¹ Kalam kan ja le Armiya baad Nebuzardan kaed ta huras ta melik fiku huwo fi Rama. Huwo kan ligo Armiya morbut be genzir/ganzir bein kulu nas al gobudu fi Ourshelim wa Yahuza al kan shilu le Babel. ² Reis ta haras kan shilu Armiya wa kelim le huwo, “Yahwa Rabuna bitak yau kariru karisa de le mahal de. ³ Yahwa yau jibu kalam de, huwo amulu bes ze huwo kan kariru, ze intum amulu katiya did huwo wa ma ehterim sout towo. Ashan kida haja de hasil le intum. ⁴ Lakin ayinu hasa! Ana fiku inta min genazir al kan fi iden bitak. Iza kan huwo kwes fi ena bi tak ashan bija ma ana le Babel, taal, ana bi shilu mosouliya bi tak. Lakin iza kan ma kwes fi ena bitak ashan bi ja ma ana le Babel, mata ja wara tai. Ayinnu le arid al gidam taki, ruwa le mahal al kwes fi ena bitak” ⁵ Laman Armiya ma juwab, Nubuzardan kelim, “ruwa le Jedaliya weled ta Ahikam weled ta shafan, al melik ta Babel kutu mosout ta medina ta Yahuza. Geni le huwo fi nus ta nas au ruwa le ayi mahal al kwes fi ena bitak” kaed ta huras ta melik kan wodi le huwo akil wa hadiya wa kan sebu huwo keli ruwa. ⁶ Armiya biga kan ruwa le Jedaliya weled ta Ahikam fi mizfa. Huwo kan geni le huwo fi nus ta nas al kan fadulu fi arid. ⁷ Laman kadat ta jeish ta Yahuza ma asakir tomon al kan fi taraf medina asma bi anu melik ta Babel kutu Jadaliya weled ta Ahikam hakim/wali ta arid, wa umon Kaman asma gali kutu huwo mosoul ta ruja, nuswan, wa iyal al masakin kalis fi beled, del al ma shilu le Babel. ⁸ Biga umon ruwa le Jedaliya fi mizfa, rujal del kan Ismael weled ta Nathaniya, Yohanan wa Yanatan awolad ta kaveh, seraya weled Tanhumet, awolod ta Efai al min Neto fati, Yazniya weled ta maakiti wa rijal tannin ma umon. ⁹ Jadliya weled ta Ahikam weled ta shafan kan halif le umon wa rijal al ja ma umon wa kelim le umon, “mata kum kafu ashan bi akdim Mosoulin ta kaldaniin, geni takum fi arid wa istaka takum le melik ta Babel, wa bi kun kwes ma takum. ¹⁰ Ayinu, ana gaed fi masfa ashan bi gabilu kaldanlin al bi ja la nina, ashan kida limu takum kamr/merisa, simar ta kharif, wa zeit wa kazinu umon fi maholat takum. Geni takum fi mudu al intum fogo” ¹¹ Biga kulu Yahudiin al fi moab, fi wasat ta Ammon, wa fi Adom, wa kulu arid asma gali melik ta Babel rudu bagi Yahu keli geni, inu huwo kutu jedeliya weled ta Ahikam weled ta shafan mosoul le umon. ¹² Kulu Yahudin al kan shetetu mahalat kulu rija wa le beled ta Yahuza, wa le jedeliya fi masfa. Umon kan limu kamr/merisa wa simar ta karif be kimiya. ¹³ Yonan weled ta kereh wa kulu kadat a jeish al kan fi taraf medina ja le jedaliya fi mosfa. ¹⁴ Umon kan kelim le huwo, “hal inta aruf bi anu Baalis melik ta Ammon rasulu Ismael weled ta Nataniya ashan bi katulu inta?” lakin Jadaliya weled ta Ahikam kan ma sedek umon. ¹⁵ Biga Yohanan weled ta kereh kan wonusu le Jadaliya Barau fi masfa gali, wodi le ana fursa ashan bi katulu Ismael weled ta Nataniya, mafi zol al arufu ana, huwo bi katulu inta lee? Lee bi rudu Yahuza al kalas limu le inta bi setetu wa bagi Yahuza bi demiru?” ¹⁶ Lakin Jadaliya weled ta Ahikam kan kelim le Yohanan weled ta kereh, “mata amulu kalam de, leanu inta gi kelim kidib an Ismael.”