¹ Kalam ta Yahwa kan ja le Armiya maratani zaman al huwo kan lisa fi sijin/mahal ta herasa. ² Yahwa al kalig kelim kida, Yahwa al shakkal ashan bi asisu huwo Yahwa. ³ Nadi ana, wa ana bi juwabu inta. Ana bi wori le inta hajat azim, asrar al inta ma fahim/aruf; ⁴ Le anu Yahwa, Rabuna ta Israel kelim kida bekusus biyut fi medina de wa biyut ta muluk ta Yahuza al kasuru tehet ashan hisar wa seif, ⁵ Al kaldaniin jain le dusman wa ashan bi mala biyut ma Jusas ta nas al ana bi katulu be zalan watakiyan, lama nana bi kati usa tai min medina de ashan kulu sher bitomon. ⁶ Lakin ayinu, ana gerib bi jibu shifa wa ilaj, le anu ana bi aliju umon wa bi jibu le umon salam wa amn kifaya. ⁷ Leanu ana bi rijau tharawat ta Yahwa wa Israel; ana bi abinu umon tani ze kan fi bidaya. ⁸ Biga ana bi nedifu umon min kulu batal al umon kan amulu did ana; ana bi afi kulu hajat al batal al umon kan amulu le did ana. Wa kulu sikat ta tamarud al umon amulu did ana. ⁹ Le anu medina de bikun mahal ta Farah le ana, guna ta tesben wa karama le kulu bilad ta arid al bi asma an kulu hajat al kwes ana gi ruwa amulu le medina de, bega umon bi kafu wa rogus ashan kulu hajat al kwes wa salam al ana bi wodi medina de. ¹⁰ Yahwa kelim kida, fi mahal de al hasa intum gi kelim, “huwo karban, mahal de al hasa intum gi kelim, huwo karban, mahal al ma indu zol wa la hayiwan. Fi mudun ta Yahu diya de, wa fi sikal ta Ourshelim al karban ma indu zol wala hayiwan, hinak bi asmau tani ¹¹ Sout ta farah was out ta surur, sout ta arusa ma aris, sout ta del kelim, wokit umon bi jibu tagadimat ta shukur le beit ta Yahwa, “wodi ta shukurat le Yahwa al junud, lean Yahwa kwes, wa mohaba bi towo bifadulu lel abad” leanu ana bi rija tharawat/sarawot ta arid ze kan bediri, Yahwa kelim. ¹² Yahwa ta junud kelim kida; fi mahal al karban de, al hasa mafi fogo zol wala hayiwan-fi kulu mudun towo bikun fi mahal kuwes al roaa bi akilu hayiwanat tomon. ¹³ Fi mudun al fi tarof jibal, al tehet jibal, wa najaf, fi arid ta Benyamin, wa kulu atraf ta Ourshelim, wa fi mudun ta Yahuza, hayiwanat takum bi murur tehet iden ta nas al bi idu umon, Yahwa kelim. ¹⁴ Ayinu! Ayam tai, Yahwa kelim kida al ana bi amulu haja al ana waadu le beit ta Israel wa eit ta Yahuza. ¹⁵ Fi ayam dak wa fi zaman da kana bi amulu fere al bar bi raba le Daud, wa huwo bi Istakal be adala wa bir fi Arid. ¹⁶ Fi ayam dak Yahuza bi kalisu, wa Ourshelim bi eish be aman, leanu bi nadi hiya kida, “yahwa yau bir bitana.” ¹⁷ Leanu Yahwa kelim kida; Rajul min bab ta Daud ma bi jeli ashan bi geni fi kursi ta beit Israel, ¹⁸ Wala rajul min khahana ta lawin bi jeli gidam ana ashan bi arfa moharigat, ashan bi haragu tagadimat ta akio, wa amulu tegedimat ta hubbub kulu zaman. ¹⁹ Kalam ta Yahwa kan ja le Armiya gali. ²⁰ Yahwa kelim kida: “Iza kan intum bi agder kasuru itifagiya tai nahar wa bilel ashan nahar wa bilel ma bikun tani fi awokat tomon al hesiya. ²¹ Bega intum bi agder kasuru itifagiya tai ma Daud kadim tai, ashan huwo ma bikun tani indu weled al bigeni fi kurisi towo, wa itifagiya tai ma lawiin al kahana, kudam tai. ²² Ze ma be agderu idu nujum tasama, ze ma be agederu idu romla al taraf bahar ana Kaman bi zidu ajiyal ta Daud kadim tai wa lawin al gi kadim gidam ana” ²³ Kalam ta Yahwa kan ja le Armiya gali, ²⁴ “Inta kan ma asma kalam al Yahwa kan iktar, hasa huwo aba umon kalas? Be terigs de umon alisu nas tai, gali umon tani ma shaab/umma fi ena tomon. ²⁵ Ana, Yahwa kelim kida, “iza kan ana ma asisu itifagiya ta nahar wa bileil, wa iza kan ana sabitu gawanin sama wa arid, ²⁶ Biga ana bi aba jeil ta Yacoub wa Daud kadim tai, wa ma bi jibu min umon zol al bi hokum le jeil ta Abraham, ishak, wa Yacoub. Leanu ana bi rija tharowat tomon wa wori le umon rahma tai.”