. ¹⁷ Humon ruwa wa geni besit fi Geruth Kimham al gerib be Bethlehem. Humon kan de ruwa fi Masir ¹⁸ Lakin ashan kaldiin humon kan kafu min humon leanu Ishmael weled ta Nethaniah katulu Gedaliah weled ta Ahikam al kan Melik ta Babylon kutu ashan bi geni mosul le ard.