¹ Shaftiya weled ta matan, Jadliya weled ta Fashur, yokel weled ta shalmiya, wa fashur weled ta mikiya kan asma kalamat al Armiya alinu le nas kulu kan gi kelim. ² Yahwa kelim keda; Ayi wahid al bi geni fi medina de bi kalulu be seif, jian wa darba. Lakin ayi wahid al bi ruwa le kaldaniin bi hayi. Huwo bi naja nefsa towo wa bi hayi. ³ Yahwa kelim kida; medina de bi wodi fi ida ta jeish ta melik ta Babel, wa huwo bi gobudu. ⁴ “Be kida roasaa kelim le melik, ‘keli rajil mutu, le anu be teriga de huwo gi wodi doof fi iden ta nas. Huwo gi alinu kilimat, leanu rajil de ma gi ishtakal le himaya ta nas de lakin le damar, ⁵ Be kida melik zidkiya kelim; Ayinu, huwo fi ida takum ze mafi melik al bi agder kawim intum. ⁶ “Biga umon shilu Armiya wa jadau fi saharij/houd ta malkiya weled ta melik. Houd de kan fi beit ta haras. Umon nenzilu Armiya be hub al mafi moya fi boud, lakin fogo tein, wa huwo kan katis juwa tein. ⁷ Abd melek al min kush wa kesi fi beit ta melik kan asma bi anu kutu Armiya fi houd, kan melik zaman dak gaid fi bowaba ta Benyamin. ⁸ Abd melek min beit ta melik wa kan kelim le melik gali. ⁹ Seid tai al melik, rujal de amulu sher be teriga al umun amulu le nebi Armiya. Uma jadau huwo fi houd ashan bi mutu hinak be jian, ze biga mafi akil fi medina.” ¹⁰ Biga melik wodi amr le Abd melek al min kush, Huwo kelim, “kede inta shilu teletin rujal min hini wa talau Armiya bara min houd gubal huwo ma mutu” ¹¹ Be kida Abd melek kan shilu rujal de wa ruwa le beit ta melik, fi makzan ta malabis tehet beit, min binak huwo shilu gumas karban wafuwat wa nenzilu le Armiya fi houd. Abd Melek al min kush kelim le Armiya fi houd. ¹² Abd melek al min kush kelim le Armiya, kutu fuwat ma gumas karban de tehet abat taki wa fok hubal. “Armiya amulu ze de. ¹³ Biga umon juru Armiya be hubal, be teriga de umon jibu huwo fok min houd/biir. Biga Armiya kan geni fi beit ta haras. ¹⁴ Baad dak melik zidkiya kan rasulu kalam wa jibu nebi Armiya le huwo fi bab nimira talata al fi beit ta Yahwa. Melik kan kelim le Armiya, “ana deir asalu inta be haja, mata askot ma juwab le ana” ¹⁵ Armiya kan kelim le zedkiya, “iza kan ana juwabu inta, hal inta hagiga bi katulu ana? Lakin kan ana wodi le inta nesiha inta ma bi asma le ana.’ ¹⁶ Lakin melik zidkya kan halif le Armiya ligo umon barau wa gali. “ze Yahwa hayi al huwo yau kalagu nina, ana ma bi katulu inta wala wodi inta le rujal al deir haya taki.” ¹⁷ Biga Armiya kan kelim le Zedkiya, Yahwa, Rabuna algedir, Rabuna ta Israel kelim kida: kan inta hagiga tala bara le giyadat ta melik ta Babel inta bi hayi, wa medina de ma bi haragu. Inta wan as ta beit taki bi hayi. ¹⁸ Lakin kan inta ma rala bara le giyadat ta melik ta Babel, biga medina de bi selimu fi ida ta kaldaniin. Umon bi haragu huwo wa inta ma bi nufut min ida tomon. ¹⁹ “Melik zidkiya kan kelim le Armiya, “lakin ana gi kafu min Yahud al kalas bega ma kaldaniin, le anu bi selimu ana le umon biga umon bi amulu ana batal. ²⁰ “Armiya kelim, umon ma bi selimu inta le umon, ihterim risala al min Yahwa al ana gi wori le inta, ashan hajat bi ruwa kwes le inta, wa Kaman ashan inta bi hayi. ²¹ Lakin kan inta aba tala bara, de yau haja al Yahwa zahiru le ana. ²² Ayinu! Kulu nusuwan al fadulu fi beit bitak. Melik ta yahuza, bi jibu umon le giyadat ta melik ta Babel, nusuwan del bi kelim le inta, asdiga bitok kan kabasu inta; umon demiru inta. Kurein taki hasa katis fi tein, wa asdiga bitak bi jere beid. ²³ Le anu nusuwan taki kulu ma iyal bi tak bi jibu le kaldaniin, wa inta be nefsa taki ma bi nofut min ida tomon. Bi gobudu inta be ida ta melik ta Babel, wa medina de bi haragu.” ²⁴ Biga zidkiya kan kelim le Armiya, “mata wori le ayi zol kalamat del ashan inta ma bi mutu. ²⁵ Kan giyadat del asma gali ana kan wonusu ma inta, wa iza kan umon jaw a kelim le inta. Wori le nina inta kelim le melik sunu wa mata kafu min nina, au nina bi katulu inta; ²⁶ Biga inta bi kelim le umon, ana nenzil nefsa tai be huja gidam ta melik bi inu keli huwa ma rija ana fi beit ta Yonathan ashan ana bi mutu.” ²⁷ Baga giyadat kulu kan ja le Armiya wa asalu huwo, huwo Juwabu umon ze melik kan wori le huwo, biga umon kan wogif wonusa ma huwo, le anu umon kan ma asma wonusa al kan bein Armiya wa melik. ²⁸ Armiya biga kan fadulu fi beit ta haras lahadi yom al kan gobudu Ourshelim.