¹ Kalam al kan ja le Armiya min Yahwa fi ayam al Yaho yakim weled ta Yosiya melik ta Yahuza, kelim, ² Rwa le aela ta Rakabiin wa kelim le umon. Kaman jibu umon le beit tai fi whid min adat al hinak wa wodi le umon kamr/merisa ashan bi asurubu, ³ Be kida ana kan shilu jazaniya weled ta Armiya weled ta Habaziniya wa akwana towo, awolad towo kulu, wa kulu aela ta Rakabiin. ⁴ Ana kan shilu umon fi beit ta Yahwa fi adat ta awolad ta hanan weled ta ijdaliya rajul Alla odat del kan jambu oda ta ruasa al kan fok oda ta moesiya weled ta Shalom haris ta bab. ⁵ Biga ana kan kutu gurumat wa kubayat maliyan ma merisa gidam ta Rakabiin wa kelim le umon, “ashrub takum merisa, ⁶ Lakin umon kan kelim, “anina ma bi ashrab ayi merisa, le anu judud jonadab weled ta Rekab, kan wosi anina, mata kum ashrab ayi merisa, la intum wa la iyal ta iyal takum lelabad. ⁷ Kaman mata kum abinu ayi biyut, zara ayi bizur, zara ayi mazra; de ma le intum. Le anu intum bi geni fi keymat kulu ayam ta kum, ashan intum bi eish ayam ketir fi arid al intum bi geni ze ajanib; ⁸ Anina ehterim sout ta Yonadab weled ta Rakab, jidu ta nina fi kulu al huwo wosi anina, be inu keli nina ma ashrab merisa kulu ayam ta nina nina, nuswan ta nina, awolad ta nina, wa banat ta nina. ⁹ Anina ma bi abinu biyut ashan bi geni fogo, wa ma bi kun fi zera au bizur le nina. ¹⁰ Nina geni fi keimat wa ehterim wa amulu kulu al yonadab jidu ta nina kan wosi nina. ¹¹ Lakin wokit Nebukadnaser melik ta Babel hajimu beled, nina kan kelim, taal nina bi ruwa le Ourshelim ashan bi jere min jiyush ta kaldanin wa Aramin; be kida anina gi geni fi Ourshelim. ¹² Biga kalam ta Yahwa kan ja le Armiya gali, ¹³ “Yahwa al gedir, Rabana ta Israel kelim kida, Ruwa wa kelim le rujal al fi Yahuza wa al gaidin fi Ourshelim, “intum ma bi ligo Nesiha wa asuma le kalamat tai? Yahwa kelim kida. ¹⁴ Kelimat ta Yonadab weled ta Rakab al huwo kan wodi le awolad towo ze wosiya, keli umon ma ashrab merisa, hafizu lahadi yom ta alela, umon kan hafizu wosiya ta jidu tomon, lakin le ana ana be nefsa tai kan towali gi wodi elanat le intum, lakin intum ma asma le ana. ¹⁵ Ana kan rasulu le intum kudam tai, al anbiya. Ana kan tawali gi rasulu umon ashan bi kelim, keli ayi zol agilibu min sika al batal towo wa amulu amal al kwes, keli mafi zol dowuru tani wara aliha tannin wa abidu umon. Lakin rija wara le arid al ana kan wodi le judud takum; lisa intum ma bi asma le ana au kutu bala leana. ¹⁶ Leanu iyal ta yonadab weled ta Rakab kan hafizu wasaya ta jibu tomon al huwo kan wodi le umon, lakin nas de aba asma le ana” ¹⁷ Be kida Yahwa, Rabuna al gedir wa Rabuna ta Israel kelim kida, Ayinu, ana gi jibu le Yahuza wa le kulu wahid al gaid fi Ourshelim, kulu kawaris al ana kan alinu did umon ashan wonusu le umon, lakin umon ma asma; ana kan nadi umon, lakin umon ma rudu” ¹⁸ Armiya kan kelim le aela ta Rakabiin, “Yahwa al gedir, Rabuna ta Israel kelim kida; intum asma le wasaya ta Yonadab jibu takum wa hafizu umon kulu, intum ehterim kulu al huwo kan wosi intum ashan amulu, ¹⁹ Be kida Yahwa al gedir kelim kida, “bi kun fi dayman wahid min jil ta Yonadab weled ta Rakab al bi akdim ana”